દિવાળીનો માહોલ ઊભો કરવામાં મોટો ફાળો હોય છે ઘરના સુશોભીકરણનો. દીવડા અને રોશનીનો ઝગમગાટ, કંદીલ, તોરણ અને રંગોળીના શુભતત્ત્વનો પરમાટ એમાં ભળે ત્યારે જ ખરી દિવાળી આવે. તહેવારોને આડે હવે માત્ર એક અઠવાડિયું બાકી છે ત્યારે સુશોભન અને શુકનની વસ્તુઓથી મુંબઈના દરેક વિસ્તારની બજાર ઊભરાઈ રહી છે. મલાડ, કાંદિવલી, બોરીવલી, ભુલેશ્વર, ક્રૉફર્ડ માર્કેટ, લુહાર ચાલ, માહિમની કંદીલ ગલી, મુલુંડ-ઘાટકોપર એમ મુંબઈની દરેક માર્કેટમાંથી ચુનંદા અને નવી ટ્રેન્ડી આઇટમોની ગાઇડ પ્રસ્તુત છે.
ભુલેશ્વર, લુહાર ચાલ અને ક્રૉફર્ડ માર્કેટ
સાઉથ મુંબઈની ખરીદીની વાત આવે એટલે સૌથી પહેલું નામ યાદ આવે ભુલેશ્વર માર્કેટનું. ભુલેશ્વરની ધમધમતી અને કલરફુલ ગલીઓમાં જાઓ એટલે દિવાળીનો સાચો માહોલ તરત ફીલ થઈ જાય. ઘરના ડેકોરેશનની તમામ વસ્તુઓ જેમ કે માતાજીનાં પગલાં, શુભ-લાભ, નવા-નવા કન્સેપ્ટવાળાં તોરણ, રેડીમેડ રંગોળી અને માટીના કે મેટલના દીવાઓ બધું જ તમને અહીં એકસાથે મળી જશે. પણ હા, ખાલી ભુલેશ્વર ફરીને પાછા આવી જશો તો તમારું શૉપિંગ અધૂરું રહી જશે, કારણ કે સ્માર્ટ શૉપિંગની ખરી મજા એમાં જ છે કે જે માર્કેટ જે ચીજ માટે ફેમસ હોય ત્યાંથી જ એ લેવાય. ઘરને રોશનીથી ઝગમગાવવા માટેની લાઇટ્સ અને કંદીલના સૌથી બેસ્ટ ઑપ્શન્સ જોઈતા હોય તો ભુલેશ્વરથી થોડું આગળ ચાલીને લુહાર ચાલ તરફ જજો. જો ગિફ્ટિંગ માટે આઇટમ્સ શોધી રહ્યા હો તો કૉફર્ડ માર્કેટનું કલેક્શન જોઈ આવજો.
મુલુંડ અને દાદર
મુલુંડના રામ રતન ત્રિવેદી રોડ પર અત્યારે પગ મૂકવાની પણ જગ્યા નથી. દિવાળીના શૉપિંગ માટે આ માર્કેટ રોડ શૉપિંગ ડેસ્ટિનેશન બની ગયું છે. પહેલાં જે લોકોને શૉપિંગ માટે ખાસ દાદર કે દક્ષિણ મુંબઈનાં મોટાં માર્કેટ્સમાં જવું પડતું હતું એ બધું જ હવે અહીં મળી રહે છે ત્યારે આ વખતે દિવાળીમાં નવું શું છે એ જોઈ લઈએ, જેથી ક્વિક શૉપિંગ કરવામાં મદદ મળી રહે. દાદર માર્કેટમાં દિવાળીની રોનક દસ ગણી વધી ગઈ છે. આ વખતે મુંબઈની બધી જ માર્કેટ્સમાં હૅન્ડમેડ અને પ્રીમિયમ ક્વૉલિટીની ડેકોર આઇટમ્સ મળી રહી હોવાથી લોકોનો શૉપિંગનો ઉત્સાહ પણ બમણો થઈ રહ્યો છે.
