નાણાં મંત્રાલયે જણાવ્યું હતું કે સરકારની પ્રાથમિકતા ગ્રાહકોની સુવિધા સુનિશ્ચિત કરવાની અને તેમની બૅન્કિંગ જરૂરિયાતોમાં કોઈ અવરોધ ન આવે તે જોવાની છે. મંત્રાલયે બૅન્ક યુનિયનોને પ્રસ્તાવિત હડતાળ મુલતવી રાખવાની અપીલ પણ કરી છે.
પ્રતીકાત્મક ફાઇલ તસવીર
સામાન્ય રીતે રવિવારે બૅન્કો બંધ હોય છે. જોકે, આ વખતે પબ્લિક સૅક્ટરની બૅન્કો અને પ્રાદેશિક ગ્રામીણ બૅન્કો રવિવાર, ૨૭ સપ્ટેમ્બરના રોજ ખુલ્લી રહેશે. ગ્રાહકોની સુવિધા સુનિશ્ચિત કરવા માટે સરકારે રવિવારે બૅન્કિંગ સેવાઓ ચાલુ રાખવાનો નિર્ણય લીધો છે. નાણાં મંત્રાલયના જણાવ્યા અનુસાર, ૨૮ થી ૩૦ સપ્ટેમ્બર દરમિયાન યોજાનારી ત્રણ દિવસીય દેશવ્યાપી બૅન્ક હડતાળ પહેલા ગ્રાહકોને કામકાજનો વધારાનો દિવસ પૂરો પાડવા માટે આ પગલું લેવામાં આવ્યું છે. આ હડતાળનું આહ્વાન `યુનાઇટેડ ફોરમ ઓફ બૅન્ક યુનિયન્સ` (UFBU) દ્વારા કરવામાં આવ્યું છે. રિઝર્વ બૅન્ક ઓફ ઇન્ડિયાએ ૨૭ સપ્ટેમ્બરના રોજ તમામ બૅન્ક શાખાઓ, કચેરીઓ, ATM-સંલગ્ન શાખાઓ અને કરન્સી ચૅસ્ટ (રોકડ ભંડાર) ખોલવાની મંજૂરી આપી છે. આ તમામ સ્થળોએ સામાન્ય કામગીરી ચાલુ રહેશે. નાણાં મંત્રાલયે જણાવ્યું હતું કે સરકારની પ્રાથમિકતા ગ્રાહકોની સુવિધા સુનિશ્ચિત કરવાની અને તેમની બૅન્કિંગ જરૂરિયાતોમાં કોઈ અવરોધ ન આવે તે જોવાની છે. મંત્રાલયે બૅન્ક યુનિયનોને પ્રસ્તાવિત હડતાળ મુલતવી રાખવાની અપીલ પણ કરી છે.
૨૮ થી ૩૦ સપ્ટેમ્બર દરમિયાન પ્રસ્તાવિત હડતાળ
ADVERTISEMENT
યુનાઇટેડ ફોરમ ઓફ બૅન્ક યુનિયન્સે વિવિધ માગણીઓ માટે ૨૮, ૨૯ અને ૩૦ સપ્ટેમ્બરના રોજ ત્રણ દિવસીય દેશવ્યાપી હડતાળની જાહેરાત કરી છે. આ પહેલાં, બૅન્ક કર્મચારીઓએ ૧૧ સપ્ટેમ્બરના રોજ એક દિવસીય હડતાળ પાળી હતી. બૅન્ક યુનિયનોની મુખ્ય માગણીઓમાં પાંચ દિવસીય બૅન્કિંગ સપ્તાહનો અમલ અને `પર્ફોર્મન્સ-લિંક્ડ ઇન્સેન્ટિવ` (PLI) યોજના પાછી ખેંચવાનો સમાવેશ થાય છે. સરકારનું કહેવું છે કે યુનિયનો સાથેની વાતચીત બાદ હાલ પૂરતું PLI યોજનાને સ્થગિત રાખવાનો નિર્ણય લેવામાં આવ્યો છે. પાંચ દિવસીય બૅન્કિંગ સપ્તાહની માગણી હાલ વિચારણા હેઠળ છે.
વાતચીત દ્વારા ઉકેલ લાવવાના પ્રયાસો
મંગળવારે, સરકાર અને બૅન્ક મૅનેજમેન્ટે યુનિયનોને વાતચીત દ્વારા બાકીની માગણીઓનો ઉકેલ લાવવાની અપીલ કરી હતી. જોકે, પાંચ દિવસીય બૅન્કિંગ સપ્તાહની માગણી અંગે હજી સુધી કોઈ નક્કર ઉકેલ આવ્યો નથી. આ સંદર્ભમાં, હડતાળ શરૂ થાય તે પહેલાં ગ્રાહકોને બૅન્કિંગ વ્યવહારો માટે વધારાનો દિવસ આપવા માટે ૨૭ સપ્ટેમ્બરે બૅન્કો ખુલ્લી રાખવાનો નિર્ણય લેવામાં આવ્યો છે. ગ્રાહકોને સલાહ આપવામાં આવે છે કે તેઓ હડતાળ શરૂ થાય તે પહેલાં તેમના કોઈપણ આવશ્યક બૅન્કિંગ કાર્યો પૂર્ણ કરી લે.
SBIએ લોન લેનારાના પ્રૉપર્ટી-પેપર ખોઈ નાખ્યા, કોર્ટે પ્રતિ દિન ૫૦૦૦ રૂપિયાના હિસાબે દંડ ફટકાર્યો
દેશની સૌથી મોટી સરકારી બૅન્ક સ્ટેટ બૅન્ક ઑફ ઇન્ડિયા (SBI)એ લોન લેનારી વ્યક્તિના પ્રૉપર્ટી-પેપરો ગુમાવી દીધા હોવાથી બૉમ્બે હાઈ કોર્ટે બૅન્કને પ્રતિ દિવસ ૫૦૦૦ રૂપિયાના હિસાબે દંડ ફટકાર્યો છે. આ દંડ ૨૦૨૩ની પહેલી ડિસેમ્બરથી શરૂ થશે અને જ્યાં સુધી બૅન્ક ઓરિજિનલ દસ્તાવેજ આપશે નહીં ત્યાં સુધી લાગુ રહેશે.
