આ સિરીઝનું શૂટિંગ ગયા અઠવાડિયાથી મુંબઈમાં શરૂ થઈ ગયું છે અને એ આવતા વર્ષની શરૂઆતમાં નેટફ્લિક્સ પર સ્ટ્રીમ થશે એવી ધારણા છે.
પરિણીતિ ચોપડા
‘ઇશકઝાદે’થી બૉલીવુડમાં એન્ટ્રી લેનાર ઍક્ટ્રેસ પરિણીતિ ચોપડા હવે ઓવર ધ ટૉપ (OTT) પ્લૅટફૉર્મની દુનિયામાં એન્ટ્રી લઈ રહી છે. તે આગામી સમયમાં નેટફ્લિક્સ ઇન્ડિયાની મિસ્ટરી થ્રિલરમાં જોવા મળશે. પરિણીતીએ હવે પડકારજનક ભૂમિકાઓ જ કરવાનો નિર્ણય લીધો છે અને તેને આશા છે કે આ સિરીઝમાં તેને પોતાની કાબેલિયત દર્શાવવાની તક મળશે.
આ સિરીઝ શિમલાના બૅકડ્રૉપમાં શૂટ કરવામાં આવી છે અને એમાં પરિણીતિની સાથે-સાથે જેનિફર વિન્ગેટ, તાહિર રાજ ભસીન, અનુપ સોની, હરલીન સેઠી, સોની રાઝદાન, સુમીત વ્યાસ અને ચૈતન્ય ચૌધરી જેવાં ટૅલન્ટેડ ઍક્ટર્સ પણ જોવા મળશે.
ADVERTISEMENT
આ સિરીઝ ‘રંગ દે બસંતી’, ‘કુરબાન’ અને ‘ઉંગ્લી’ જેવી ફિલ્મો ડિરેક્ટ કરી ચૂકેલા રેન્સિલ ડિસિલ્વા ડિરેક્ટ કરી રહ્યા છે અને પ્રોડ્યુસર છે સિદ્ધાર્થ પી. મલ્હોત્રા. સિદ્ધાર્થ આ પહેલાં ‘હિચકી’ અને ‘મહારાજ’ જેવી ફિલ્મો ડિરેક્ટ કરી ચૂક્યા છે. આ સિરીઝનું શૂટિંગ ગયા અઠવાડિયાથી મુંબઈમાં શરૂ થઈ ગયું છે અને એ આવતા વર્ષની શરૂઆતમાં નેટફ્લિક્સ પર સ્ટ્રીમ થશે એવી ધારણા છે.