માહિમની કંદીલ ગલી
દિવાળીના માત્ર ૧૫ જ દિવસ માટે અચાનક જ જાગી ઊઠતી ગલી એટલે માહિમ-દાદર વચ્ચે આવેલી કંદીલ ગલી. આ માર્કેટમાં તમને માત્ર ને માત્ર કંદીલ જ મળશે. જોકે અહીં ૫૦ રૂપિયાના બેબી કંદીલથી લઈને ૧૦,૦૦૦ રૂપિયાના ડિઝાઇનર અને જાયન્ટ કંદીલની રેન્જ છે. આ ગલીની આસપાસમાં રહેતા લોકો દ્વારા જ આ કંદીલ બને છે એટલે કમ્પ્લીટ્લી હોમમેડ પ્રોડક્ટ્સ અહીં મળશે. આ ગલીમાં કંદીલ વેચતા કેટલાક પરિવારો તમે કહો એવા અને એ સાઇઝનાં ડિઝાઇનર કંદીલ બનાવી પણ આપે છે. અલબત્ત, એ માટે બલ્કમાં કંદીલનો ઑર્ડર આપવો પડે. કંદીલનું આ હોલસેલ માર્કેટ છે એમ કહીએ તો ચાલે, કેમ કે અહીં બલ્કમાં કંદીલ ખૂબ પરવડે એવા ભાવે મળી રહેશે.
- દર્શિની વશી, કાજલ રામપરિયા, હિના પટેલ31 October, 2026 12:36 IST Mumbai | Gujarati Mid-day Correspondent
જ્યારે મોંઘા રેસ્ટોરન્ટ્સ અને એસી કાફેની ભીડથી દૂર, કોઈ એક નાનકડી ફૂડ કાર્ટ આગળ લોકોની પડાપડી જોવા મળે, ત્યારે સમજી લેવું કે ત્યાં માત્ર ખાવાનું નહીં, પણ કોઈના સપનાઓ અને અથાક પરિશ્રમનો જાદુ પીરસાઈ રહ્યો છે. અમદાવાદના બોપલ વિસ્તારમાં ગાલા જીમખાના રોડ પર શુભમભાઈ સંચાલિત Sharma`s Cart નામનું એક અનોખું ફૂડ હબ ધમધમી રહ્યું છે. અહીં પહોંચતાની સાથે જ હવામાં જે સુગંધ ફેલાય છે અને લોકોના ચહેરા પર જે સ્વાદનો આનંદ દેખાય છે, તે કોઈને પણ રોકાવા મજબૂર કરી દે છે. પણ આ કાર્ટ પાછળની કહાની માત્ર એક ફૂડ સ્ટોલની નથી, આ એક એવા યોદ્ધાની વાત છે, જેને જિંદગીએ એવા ઘા આપ્યા કે સામાન્ય માણસ તો ક્યારનોય ભાંગી પડે, પરંતુ તેણે પોતાના અતૂટ આત્મવિશ્વાસથી મુસીબતોને પણ એક સ્વાદિષ્ટ વળાંક આપ્યો છે.
