UPG કૉલેજના આચાર્ય ડૉ. સ્મૃતિ નાણાવટીએ જણાવ્યું હતું કે, "જાગરણ ફિલ્મ ફૅસ્ટિવલ જેવા પ્રતિષ્ઠિત મંચ સાથે જોડાવાથી વિદ્યાર્થીઓને ક્લાસની બહાર શીખવાની ઉત્તમ તકો મળે છે. સિનેમા એ વાર્તા કહેવા, સંસ્કૃતિ અને સામાજિક પરિવર્તન માટેનું એક શક્તિશાળી માધ્યમ છે.
મુંબઈ: UPG કૉલેજ અને JFFની ભાગીદારી હેઠળ યોજાયો કાર્યક્રમ
SVKM ની ઉષા પ્રવીણ ગાંધી કૉલેજ ઓફ આર્ટ્સ, સાયન્સ એન્ડ કૉમર્સ (UPG કૉલેજ) એ `જાગરણ ફિલ્મ ફૅસ્ટિવલ` (JFF) 2026 સાથે કૉલેબ કર્યું હતું. ૨૮ થી ૩૧ ઑક્ટોબર, ૨૦૨૬ દરમિયાન મુંબઈમાં આયોજિત આ મહોત્સવનો ઉદ્દેશ્ય વિદ્યાર્થીઓને ફિલ્મ ઉદ્યોગનો પ્રેક્ટિકલ અનુભવ પૂરો પાડવાનો હતો. ચાર દિવસીય આ કાર્યક્રમમાં ફિલ્મોનું પ્રદર્શન, માસ્ટરક્લાસ, પૅનલ ડિસ્કશન અને ફિલ્મ જગતના નિષ્ણાતો સાથે સંવાદો યોજાયા હતા, જેમાં ફિલ્મ નિર્માતાઓ, ઉદ્યોગના વ્યાવસાયિકો અને સિનેમા પ્રેમીઓએ ભાગ લીધો હતો. આ પાર્ટનરશિપ દ્વારા UPG કૉલેજના `ડિપાર્ટમેન્ટ ઓફ ફિલ્મ, ટેલિવિઝન એન્ડ ન્યૂ મીડિયા પ્રોડક્શન`ના વિદ્યાર્થીઓને ફિલ્મ ઉદ્યોગને નજીકથી સમજવાની તક મળી.
વિદ્યાર્થીઓને ફિલ્મ નિર્માતાઓને મળવાની તક મળી
ADVERTISEMENT
UPG કૉલેજના આચાર્ય ડૉ. સ્મૃતિ નાણાવટીએ જણાવ્યું હતું કે, "જાગરણ ફિલ્મ ફૅસ્ટિવલ જેવા પ્રતિષ્ઠિત મંચ સાથે જોડાવાથી વિદ્યાર્થીઓને ક્લાસની બહાર શીખવાની ઉત્તમ તકો મળે છે. સિનેમા એ વાર્તા કહેવા, સંસ્કૃતિ અને સામાજિક પરિવર્તન માટેનું એક શક્તિશાળી માધ્યમ છે. આવા કાર્યક્રમો વિદ્યાર્થીઓને તેના વિવિધ પાસાઓ વિશે જાણવામાં મદદ કરે છે. UPG કૉલેજમાં, અમે એવા સહયોગને પ્રોત્સાહન આપીએ છીએ જે વિદ્યાર્થીઓને જ્ઞાન, અનુભવ અને આત્મવિશ્વાસથી સજ્જ જવાબદાર અને સર્જનાત્મક વ્યાવસાયિકો બનવા માટે સક્ષમ બનાવે છે." મહોત્સવ દરમિયાન, વિદ્યાર્થીઓને ફિલ્મો જોવાની, ફિલ્મ નિર્માતાઓ સાથે વાતચીત કરવાની અને ફિલ્મ નિર્માણની આધુનિક તકનીકો વિશે શીખવાની તક મળી. તેમણે સ્વતંત્ર સિનેમા (ઇન્ડિપેન્ડન્ટ સિનેમા), પ્રેક્ષકોની બદલાતી પસંદગીઓ અને મનોરંજન ઉદ્યોગમાં ઉભરી રહેલા નવા પ્રવાહો વિશે પણ ઊંડી સમજ મેળવી.
ચાર શોર્ટ ફિલ્મોમાં બનશે કાર્યક્રમની ડૉક્યુમેન્ટરી
આ ભાગીદારીના ભાગરૂપે, વિદ્યાર્થીઓને ચાર દિવસીય મહોત્સવ પર આધારિત ચાર શોર્ટ નૉન-ફિક્શન ફિલ્મો બનાવવાની જવાબદારી સોંપવામાં આવી હતી. આ ફિલ્મોમાં ફિલ્મોના પ્રદર્શન, ચર્ચાઓ, માસ્ટરક્લાસ અને ઉદ્યોગના નિષ્ણાતો સાથેના સંવાદોને કવર કરવામાં આવ્યા છે. આ પ્રોજેક્ટ દ્વારા, વિદ્યાર્થીઓએ ડૉક્યુમેન્ટરી ફિલ્મ નિર્માણ, સિનેમેટોગ્રાફી, ઇન્ટરવ્યુ લેવા, ઍડિટિંગ અને ઇવેન્ટ ડોક્યુમેન્ટેશન ક્ષેત્રે પ્રેક્ટિકલ અનુભવ મેળવ્યો. ફિલ્મ, ટેલિવિઝન અને ન્યૂ મીડિયા પ્રોડક્શનમાં બીએના પ્રોગ્રામ કોઓર્ડિનેટર આશિષ મહેતાએ જણાવ્યું હતું કે, "ફિલ્મનો અભ્યાસ કરતા વિદ્યાર્થીઓ માટે ફિલ્મો જોવી જરૂરી છે; જોકે, તેમના માટે ફિલ્મ નિર્માતાઓ સાથે વાતચીત કરવી અને ઉદ્યોગની નજીકથી સમજ મેળવવી પણ એટલી જ મહત્ત્વપૂર્ણ છે. જાગરણ ફિલ્મ ફૅસ્ટિવલ સાથેની ભાગીદારી આ ફિલૉસોફીમાંથી ઉદ્ભવે છે. અમે ઇચ્છીએ છીએ કે અમારા વિદ્યાર્થીઓ ફક્ત દર્શકો બનવાથી આગળ વધે - અમે ઇચ્છીએ છીએ કે તેઓ ખરેખર સિનેમાને સમજે અને પોતે જ આકર્ષક વાર્તાઓના સર્જક બને. ફૅસ્ટિવલ માટે ટૂંકી નૉન-ફિક્શન ફિલ્મોનું નિર્માણ કરીને, તેમને વ્યવહારુ અનુભવ દ્વારા શીખવાની તક મળી." યુપીજી કૉલેજનો ફિલ્મ વિભાગ વર્કશૉપ, ઉદ્યોગ મુલાકાતો, ગેસ્ટ લૅક્ચર્સ, ઇન્ટર્નશિપ્સ અને લાઇવ પ્રોજેક્ટ્સ દ્વારા વિદ્યાર્થીઓને વ્યવહારુ અનુભવ પ્રદાન કરવા પર ધ્યાન કેન્દ્રિત કરે છે. જાગરણ ફિલ્મ ફૅસ્ટિવલ સાથેની આ ભાગીદારી તે દિશામાં બીજું પગલું છે.
