Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


App banner App banner
હોમ > સ્પોર્ટ્સ સમાચાર > ક્રિકેટ > આર્ટિકલ્સ > મેન્સ એશિયા કપ રાઇઝિંગ સ્ટાર્સમાં ભારત ૧૩ વર્ષના ટાઇટલ દુકાળનો અંત કરવા ઊતરશે

મેન્સ એશિયા કપ રાઇઝિંગ સ્ટાર્સમાં ભારત ૧૩ વર્ષના ટાઇટલ દુકાળનો અંત કરવા ઊતરશે

Published : 19 November, 2026 08:13 AM | Modified : 19 November, 2026 08:46 AM | IST | Doha
Gujarati Mid-day Correspondent | feedbackgmd@mid-day.com

ડિફેન્ડિંગ ચૅમ્પિયન પાકિસ્તાને સૌથી વધુ ૩ ટાઇટલ જીત્યાં છે.

તમામ કૅપ્ટન્સ બૅટ-બૉલના આકારવાળી કેક કાપતા જોવા મળ્યા

તમામ કૅપ્ટન્સ બૅટ-બૉલના આકારવાળી કેક કાપતા જોવા મળ્યા


આજથી કતરના દોહામાં ૮ ટીમો વચ્ચે મેન્સ એશિયા કપ રાઇઝિંગ સ્ટાર્સ 2026ની શરૂઆત થશે. ૨૬ અને ૨૭ નવેમ્બરે સેમી-ફાઇનલ મૅચો રમાશે, જ્યારે ૨૯ નવેમ્બરે બે ટીમો વચ્ચે ફાઇનલમાં રસાકસી જોવા મળશે. ૨૦૧૩થી ૨૦૨૪ વચ્ચે ૬ સીઝન આ ટુર્નામેન્ટ ઇમર્જિંગ એશિયા કપના નામથી રમાઈ હતી. કતરમાં આયોજિત છેલ્લી સીઝનથી આ ટુર્નામેન્ટ રાઇઝિંગ સ્ટાર્સ તરીકે ઓળખાય છે.

ડિફેન્ડિંગ ચૅમ્પિયન પાકિસ્તાને સૌથી વધુ ૩ ટાઇટલ જીત્યાં છે. શ્રીલંકાએ બે વખત અને ભારતે ૧ વખત ટાઇટલ પોતાને નામે કર્યું છે. ભારત ૨૦૧૩માં પહેલી સીઝન જીત્યું હતું અને હવે ૧૩ વર્ષના ટાઇટલ દુકાળને સમાપ્ત કરવાનો પ્રયાસ કરશે.



આઠમી સીઝનમાં ૮ ટીમોને બે ગ્રુપમાં વિભાજિત કરવામાં આવી છે. ગ્રુપ Aમાં અફઘાનિસ્તાન, બંગલાદેશ, હૉન્ગકૉન્ગ, શ્રીલંકાનો સમાવેશ કરવામાં આવ્યો છે. ગ્રુપ Bમાં ભારત, નેપાલ, પાકિસ્તાન અને UAEની ટીમને એન્ટ્રી મળી છે.


કૅપ્ટન તિલક વર્મા, વાઇસ-કૅપ્ટન રિન્કુ સિંહની આગેવાનીમાં વૈભવ સૂર્યવંશી, અભિષેક શર્મા, પ્રિન્સ યાદવ જેવા સ્ટાર પ્લેયર્સ રમતા જોવા મળશે. મુંબઈના સૂર્યાંશ શેડગે અને તનુષ કોટિયન પણ ઇન્ડિયા A સ્ક્વૉડમાં સામેલ છે.

ભારતીય ટીમનું શેડ્યુલ 


૨૦ નવેમ્બરે નેપાલ સામે 
૨૨ નવેમ્બરે પાકિસ્તાન સામે 
૨૪ નવેમ્બરે UAE સામે

Whatsapp-channel Whatsapp-channel

19 November, 2026 08:46 AM IST | Doha | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK