થાણે મ્યુનિસિપલ કૉર્પોરેશન (TMC)ના હેડક્વૉર્ટરના બિલ્ડિંગમાં લૉબી, બાલ્કની અને કોર્ટયાર્ડ વિસ્તારોમાં સેફ્ટી-નેટ્સ લગાવવામાં આવી છે
થાણે મ્યુનિસિપલ કૉર્પોરેશન (TMC)ના હેડક્વૉર્ટરના બિલ્ડિંગમાં લૉબી, બાલ્કની અને કોર્ટયાર્ડ વિસ્તારોમાં સેફ્ટી-નેટ્સ લગાવવામાં આવી છે
થાણે મ્યુનિસિપલ કૉર્પોરેશન (TMC)ના હેડક્વૉર્ટરના બિલ્ડિંગમાં લૉબી, બાલ્કની અને કોર્ટયાર્ડ વિસ્તારોમાં સેફ્ટી-નેટ્સ લગાવવામાં આવી છે. પોતાની વહીવટી ફરિયાદોનો લાંબા સમય સુધી નિકાલ ન આવતાં હતાશ થઈને નાગરિકો આપઘાત જેવાં અંતિમ પગલાં ન ભરે એ હેતુથી પ્રશાસન દ્વારા આ નિર્ણય લેવામાં આવ્યો છે. બીજી તરફ સામાજિક કાર્યકરો અને સ્થાનિક રહીશોએ પ્રશાસનને માત્ર જાળીઓ લગાવવાને બદલે ફરિયાદોના ઝડપી, પારદર્શક અને સમયબદ્ધ નિવારણ માટે મજબૂત સિસ્ટમ ઊભી કરવાની માગણી કરી છે. લાંબા સમયથી ચાલતા વહીવટી વિલંબ, અણઉકેલાયેલી નાગરિક ફરિયાદો અથવા અટકેલાં મ્યુનિસિપલ કામોથી ત્રાસી જઈને કેટલાક લોકો હતાશામાં આવીને સરકારી બિલ્ડિંગોમાં અંતિમ પગલાં ભરવાનો પ્રયાસ કે ધમકી આપતા હોવાની ઘટનાઓ સામે આવ્યા બાદ આ સુરક્ષાત્મક કદમ ઉઠાવવામાં આવ્યું છે.
રાજસ્થાનમાં ભારત-પાકિસ્તાન સીમા પર શ્રીગંગાનગરમાં રેલવેલાઇન પર ટાઇમર બૉમ્બથી બ્લાસ્ટ, બે ફુટનો ખાડો પડી ગયો
ADVERTISEMENT

રાજસ્થાનના શ્રીગંગાનગર જિલ્લામાં રામસિંહપુર પોલીસ સ્ટેશન વિસ્તારમાં અનુપગઢ-સૂરતગઢ રેલવેલાઇન પર મંગળવારે રાત્રે ૯.૪૫ વાગ્યે એક શક્તિશાળી બ્લાસ્ટ થયો હતો. આ વિસ્તાર ભારત અને પાકિસ્તાનની સરહદની નજીક આવેલો છે. આ ઘટના 50 GB ગામ નજીક બની હતી. આ લાઇન પરથી ટ્રેન પસાર થયાના ૪૫ મિનિટ બાદ આ બ્લાસ્ટ થયો હતો. આ વિસ્ફોટ ટાઇમર બૉમ્બ લગાવીને કરવામાં આવ્યો હોવાની આશંકા છે. વિસ્ફોટથી રેલવે-ટ્રૅકને ટેકો આપતા બે સિમેન્ટનાં સ્લીપરને નુકસાન થયું હતું અને લગભગ બે ફુટનો ખાડો પડી ગયો હતો. આ ઘટના બાદ આ રેલવેલાઇન પરથી પસાર થતી ચાર ટ્રેનોને ગઈ કાલે રદ કરવામાં આવી હતી.
વારાણસીમાં ગોંડોલાની ટ્રાયલ-રન

ગઈ કાલે વારાણસીમાં ગોંડોલા ટ્રાયલ થતી જોવા મળી હતી. આ કેબલ-કાર વારાણસી કૅન્ટૉનમેન્ટ રેલવે-સ્ટેશન અને ગોદૌલિયા ચૌકને કનેક્ટ કરશે.