ગુજરાતમાં રેસ્ટોરન્ટ્સ અને સ્ટ્રીટ ફુડ વિશે લખનારાઓમાં પૂજા સાંગાણીનું નામ જાણીતું છે. મિડ-ડે અખબારમાં લગલગાટ બે વર્ષ સુધી ખાઇ પીને મોજ નામની કૉલમથી તેઓએ ગુજરાતી ફુડને સ્વાદ રસિયાઓ સમક્ષ રજૂ કર્યું ત્યારે હવે તેઓ ડિજિટલી સ્વાદની "જ્યાફત" આપણી સાથે શૅર કરશે. ફૂડી પૂજા ગાંધીનગરમાં જન્મ્યાં અને વડોદરામાં ઉછર્યાં. અંગ્રેજી સાહિત્યમાં માર્સ્ટર્સ કરનારા પૂજા ગુજરાતી અને અંગ્રેજી બંન્ને ભાષામાં કોન્ટેન્ટ રાઇટિંગ કરતાં આવ્યા છે. તે ફૂડ રાઇટર જ નહીં પણ ફૂડ બ્લોગર પણ છે અને સોશ્યલ મીડિયા સ્ટ્રેટેજિસ્ટ તરીકે પણ કામ કરે છે. ફૂડ બ્લોગર, ફૂડ લેખિકા અને સોશિયલ મીડિયા સ્ટ્રેટેજિસ્ટ તરીકે પોતાના અનુભવનો લોકોને લાભ આપે છે. તેઓ સોશ્યલ મીડિયા પર પણ પોતાના લખાણો મુકે છે તથા તેમના કામને પગલે બે એવોર્ડ પણ તેઓ મેળવી ચૂક્યાં છે. નવા રેસ્ટરન્ટ્સ ખૂલે કે કોઇ નવો ફૂડ ટ્રેન્ડ હોય તે અચૂક ત્યાં પહોંચે અને સ્વાદ રસિકોને માર્ગદર્શન પણ આપતા રહે છે. ચાલો માણીએ જ્યાફત. (તસવીરો : પૂજા સાંગાણી)30 October, 2026 06:21 IST Mumbai | Gujarati Mid-day Online Correspondent
મુંબઈના ફોર્ટ વિસ્તારમાં આવેલા `પેરાડૉક્સ મ્યુઝિયમ` (Paradox Museum)માં `ટ્વિસ્ટેડ હૅલોવીન` (Twisted Halloween) કાર્યક્રમનું આયોજન કરવામાં આવ્યું છે. આ ઈવેન્ટ ૨૩ ઑક્ટોબરથી પહેલી નવેમ્બર, ૨૦૨૬ સુધી યોજાશે, જેમાં પરિવારો, બાળકો અને હૅલોવીનની ઉજવણી કરવાની ઈચ્છા ધરાવતા લોકો માટે વિવિધ એક્ટિવિટીનો સમાવેશ કરવામાં આવ્યો છે. આ ઉપરાંત, ૩૦ અને ૩૧ ઑક્ટોબરે મ્યુઝિયમમાં ખાસ હૅલોવીન પાર્ટીઓનું પણ આયોજન કરવામાં આવશે. (તસવીરો: Paradox Museum અને વિરેન છાયા)28 October, 2026 07:53 IST Mumbai | Gujarati Mid-day Online Correspondent
કવિવાર શ્રેણીમાં આજે તમને નવીનક્કોર કલમનો પરિચય કરાવવો છે. સ્ત્રીસર્જકોમાં જે નવા આવજો જોડાયા છે તેમાં આંખે ચડી આવે તેવું નામ છે દિક્ષિતા શાહ. છંદો પર સારીએવી પકડ સાથે મનના ભાવતરંગોને ગઝલમાં ઢાળતાં આ કવયિત્રીના શેરોમાં અનુભવાતી ચોટ જ તેમના કવિકર્મનું સાફલ્ય સૂચવે છે.
‘ગુજરાતી ભાષા મરી પરવારી છે’, ‘ગુજરાતી ભાષા વેન્ટિલેટર પર છે’ આવા વાક્યો તમે સાંભળ્યાં હશે. કદાચ તમે પણ આવું જ વિચારતા હશો. પરંતુ ગુજરાતી ભાષા કેટલાય કવિ-લેખક-પત્રકારોના ખોળે રમી-રમીને ઊછરી છે અને આવી સમૃદ્ધ ભાષા બળાપાનો ભોગ નથી બનતી. આપણે જીવ બાળવાને બદલે ભાષાના વારસાનો દિવો કરી તેનો મનમાં અને હૈયામાં ઉજાસ કરીએ. ગુજરાતી કવિતાઓનો રસાસ્વાદ આવો જ એક પ્રયાસ છે, જેના થકી આવી મહામૂલી ભાષાની ઉત્તમ રચનાઓ અને તેના સર્જકોને ફરી જીવીએ, ફરી મમળાવીએ. આ કવિતાના શબ્દોની પાંખે બેસી કોઇ નવા બ્રહ્માંડની સફર કરી શકાય એ માટે ગુજરાતી મિડ-ડે ડૉટ કૉમ આપની માટે ગુર્જર ભાષાના જાણીતા કવિઓના જીવન-કવન અને કવિતાઓ લઈને આવ્યું છે આ ‘કવિવાર’માં. આવો, સાથે મળી દર બીજા અને ચોથા મંગળવારે ‘કવિવાર’ (Kavivaar) ઊજવીએ.27 October, 2026 02:54 IST Mumbai | Dharmik Parmar
પાણીપુરીનું નામ સાંભળતાં જ લોકોના મોંમાં પાણી આવી જાય છે અને તેને આરોગતા જાણે આખા દિવસનો થાક અને ચિંતાઓ ક્ષણવારમાં ઓગળી ગઈ હોય તેવી અનુભૂતિ થવા લાગે છે. વળી એ, ફુદીનાના તીખા-ચટપટા પાણી સાથે ખજૂરની મીઠાશ અને મસાલેદાર ચણા-બટાકાના સ્વાદનો એવો અદ્ભુત સંગમ ભળે છે કે કોઈ પણ ફૂડ લવર તેના પ્રેમમાં પડ્યા વિના રહી જ ન શકે.
