એમ કહીને પોતે ચીટિંગનું સમર્થન ન કરતા હોવાની સ્પષ્ટતા IIT-બૉમ્બેના વિદ્યાર્થીઓએ કરી
સૂર્યનારાયણ ડૂલ્લા
ઇન્ડિયન ઇન્સ્ટિટ્યૂટ ઑફ ટેક્નૉલૉજી (IIT)-બૉમ્બેના વિદ્યાર્થીઓ દ્વારા સાહિલ વાકોડેની આત્મહત્યા બાદ કરવામાં આવેલા આંદોલન પછી મંગળવારે વિદ્યાર્થીઓનું પ્રતિનિધિત્વ કરનારાઓએ એક નિવેદન બહાર પાડ્યું હતું. એમાં પરીક્ષા દરમ્યાન કૉપી-ચીટિંગ કરવામાં આવે એ વાતનું સમર્થન ક્યારેય કરવામાં આવ્યું નથી અને એ ઉપરાંત પ્રોફેસર સૂર્યનારાયણ ડૂલ્લા આ ઘટના બદલ દોષી હોવાનું પણ ક્યારેય ન માન્યું હોવાનું સ્પષ્ટ કરવામાં આવ્યું હતું.
પોતે કરેલા નિવેદનમાં વિદ્યાર્થીઓના પ્રતિનિધિઓએ જણાવ્યું હતું કે ‘પ્રદર્શન કરવાનો અમારો હેતુ ફક્ત ઇન્સ્ટિટ્યૂટમાં અનેક વસ્તુઓમાં સુધારા કરવામાં આવવા જોઈએ અને પરિવર્તન આવવું જોઈએ એ જણાવવાનો હતો. ચીટિંગ કે કોઈ પણ પ્રકારની ગેરરીતિનું સમર્થન અમે નથી કરતા. ઇન્સ્ટિટ્યૂટમાં જે પ્રકારની સિસ્ટમ છે અને જે રીતે કારભાર ચાલી રહ્યો છે એમાં પરિવર્તન આવવું જોઈએ અને એના પર ધ્યાન આપવામાં આવવું જોઈએ એવો અમારા પ્રદર્શનનો ઉદ્દેશ હતો. સાહિલની સાથે જે થયું એનાથી દુઃખી હોવાથી આવી ઘટના બીજા કોઈ વિદ્યાર્થી સાથે ન બને એ માટે પરિવર્તન જરૂરી હોવાથી પ્રદર્શન કરવામાં આવ્યું હતું.’
ADVERTISEMENT
આ ઉપરાંત સાહિલના મૃત્યુ માટે પ્રોફેસર સૂર્યનારાયણ ડૂલ્લા જવાબદાર હોવાનો પૂર્વગ્રહ ન હોવાથી તેમના માથે આત્મહત્યાનું આળ ઢોળવામાં ન આવ્યું હોવાનું અને પોતે તેમને આ ઘટના માટે જવાબદાર ન માનતા હોવાનું પણ નિવેદનમાં જણાવવામાં આવ્યું હતું.
