વેસ્ટ ઇન્ડીઝની વન-ડે ટીમમાં શિમરન હેટમાયરની ૧૧ મહિના બાદ વાપસી

૨૦૧૯ બાદ ૧૨ વન-ડે ઇનિંગ્સમાં નથી ફટકારી શક્યો એક પણ ફિફ્ટી

શિમરન હેટમાયર

આજથી વેસ્ટ ઇન્ડીઝ અને ઇંગ્લૅન્ડ વચ્ચે લિમિટેડ ઓવર્સ ક્રિકેટ ફૉર્મેટનો રોમાંચક જંગ જામશે. પાંચ મૅચની T20 સિરીઝ પહેલાં આજથી બન્ને ટીમ વચ્ચે ત્રણ મૅચની વન-ડે સિરીઝ રમાશે. આ સિરીઝ શરૂ થવાના એક દિવસ પહેલાં યજમાન વેસ્ટ ઇન્ડીઝની ટીમે પોતાની સ્ક્વૉડ જાહેર કરી છે. ઑલરાઉન્ડર શિમરન હેટમાયરે ૧૧ મહિના બાદ વેસ્ટ ઇન્ડીઝની વન-ડે ટીમમાં વાપસી કરી છે. હેટમાયર ડિસેમ્બર ૨૦૨૩થી વન-ડે ટીમની બહાર હતો. ડિસેમ્બર ૨૦૧૯માં ભારત સામેની સેન્ચુરી બાદ હેટમાયર ૧૨ વન-ડે ઇનિંગ્સમાં એક પણ ફિફ્ટી ફટકારી શક્યો નથી. 

ભારતીય સમય અનુસાર રાતે ૧૧.૩૦ વાગ્યે પહેલી મૅચ શરૂ થશે. ફૅનકોડ ઍપ પર ભારતીય ફેન્સ આ મૅચનો રોમાંચ નિહાળી શકશે. બન્ને ટીમ વચ્ચે કુલ બાવીસ વન-ડે સિરીઝ રમાઈ છે જેમાંથી ચાર સિરીઝ ડ્રૉ રહી છે અને બન્ને ટીમોએ ૯-૯ સિરીઝ જીતી છે.

ADVERTISEMENT

હેડ-ટુ-હેડ રેકૉર્ડ
કુલ મૅચ    ૧૦૫
ઇંગ્લૅન્ડની જીત    ૫૩
વેસ્ટ ઇન્ડીઝની જીત    ૪૬
નો રિઝલ્ટ    ૦૬