ગુજરાતમાં રેસ્ટોરન્ટ્સ અને સ્ટ્રીટ ફુડ વિશે લખનારાઓમાં પૂજા સાંગાણીનું નામ જાણીતું છે. મિડ-ડે અખબારમાં લગલગાટ બે વર્ષ સુધી ખાઇ પીને મોજ નામની કૉલમથી તેઓએ ગુજરાતી ફુડને સ્વાદ રસિયાઓ સમક્ષ રજૂ કર્યું ત્યારે હવે તેઓ ડિજિટલી સ્વાદની "જ્યાફત" આપણી સાથે શૅર કરશે. ફૂડી પૂજા ગાંધીનગરમાં જન્મ્યાં અને વડોદરામાં ઉછર્યાં. અંગ્રેજી સાહિત્યમાં માર્સ્ટર્સ કરનારા પૂજા ગુજરાતી અને અંગ્રેજી બંન્ને ભાષામાં કોન્ટેન્ટ રાઇટિંગ કરતાં આવ્યા છે. તે ફૂડ રાઇટર જ નહીં પણ ફૂડ બ્લોગર પણ છે અને સોશ્યલ મીડિયા સ્ટ્રેટેજિસ્ટ તરીકે પણ કામ કરે છે. ફૂડ બ્લોગર, ફૂડ લેખિકા અને સોશિયલ મીડિયા સ્ટ્રેટેજિસ્ટ તરીકે પોતાના અનુભવનો લોકોને લાભ આપે છે. તેઓ સોશ્યલ મીડિયા પર પણ પોતાના લખાણો મુકે છે તથા તેમના કામને પગલે બે એવોર્ડ પણ તેઓ મેળવી ચૂક્યાં છે. નવા રેસ્ટરન્ટ્સ ખૂલે કે કોઇ નવો ફૂડ ટ્રેન્ડ હોય તે અચૂક ત્યાં પહોંચે અને સ્વાદ રસિકોને માર્ગદર્શન પણ આપતા રહે છે. ચાલો માણીએ જ્યાફત. (તસવીરો : પૂજા સાંગાણી)23 October, 2026 10:28 IST Ahmedabad | Gujarati Mid-day Online Correspondent
દિવાળીના તહેવાર દરમિયાન પરિવાર સાથે ફરવા જવાનું આયોજન કરતા પ્રવાસીઓ માટે આફ્રિકાનો દેશ કેન્યા એક અનોખો વિકલ્પ બની શકે છે. અહીં ફટાકડાં અને રોશનીની ઝાકમઝોળને બદલે વિશાળ મેદાનોમાં વિહરતા હાથીઓ, માઉન્ટ કિલિમાન્જારોની પૃષ્ઠભૂમિમાં સૂર્યોદય, તારાઓથી ઝળહળતું આકાશ અને કુદરતની વચ્ચે ખાસ ડિનરનો અનુભવ પ્રવાસને યાદગાર બનાવી શકે છે. વન્યજીવન, સાહસ અને લક્ઝરીનો સમન્વય ધરાવતું કેન્યા આ દિવાળીએ પરંપરાગત ઉજવણીથી કંઈક અલગ અનુભવવા ઇચ્છતા ભારતીય પ્રવાસીઓ માટે આકર્ષક સ્થળ બની શકે છે.22 October, 2026 07:13 IST Mumbai | Gujarati Mid-day Online Correspondent
