૩૯૫.૮ કરોડની આવક સાથે નવો ઇતિહાસ રચાયો
પ્રતીકાત્મક તસવીર
પશ્ચિમ રેલવેના મુંબઈ ડિવિઝને ચાલુ નાણાકીય વર્ષની શાનદાર શરૂઆત કરતાં એપ્રિલમાં ૩૯૫.૮૦ કરોડ રૂપિયાની રેકૉર્ડબ્રેક આવક નોંધાવી છે. રેલવે-અધિકારીઓએ જણાવ્યું હતું કે આ આંકડો અત્યાર સુધીની કોઈ પણ એપ્રિલ મહિનાની સર્વોચ્ચ કમાણી છે જેણે એપ્રિલ ૨૦૨૫ના ૩૫૪.૩૨ કરોડ રૂપિયાનો રેકૉર્ડ તોડ્યો છે.
મુંબઈ સેન્ટ્રલ ડિવિઝને ટિકિટ-ચેકિંગ અભિયાન દ્વારા તિજોરીમાં મોટો ઉમેરો કર્યો છે. ૩૦ એપ્રિલે માત્ર એક જ દિવસમાં ૯૬૮૮ કેસ નોંધાયા હતા જેના દ્વારા ૬૮.૫૪ લાખ રૂપિયાની વિક્રમી વસૂલાત કરવામાં આવી હતી. આ પહેલાં ૨૦૨૩ની ૧૦ નવેમ્બરે ૬૧.૦૮ લાખ રૂપિયાની એક દિવસની આવકનો રેકૉર્ડ હતો એટલું જ નહીં, એપ્રિલ ૨૦૨૬માં ટિકિટ-ચેકિંગ દ્વારા કુલ ૧૨.૪૦ કરોડ રૂપિયાની માસિક આવક થઈ છે જે મે ૨૦૨૨માં ૧૨.૨૫ કરોડ રૂપિયાના અગાઉના ઉચ્ચતમ સ્તરને વટાવી ગઈ છે.
