વિડિયો બનાવીને તેણે પોતે જ ટૂર કરાવી પ્રાઇવેટ લિફ્ટ, પ્રાઇવેટ પૂલ, રૂફટૉપ બાર ધરાવતા નવા ઘરની
રિન્કુ સિંહે તાજેતરમાં જ ઉત્તર પ્રદેશના અલીગઢમાં ૬ બેડરૂમનો એક બંગલો ખરીદ્યો
રિન્કુ સિંહે તાજેતરમાં જ ઉત્તર પ્રદેશના અલીગઢમાં ૬ બેડરૂમનો એક બંગલો ખરીદ્યો હતો. ઇન્ડિયન પ્રીમિયર લીગ (IPL)ની ટીમ કોલકાતા નાઇટ રાઇડર્સે પંચાવન લાખ રૂપિયાવાળા રિન્કુને ૨૦૨૫ની સીઝન માટે ૧૩ કરોડ રૂપિયામાં રીટેન કર્યો એ પછી રિન્કુએ આ બંગલો લીધો હોવાનું કહેવાય છે. રિન્કુએ હવે આ બંગલાની ટૂર કરાવતો વિડિયો પણ શૅર કર્યો છે. આ બંગલામાં પ્રાઇવેટ લિફ્ટ, પ્રાઇવેટ પૂલ, ટેરેસ ગાર્ડન, રૂફટૉપ બાર જેવી લક્ઝરી સુવિધાઓ છે. આ બંગલામાં રિન્કુએ એ બૅટ પણ દીવાલ પર ફ્રેમ કરીને લગાડ્યું છે જેનાથી તેણે IPLમાં એક ઓવરમાં પાંચ સિક્સર ફટકારી હતી. વિડિયોમાં બૅટ વિશે રિન્કુ કહે છે, ‘તમે આ બધા બૅટને જાણો છો. આ એ બૅટ છે જેણે પાંચ સિક્સર ફટકારી હતી. આ એ બૅટ છે જેણે મારું જીવન બદલી નાખ્યું.’
