T20 ક્રિકેટમાં જગતમાં નંબર વન પર બિરાજતો આ ડાબોડી બૅટર આ વર્લ્ડ કપમાં ૭ મૅચમાં માત્ર ૮૯ રન કરી શક્યો છે...
ભારતીય ઓપનર અભિષેક શર્માને મામૂલી સ્કોર પર કૅચ આઉટ કરાવીને ઉજવણી કરતો ઈંગ્લૅન્ડનો સ્પિન ઑલરાઉન્ડર વિલ જૅક્સ
મેન્સ T20 વર્લ્ડ કપ 2026માં ભારતીય ટીમે સંઘર્ષમય શરૂઆત કર્યા બાદ અંતે ફાઇનલ મૅચમાં એન્ટ્રી મારી છે. જોકે ભારત માટે દ્વિપક્ષીય T20 સિરીઝમાં ધમાલ મચાવતા અભિષેક શર્માનું પ્રદર્શન ભારત માટે ચિંતાનો વિષય રહ્યો છે. જોરદાર બૅટિંગ માટે જાણીતા અભિષેક શર્માએ વર્લ્ડ કપમાં ઝીરોની હૅટ-ટ્રિક કર્યા બાદ માત્ર એક ફિફટી નોંધાવી છે. ICC T20 રૅન્કિંગ્સમાં પહેલો ક્રમ ધરાવતો અભિષેક શર્મા ૭ મૅચમાં ૧૨.૭૧ની ઍવરેજ અને ૧૩૦.૧૮ના સ્ટ્રાઇક-રેટથી માત્ર ૮૯ રન કરી શક્યો છે.
T20 વર્લ્ડ કપ 2026માં અભિષેક શર્માનું પ્રદર્શન
અમેરિકા સામે : ૧ બૉલમાં ઝીરો
પાકિસ્તાન સામે : ૪ બૉલમાં ઝીરો
નેધરલૅન્ડ્સ સામે : ૩ બૉલમાં ઝીરો
સાઉથ આફ્રિકા સામે : ૧૨ બૉલમાં ૧૫ રન
ઝિમ્બાબ્વે સામે : ૩૦ બૉલમાં ૫૫ રન
વેસ્ટ ઇન્ડીઝ સામે : ૧૧ બૉલમાં ૧૦ રન
ઇંગ્લૅન્ડ સામે : ૭ બૉલમાં ૯ રન
