ગૃહ પ્રધાન અમિત શાહે એ વાત પર પણ ભાર મૂક્યો હતો કે આમ આદમી પાર્ટી (AAP)ના ઉમેદવારો, જેમણે તમામ ૩૨ બેઠકો પર ચૂંટણી લડી હતી, તેઓ દરેક બેઠક પર પોતાની ડિપોઝિટ ગુમાવી બેઠા હતા.
અમિત શાહ (તસવીર: મિડ-ડે)
ગુજરાતની સ્થાનિક સ્વરાજ્યની ચૂંટણીઓમાં ભારતીય જનતા પાર્ટી (ભાજપ)ના શાનદાર પ્રદર્શન બાદ, મંગળવાર, ૧૩ ઑક્ટોબરના રોજ કેન્દ્રીય ગૃહ પ્રધાન અમિત શાહે કૉંગ્રેસ નેતા રાહુલ ગાંધી પર આકરા પ્રહારો કર્યા હતા. તેમણે વિપક્ષ પર ગુજરાતમાં સતત ચૂંટણી હારનો સામનો કરવાનો આરોપ મૂક્યો અને ૨૦૨૯ની લોકસભા ચૂંટણીમાં પણ કૉંગ્રેસની હારની આગાહી કરી. પત્રકારો સાથે વાતચીત કરતા શાહે જણાવ્યું હતું કે ભાજપે ત્રણ સ્થાનિક સ્વરાજ્યની સંસ્થાઓની કુલ ૧૦૪ બેઠકોમાંથી ૯૦ બેઠકો જીતીને ભવ્ય વિજય મેળવ્યો છે. ગાંધીનગર મ્યુનિસિપલ કૉર્પોરેશનમાં - જે શાહના સંસદીય મતવિસ્તાર હેઠળ આવે છે - ભાજપે ૪૪માંથી ૩૮ બેઠકો હાંસલ કરી હતી. અમિત શાહે એ વાત પર પણ ભાર મૂક્યો હતો કે આમ આદમી પાર્ટી (AAP)ના ઉમેદવારો, જેમણે તમામ ૩૨ બેઠકો પર ચૂંટણી લડી હતી, તેઓ દરેક બેઠક પર પોતાની ડિપોઝિટ ગુમાવી બેઠા હતા. વધુમાં, અગાઉની ચૂંટણીની સરખામણીમાં ગાંધીનગર મ્યુનિસિપલ કૉર્પોરેશનમાં ભાજપના મતની ટકાવારીમાં ૧૦ ટકાનો વધારો જોવા મળ્યો હતો.
રાહુલ ગાંધી પર અમિત શાહનો સીધો પ્રહાર
ADVERTISEMENT
રાહુલ ગાંધી પર નિશાન સાધતા શાહે કહ્યું, "હું એ સ્પષ્ટ કરવા માગુ છું - અને ખાસ કરીને રાહુલ-જીને કહેવા માગુ છું - કે કૉંગ્રેસ પાર્ટીએ છેલ્લા ૪૧ વર્ષમાં એક પણ ચૂંટણી જીતી નથી. તેમણે છેલ્લી ચૂંટણી ૧૯૮૫માં જીતી હતી; ત્યારથી, તેમને ગુજરાતમાં સતત હારનો સામનો કરવો પડ્યો છે." ગૃહ પ્રધાને આ પરિણામોને વડા પ્રધાન નરેન્દ્ર મોદીના નેતૃત્વ પર જનતાની મહોર ગણાવી હતી અને જણાવ્યું હતું કે ગુજરાતની જનતા મક્કમતાથી ભાજપની સાથે છે.
मैं राहुल गांधी से कहना चाहता हूँ कि देश की जनता ‘SIR’ की आड़ में घुसपैठियों को बचाने की आपकी रणनीति पूरी तरह समझ चुकी है। अब जनता आपके छलावे में नहीं आएगी। राहुल जी और उनके सहयोगी 2029 में करारी हार के लिए तैयार रहें। 2029 के लोकसभा चुनाव में NDA प्रचंड बहुमत हासिल करेगा और कांग्रेस को एक बार फिर हार का सामना करना पड़ेगा। - केन्द्रीय गृह एवं सहकारिता मंत्री श्री @AmitShah जी #ShahExposesRahul
— Pawan Dubey (@iPawandubey) October 13, 2026
૨૦૨૯ની ચૂંટણી અંગે આગાહી
શાહે મતદાર યાદીની `સ્પેશિયલ ઇન્ટેન્સિવ રિવિઝન` (SIR) પ્રક્રિયાની ટીકા કરવા બદલ પણ રાહુલ ગાંધી પર ટીકા કરી. તેમણે આરોપ લગાવ્યો કે કૉંગ્રેસ નેતા SIR પ્રક્રિયાને દોષ આપીને ભાજપની ચૂંટણીલક્ષી સફળતાને નબળી પાડવાનો પ્રયાસ કરી રહ્યા હતા. અમિત શાહે કહ્યું, "હું રાહુલ ગાંધીને કહેવા માગુ છું કે દેશની જનતા SIRના બહાને ઘૂસણખોરોને બચાવવાની તમારી રણનીતિને સારી રીતે સમજી ગઈ છે અને તેઓ હવે તમારી ચાલબાજીમાં ફસાશે નહીં." ત્યારબાદ, આગામી સામાન્ય ચૂંટણીઓમાં કૉંગ્રેસની હારની આગાહી કરતા તેમણે દાવો કર્યો કે નૅશનલ ડૅમોક્રેટિક અલાયન્સ (NDA) ૨૦૨૯માં જંગી બહુમતી મેળવશે. તેમણે કહ્યું, "હું રાહુલ અને તેમના સાથીઓને કહેવા માગુ છું કે તેઓ ૨૦૨૯માં કારમી હાર માટે તૈયાર રહે. NDA ૨૦૨૯ની સામાન્ય ચૂંટણીઓમાં પ્રચંડ વિજય મેળવવા જઈ રહ્યું છે અને કૉંગ્રેસ સતત ચોથી હાર તરફ આગળ વધી રહી છે." ગૃહ પ્રધાને કૉંગ્રેસના નેતૃત્વને તેમના ચૂંટણીલક્ષી પ્રદર્શન અંગે આત્મમંથન કરવાની સલાહ પણ આપી.
