૨૦૨૭ના વન-ડે વર્લ્ડ કપ સુધીમાં ૨૭ વન-ડે મૅચ રમશે ટીમ ઇન્ડિયા

નવ દ્વિપક્ષીય સિરીઝમાં રમશે ૩-૩ વન-ડે મૅચ, ૪ સિરીઝ વિદેશમાં રમશે

ટીમ ઇન્ડિયા

ભારતે વાઇટ-બૉલ ફૉર્મેટની ICC ટુર્નામેન્ટમાં છેલ્લી ૨૪માંથી ૨૩ મૅચ જીતીને પોતાનું વર્ચસ સ્થાપિત કર્યું છે. વન-ડે વર્લ્ડ કપ ૨૦૨૩, T20 વર્લ્ડ કપ ૨૦૨૪ અને ચૅમ્પિયન્સ ટ્રોફી ૨૦૨૫ દરમ્યાન ભારત ઑસ્ટ્રેલિયા સામે ઘરઆંગણે ૨૦૨૩ વન-ડે વર્લ્ડ કપની ફાઇનલ મૅચ જ હાર્યું છે. ટીમ ઇન્ડિયા માટે ૨૦૨૭નો વન-ડે વર્લ્ડ કપ સૌથી મહત્ત્વનો બની રહેશે, કારણ કે ૨૦૧૧ના વન-ડે વર્લ્ડ કપ બાદ ટીમ વન-ડે વર્લ્ડ કપ જીતી શકી નથી.

રોહિત શર્મા અને વિરાટ કોહલી જેવા સ્ટાર પ્લેયર્સ આ વર્લ્ડ કપ સુધી રમશે એવી આશા ક્રિકેટ-ફૅન્સ રાખી રહ્યા છે. સાઉથ આફ્રિકા, ઝિમ્બાબ્વે, નામિબિયામાં આયોજિત ૨૦૨૭ વન-ડે વર્લ્ડ કપ પહેલાં ટીમ ઇન્ડિયાનું ૨૭ વન-ડે મૅચનું શેડ્યુલ નક્કી થઈ ગયું છે જેમાં તેઓ ૯ દ્વિપક્ષીય સિરીઝમાં ૩-૩ મૅચ રમશે. આ દરમ્યાન ટીમ ઇન્ડિયા બંગલાદેશ (ઑગસ્ટ ૨૦૨૫), ઑસ્ટ્રેલિયા (ઑક્ટોબર-નવેમ્બર ૨૦૨૫), ઇંગ્લૅન્ડ (જુલાઈ ૨૦૨૬) અને ન્યુ ઝીલૅન્ડ (ઑક્ટોબર-ડિસેમ્બર ૨૦૨૬)માં પણ વન-ડે સિરીઝ રમશે, જ્યારે પાંચ સિરીઝ ઘરઆંગણે રમશે. IPL 2025 બાદ જૂન મહિનાથી ભારતીય ટીમ ફરી ઇન્ટરનૅશનલ મૅચ રમવા ઊતરશે.

ADVERTISEMENT

 અમે ટીમને સારી જગ્યાએ છોડીને જવા માગીએ છીએ. મને લાગે છે કે અમારી પાસે આગામી ૮ વર્ષ માટે વિશ્વનો સામનો કરવા માટે ટીમ તૈયાર છે.
-  વિરાટ કોહલી