‘ગુજરાતી ભાષા મરી પરવારી છે’, ‘ગુજરાતી ભાષા વેન્ટિલેટર પર છે’ આવા વાક્યો તમે સાંભળ્યાં હશે. કદાચ તમે પણ આવું જ વિચારતા હશો. પરંતુ ગુજરાતી ભાષા કેટલાય કવિ-લેખક-પત્રકારોના ખોળે રમી-રમીને ઊછરી છે અને આવી સમૃદ્ધ ભાષા બળાપાનો ભોગ નથી બનતી. આપણે જીવ બાળવાને બદલે ભાષાના વારસાનો દિવો કરી તેનો મનમાં અને હૈયામાં ઉજાસ કરીએ. ગુજરાતી કવિતાઓનો રસાસ્વાદ આવો જ એક પ્રયાસ છે, જેના થકી આવી મહામૂલી ભાષાની ઉત્તમ રચનાઓ અને તેના સર્જકોને ફરી જીવીએ, ફરી મમળાવીએ. આ કવિતાના શબ્દોની પાંખે બેસી કોઇ નવા બ્રહ્માંડની સફર કરી શકાય એ માટે ગુજરાતી મિડ-ડે ડૉટ કૉમ આપની માટે ગુર્જર ભાષાના જાણીતા કવિઓના જીવન-કવન અને કવિતાઓ લઈને આવ્યું છે આ ‘કવિવાર’માં. આવો, સાથે મળી દર બીજા અને ચોથા મંગળવારે ‘કવિવાર’ (Kavivaar) ઊજવીએ.20 October, 2026 02:42 IST Mumbai | Dharmik Parmar
નવરાત્રિ માત્ર ગરબા રમવાનો તહેવાર નથી, શક્તિની ઉપાસના કરવાનો પણ તહેવાર છે. જોકે આજના સમયમાં શહેરોમાં નવરાત્રિ માત્ર ઝગમગાટ લાઇટોના પ્રકાશે અને જાતજાતની વેશભૂષા સાથે તેમ જ ડિસ્ક જૉકી (DJ)ના સથવારે ગરબે ઘૂમવાનો તહેવાર બની ગયો છે. જોકે હજી પણ કેટલાક લોકો છે જેમના માટે નવરાત્રિનો અર્થ માત્ર ગરબા નથી. માતાજીના એવા કેટલાક ભક્તો પણ છે જેમાં કોઈ નકોરડા ઉપવાસ કરે તો કોઈ અલૂણા ઉપવાસ કરીને માતાજીની આરાધના કરે. કોઈ નવેનવ દિવસ માત્ર જૂસ, દૂધ કે પાણી પર રહીને ઉપવાસ કરે તો કોઈ નવરાત્રિના નવેનવ દિવસ ખુલ્લા પગે ફરે. નવ-નવ દિવસ સુધી અન્નનો ત્યાગ કરીને આરાધના કરતા ઉપાસકો માટે નવરાત્રિ એ આત્મશુદ્ધિ અને ભક્તિનો મહાયજ્ઞ છે. વિધિવિધાનથી લઈને સાધના દ્વારા માતાજીની ભક્તિમાં લીન થઈ જતા માતાજીના આવા ભક્તોની શ્રદ્ધા અને આસ્થા ખરેખર અનોખી છે. મળીએ માતાજીના આવા પરમ ઉપાસકોને જેમના માટે નવરાત્રિ માત્ર ઉત્સવ નહીં; તપ, ત્યાગ અને આત્મસાધનાનો અવસર છે.
- દર્શિની વશી અને કાજલ રામપરિયા19 October, 2026 05:31 IST Mumbai | Gujarati Mid-day Correspondent
ADVERTISEMENT
ADVERTISEMENT
This website uses cookie or similar technologies, to enhance your browsing experience
and provide personalised recommendations. By continuing to use our website, you agree
to our Privacy Policy and Cookie Policy. OK
