અનુરાગ કશ્યપની નવી ફિલ્મ ‘બંદર’નું ટ્રેલર રિલીઝ થઈ ગયું છે. આ ફિલ્મમાં બૉબી દેઓલ મુખ્ય ભૂમિકામાં જોવા મળશે. ફિલ્મને નીખિલ દ્વિવેદીની ‘સૈફરન મેજિકવર્ક્સ’ દ્વારા પ્રોડ્યુસ કરવામાં આવી છે અને ‘ઝી સ્ટુડિયોઝ’ તેનો સપોર્ટ કરી રહ્યું છે.
ફિલ્મ `બંદર`નું ટ્રેલર થયું રિલીઝ
અનુરાગ કશ્યપની નવી ફિલ્મ ‘બંદર’નું ટ્રેલર રિલીઝ થઈ ગયું છે. આ ફિલ્મમાં બૉબી દેઓલ મુખ્ય ભૂમિકામાં જોવા મળશે. ફિલ્મને નીખિલ દ્વિવેદીની ‘સૈફરન મેજિકવર્ક્સ’ દ્વારા પ્રોડ્યુસ કરવામાં આવી છે અને ‘ઝી સ્ટુડિયોઝ’ તેનો સપોર્ટ કરી રહ્યું છે. ફિલ્મ 5 જૂન 2026ના રોજ વિશ્વભરના સિનેમાઘરોમાં રિલીઝ થશે.
ફિલ્મના ટીઝર પછી હવે ટ્રેલરે પણ દર્શકોનું ધ્યાન ખેંચ્યું છે. ટ્રેલરમાં સસ્પેન્સ, બોલ્ડ ડાયલોગ, હળવો હ્યુમર અને અલગ પ્રકારની સ્ટોરી જોવા મળે છે. બૉબી દેઓલ પહેલીવાર અનુરાગ કશ્યપ સાથે કામ કરી રહ્યા છે અને તેઓ એક નવા અંદાજમાં જોવા મળી રહ્યા છે.
ADVERTISEMENT
ટ્રેલરમાં બૉબી દેઓલ એક એવા વ્યક્તિનું પાત્ર ભજવી રહ્યા છે જે એક સમયે જાણીતો સ્ટાર હતો, પરંતુ હવે જૂની લોકપ્રિયતા પર જીવી રહ્યો છે. સ્ટેજ પર તે આત્મવિશ્વાસથી ભરેલો દેખાય છે, પરંતુ વ્યક્તિગત જીવનમાં એકલો છે. વાર્તામાં એક ઘટના પછી તેની જિંદગી બદલાઈ જાય છે અને તે મુશ્કેલીમાં ફસાઈ જાય છે.
ટ્રેલરમાં બતાવવામાં આવ્યું છે કે શરૂઆતમાં જે પાત્ર પર લોકો હસે છે, તે થોડા સમય પછી જેલમાં પહોંચી જાય છે. તેની આસપાસના લોકો અને પરિસ્થિતિઓ પણ બદલાતી જોવા મળે છે. ફિલ્મમાં સાન્યા મલ્હોત્રા, રાજ બી શેટ્ટી, સપના પબ્બી, સબા આઝાદ, ઋદ્ધિ સેન, જીતેન્દ્ર જોશી, ઇન્દ્રજીત અને નાગેશ ભોંસલે જેવા કલાકારો પણ મહત્વની ભૂમિકામાં છે.
મેકર્સના જણાવ્યા અનુસાર, ફિલ્મ સત્ય ઘટનાઓથી પ્રેરિત છે. સ્ટોરી એવા સિસ્ટમ પર આધારિત છે જ્યાં હંમેશા બધું યોગ્ય રીતે કામ કરતું નથી. ફિલ્મમાં સાચું અને ખોટું વચ્ચેનો ફરક પણ અલગ રીતે બતાવવામાં આવ્યો છે.
‘બંદર’નું દિગ્દર્શન અનુરાગ કશ્યપે કર્યું છે, જ્યારે ફિલ્મની સ્ટોરી અને સ્ક્રિપ્ટ સુદીપ શર્મા અને અભિષેક બેનર્જીએ લખી છે. આ બંને અગાઉ ‘પાતાલ લોક’, ‘કોહરા’ અને ‘ઉડતા પંજાબ’ જેવી લોકપ્રિય સ્ટોરી પર કામ કરી ચૂક્યા છે.
View this post on Instagram
ફિલ્મનું ટ્રેલર સોશિયલ મીડિયા પર ચર્ચામાં છે અને દર્શકો બૉબી દેઓલના નવા અંદાજને પસંદ કરી રહ્યા છે.
ઉલ્લેખનીય છે કે, શેખર સુમનના ટૉક શો, શેખર ટુનાઇટના વધુ એક ઈન્ટર્વ્યુએ દર્શકોનું ધ્યાન ખેંચ્યું છે. નીતિન ગડકરીના પ્રીમિયર એપિસોડને મળેલા સકારાત્મક પ્રતિસાદ બાદ, શોના બીજા એપિસોડની પણ દર્શકો રાહ જોઈ રહ્યા છે ત્યારે આ વખતે, બૉબી દેઓલ શોમાં મહેમાન તરીકે આવવાનો છે તેવી જાહેરાત કરવામાં આવી છે. બૉબી દેઓલ જે તાજેતરમાં તેની ફિલ્મ ‘ઍનિમલ’ની સફળતા બાદ ચર્ચામાં આવ્યો છે તે આ એપિસોડ દરમિયાન તેના અંગત જીવન વિશે ખુલીને વાત કરતા અને તેના પરિવાર વિશે ભાવનાત્મક વાતો શૅર કરતો જોવા મળવાનો. વાતચીત દરમિયાન, તેણે તેના પિતા, દિગ્ગજ અભિનેતા ધર્મેન્દ્રને પણ યાદ કર્યા છે.
