ચાર મહિનામાં વિરાર-દહાણુ રોડ ક્વાડ્રપ્લિંગ પ્રોજેક્ટ અંતર્ગત વિરાર સ્ટેશનના અપગ્રેડેશનનું કામ પૂરું થયું
નવાં પ્લેટફોર્મનાં સ્થાન
વેસ્ટર્ન રેલવેના વ્યસ્ત ગણાતા વિરાર-દહાણુ રોડ ક્વાડ્રુપ્લિંગ (ચારમાર્ગીય રેલવેલાઇન) પ્રોજેક્ટ અંતર્ગત વિરાર સ્ટેશનના અપગ્રેડેશનનું કામ પૂરું થયું છે. આ સાથે જ હવે વિરારથી ૧૫ ડબ્બાની વધુ લોકલ ટ્રેનો દોડાવવાનો માર્ગ મોકળો બન્યો છે. મુંબઈ રેલવે વિકાસ કૉર્પોરેશન (MRVC) દ્વારા આ કામગીરી રેકૉર્ડબ્રેક ચાર મહિનામાં પૂર્ણ કરવામાં આવી છે.
વિરાર સ્ટેશન પર પ્લૅટફૉર્મ-નંબર 3A અને 4Aની પહોળાઈ ૬.૫ મીટરથી વધારીને ૧૦.૫ મીટર કરવામાં આવી છે. એ ઉપરાંત પ્લૅટફૉર્મની લંબાઈમાં પણ વધારો થયો છે જેથી હવે ત્યાં ૧૨ ડબ્બાને બદલે ૧૫ ડબ્બાની લોકલ ટ્રેનો ઊભી રહી શકશે. મુસાફરોની વધતી ભીડને ધ્યાનમાં રાખીને સ્ટેશનની પશ્ચિમ દિશામાં પ્લૅટફૉર્મ-નંબર 5A નામે એક નવું હોમ પ્લૅટફૉર્મ પણ તૈયાર કરવામાં આવ્યું છે જેનાથી ટ્રેનોના સંચાલનમાં સરળતા રહેશે.
ADVERTISEMENT
MRVC અને વેસ્ટર્ન રેલવેએ નવાં પ્લૅટફૉર્મ પર EMU ટ્રેનની ટ્રાયલ-રન સફળતાપૂર્વક હાથ ધરી હતી. આ અપગ્રેડ થયેલાં પ્લૅટફૉર્મ્સ ટૂંક સમયમાં ઝોનલ રેલવેને સોંપવામાં આવશે અને ત્યાર બાદ આ પ્લૅટફૉર્મ પરથી ૧૫ ડબ્બાની ટ્રેન શરૂ થશે.
