સોશિયલ મીડિયા પર વાયરલ થઈ રહેલા એક વીડિયોમાં, ટાઉનસૅન્ડ બૉલ સુધી પહોંચવા માટે હવામાં કૂદકો મારતા જોવા મળે છે. તે જ ક્ષણે, પાછળથી એક પિચ રોલર તેમની નજીક આવતું દેખાય છે. ટાઉનસૅન્ડ હવામાં હોવા છતાં બૉલને `બૅકહીલ` (પાછળની તરફ લાત) મારવાનો પ્રયાસ કરે છે.
વાયરલ વીડિયોમાથી સ્ક્રીનશૉટ (તસવીર: સોશિયલ મીડિયા)
થાઈલૅન્ડમાં PT Prachuap અને Pattani FC વચ્ચેની મૅચ પહેલાં ઇંગ્લૅન્ડના ભૂતપૂર્વ આંતરરાષ્ટ્રીય ખેલાડી એન્ડ્રોસ ટાઉનસૅન્ડ એક ભયાનક ઘટનાનો શિકાર બન્યા હતા. વૉર્મ-અપ દરમિયાન, તેઓ પિચ રોલરના નીચે આવતા માંડ માંડ બચી ગયા હતા. આમ છતાં, ટાઉનસૅન્ડ બાદમાં મૅચ રમવા માટે મેદાનમાં ઉતર્યા હતા.
વૉર્મ-અપ દરમિયાન બની ઘટના
ADVERTISEMENT
સોશિયલ મીડિયા પર વાયરલ થઈ રહેલા એક વીડિયોમાં, ટાઉનસૅન્ડ બૉલ સુધી પહોંચવા માટે હવામાં કૂદકો મારતા જોવા મળે છે. તે જ ક્ષણે, પાછળથી એક પિચ રોલર તેમની નજીક આવતું દેખાય છે. ટાઉનસૅન્ડ હવામાં હોવા છતાં બૉલને `બૅકહીલ` (પાછળની તરફ લાત) મારવાનો પ્રયાસ કરે છે. આ દરમિયાન, તેઓ વાહન સાથે અથડાય છે અને જમીન પર પડી જાય છે. વીડિયોમાં પિચ રોલર તેમના શરીર પરથી પસાર થતું પણ જોવા મળે છે. ઘટના બાદ તરત જ વાહનનો ડ્રાઈવર બહાર આવે છે. તે ટાઉનસૅન્ડને બહાર નીકળવામાં મદદ કરવા માટે વાહનને એક બાજુ નમાવવાનો પ્રયાસ કરતો જોવા મળે છે. ઘટના બાદ ત્યાં હાજર લોકોમાં ચિંતા સ્પષ્ટ દેખાતી હતી. પિચ રોલરનું કદ અને વજન જોતાં પરિસ્થિતિ ગંભીર જણાતી હતી. જોકે, અહેવાલો અનુસાર ટાઉનસૅન્ડ જાતે ચાલીને ત્યાંથી નીકળી શક્યા હતા અને મૅચની તૈયારીઓ ચાલુ રાખી હતી.
અહીં જુઓ વાયરલ વીડિયો
Crazy Scenes as Andros Townsend gets ran over by a Roller! Luckily he wasn’t badly hurt afterwards, could’ve ended soo much worse Welcome to the Thai League https://t.co/EGI2jGfK6r
— Josh (@ayooo2772) September 19, 2026
93મી મિનિટે મેદાનમાં ઉતર્યા
આ ઘટના છતાં, ટાઉનસૅન્ડ PT Prachuapની ટીમનો હિસ્સો રહ્યા હતા. ટીમે Pattani FC સામે 3-0થી જીત મેળવી હતી. ટાઉનસૅન્ડને મૅચની 93મી મિનિટે જેસ્પર ન્યોહોમના સ્થાને મેદાનમાં ઉતારવામાં આવ્યા હતા. આમ, વૉર્મ-અપ દરમિયાનની ઘટનાના થોડા સમય બાદ જ તેઓ સત્તાવાર મૅચ માટે મેદાનમાં જોવા મળ્યા હતા. એન્ડ્રોસ ટાઉનસૅન્ડ ઇંગ્લૅન્ડ માટે પણ રમી ચૂક્યા છે. ક્લબ સ્તરે, તેમણે ટોટનહામ હૉટસ્પર, ક્રિસ્ટલ પૅલેસ અને એવર્ટનનું પ્રતિનિધિત્વ કર્યું છે. વૉર્મ-અપ દરમિયાનની આ ઘટનાનો વીડિયો સોશિયલ મીડિયા પર ઝડપથી ચર્ચાનો વિષય બન્યો હતો.
ટેકબૉલ સેમી-ફાઇનલમાં પહોંચી ભારતની ક્વિન્સી ડિસોઝા
ભારતની ક્વિન્સી ડિસોઝાએ ટેકબૉલની મહિલા સિંગલ્સ સેમી-ફાઇનલમાં એન્ટ્રી કરી છે. એશિયન ગેમ્સના ૭૫ વર્ષના ઇતિહાસમાં પહેલી જ વખત ટેકબૉલની રમત ઉમેરવામાં આવી છે.
ટેકબૉલ એ ફુટબોલ પર આધારિત રમત છે જે વળાંકવાળા ટેબલ પર રમવામાં આવે છે. એમાં ખેલાડીઓ તેમનાં પગ, ઘૂંટણ, છાતી અને માથાનો ઉપયોગ કરી શકે છે; પરંતુ હાથનો ઉપયોગ કરી શકતા નથી. બૉલને પરત મોકલવા માટે દરેક પક્ષના ખેલાડીઓને વધુમાં વધુ ત્રણ ‘ટચ’ (સ્પર્શ) કરવાની છૂટ હોય છે અને તેઓ શરીરના એક જ અંગનો સતત બે વાર ઉપયોગ કરી શકતા નથી. આ રમતમાં ૧૨ પૉઇન્ટના ત્રણ સેટ (બેસ્ટ-ઑફ-થ્રી) હોય છે.
