કાંગારૂ ટીમનો ઇન્જર્ડ ઑલરાઉન્ડર મિચલ માર્શ ચૅમ્પિયન્સ ટ્રોફીમાંથી થઈ ગયો આઉટ

ચૅ​મ્પિયન્સ ટ્રોફીમાં ટીમનો અંતિમ સુધારો કરવાની ડેડલાઇન ૧૨ ફેબ્રુઆરી છે, ક્રિકેટ ઑસ્ટ્રેલિયા એ પહેલાં મિચલ માર્શના રિપ્લેસમેન્ટની જાહેરાત કરશે.

મિચલ માર્શ

ચૅ​મ્પિયન્સ ટ્રોફી પહેલાં ઑસ્ટ્રેલિયાનો ઑલરાઉન્ડર મિચલ માર્શ ઇન્જરીને કારણે બહાર થઈ ગયો છે. ક્રિકેટ ઑસ્ટ્રેલિયાના જણાવ્યા અનુસાર ૩૩ વર્ષના આ ઑલરાઉન્ડરની પીઠની નીચે થયેલી ઇન્જરી હજી મટી નથી. સતત થઈ રહેલા પીઠના દુખાવાને કારણે તે IPL 2025માં લખનઉ સુપર જાયન્ટ્સ વતી રમવા માટે પણ શંકાસ્પદ છે. ચૅ​મ્પિયન્સ ટ્રોફીમાં ટીમનો અંતિમ સુધારો કરવાની ડેડલાઇન ૧૨ ફેબ્રુઆરી છે, ક્રિકેટ ઑસ્ટ્રેલિયા એ પહેલાં મિચલ માર્શના રિપ્લેસમેન્ટની જાહેરાત કરશે.