IPLના મેગા ઑક્શનને કારણે પર્થ ટેસ્ટ વખતે ઑસ્ટ્રેલિયન ડ્યુટી નહીં કરી શકે આ ત્રણ જણ

પર્થમાં બાવીસથી ૨૬ નવેમ્બર દરમ્યાન રમાનારી બૉર્ડર-ગાવસકર ટ્રોફીની પહેલી ટેસ્ટ વચ્ચે IPLનું મેગા ઑક્શન ભરપૂર મનોરંજન આપશે

રિકી પૉન્ટિંગ, ડેનિયલ વેટોરી, જસ્ટિન લૅન્ગર

પર્થમાં બાવીસથી ૨૬ નવેમ્બર દરમ્યાન રમાનારી બૉર્ડર-ગાવસકર ટ્રોફીની પહેલી ટેસ્ટ વચ્ચે IPLનું મેગા ઑક્શન ભરપૂર મનોરંજન આપશે, પણ ૨૪ અને ૨૫ નવેમ્બર દરમ્યાન સાઉદી અરેબિયામાં આયોજિત આ મેગા ઑક્શનને કારણે ત્રણ ફ્રૅન્ચાઇઝીના હેડ કોચ પર્થ ટેસ્ટનો લાઇવ રોમાંચ નહીં માણી શકશે. 

ન્યુ ઝીલૅન્ડનો ભૂતપૂર્વ ક્રિકેટર ડેનિયલ વેટોરી હાલમાં ઑસ્ટ્રેલિયન ટીમનો સહાયક કોચ છે, પણ સનરાઇઝર્સ હૈદરાબાદના આ હેડ કોચને મેગા ઑક્શનમાં જવાની રજા મળી ગઈ છે. રિકી પૉન્ટિંગ અને જસ્ટિન લૅન્ગર પણ IPLની હરાજીને કારણે ચૅનલ સેવન માટે કૉમેન્ટરી નહીં કરી શકશે. પૉન્ટિંગ પંજાબ કિંગ્સનો જ્યારે લૅન્ગર લખનઉ સુપર જાયન્ટ્સનો હેડ કોચ છે.