IPL ના નિયમો અનુસાર, મૅચ દરમિયાન ડગઆઉટમાં મોબાઇલ ફોનનો ઉપયોગ કરવાની મંજૂરી નથી. આ નિયમન પ્લેયર્સ અને મૅચ ઓફિસિયલ્સ એરિયા (PMOA) પ્રોટોકોલનો એક ભાગ છે અને તેનો હેતુ રમતો દરમિયાન કોઈપણ અનધિકૃત વાતચીતને રોકવાનો છે.
તસવીર: સોશિયલ મીડિયા
ચેન્નઈના ચિદમ્બરમ સ્ટેડિયમમાં રવિવારે ઇન્ડિયન પ્રીમિયર લીગ (IPL) 2026 માં ચેન્નઈ સુપર કિંગ્સ (CSK) અને લખનઉ સુપર જાયન્ટ્સ (LSG) વચ્ચેના મુકાબલા દરમિયાન એક મોટો વિવાદ સર્જાયો હતો. મૅચ દરમિયાન LSG ટીમનો સપોર્ટ સ્ટાફનો એક સભ્ય મોબાઇલ ફોનનો ઉપયોગ કરતા કૅમેરામાં કેદ થયો હતો. મૅચ શરૂ થયા પછી ડગઆઉટમાં બેઠેલી વખતે બ્રૉડકાસ્ટિંગ કૅમેરાએ તેને ફોન પર લાઇવ વાત કરતા કેદ કર્યો હતો. આ ઘટના આશ્ચર્યજનક છે કારણ કે ભારતીય ક્રિકેટ કંટ્રોલ બોર્ડ (BCCI) એ આવી ઘટનાઓને રોકવા માટે કડક નિયમો રજૂ કર્યા છે. તેણે ફરી એકવાર IPL ના ભ્રષ્ટાચાર વિરોધી અને ડગઆઉટ પ્રોટોકોલ પર ચિંતા વ્યક્ત કરી છે.
શું કહે છે IPLના નિયમો?
ADVERTISEMENT
IPL ના નિયમો અનુસાર, મૅચ દરમિયાન ડગઆઉટમાં મોબાઇલ ફોનનો ઉપયોગ કરવાની મંજૂરી નથી. આ નિયમન પ્લેયર્સ અને મૅચ ઓફિસિયલ્સ એરિયા (PMOA) પ્રોટોકોલનો એક ભાગ છે અને તેનો હેતુ રમતો દરમિયાન કોઈપણ અનધિકૃત વાતચીતને રોકવાનો છે.
2026 માં મૅચ દરમિયાન સ્ટાફ દ્વારા મોબાઈલના ઉપયોગની બીજી ઘટના
How is this LSG staff member allowed to use his phone during the match? pic.twitter.com/9eb8woCI1W
— Abhishek Kumar (@Abhishek060722) May 10, 2026
આગાઉ રાજસ્થાન રૉયલ્સ ટીમ મૅનેજર રોમી ભિંડર સાથે જોડાયેલી આવી જ ઘટનાના થોડા અઠવાડિયા પછી તાજેતરનો વિવાદ આવ્યો છે. ગુવાહાટીમાં RR Vs RCB ટક્કર દરમિયાન ટીવી કમેરાએ જ્યારે તે ડગઆઉટમાં બેઠ્યો હતો તે વખતે મોબાઇલ ફોનનો ઉપયોગ કરતા કેદ કર્યો હતો. બાદમાં BCCI દ્વારા આ મામલાની તપાસ કરવામાં આવી હતી અને એક લાખ રૂપિયાનો દંડ ફટકારવામાં આવ્યો હતો. તે સમયે, BCCI સચિવ દેવજીત સૈકિયાએ કહ્યું હતું કે બોર્ડ કોઈપણ નિષ્કર્ષ પર પહોંચતા પહેલા ફૂટેજની તપાસ કરશે. BCCIના અન્ય એક અધિકારીએ પુષ્ટિ આપી હતી કે મૅચ દરમિયાન ડગઆઉટ વિસ્તારમાં મોબાઇલ ફોન પર પ્રતિબંધ છે, જોકે, ટીમ મૅનેજરોને ફક્ત ડ્રેસિંગ રૂમની અંદર મોબાઇલ ફોનનો ઉપયોગ કરવાની મંજૂરી છે. LSG સ્ટાફ સભ્ય ટેલિવિઝન કૅમેરામાં મોબાઇલ ફોનનો ઉપયોગ કરતા કેદ થયો હતો અને ઇન્ટરનેટ યુઝર્સ દ્વારા સોશિયલ મીડિયા પર વ્યાપક સ્તરે આ ઘટનાનો વીડિયો શૅર કરવામાં આવી રહ્યો છે. તેઓ નિયમોનું ઉલ્લંઘન કરવા બદલ સ્ટાફ સભ્ય સામે કડક કાર્યવાહીની પણ માગ કરી રહ્યા છે.
ભારતીય ક્રિકેટ બોર્ડે સજા સંભળાવતાં લખ્યું હતું કે ‘IPLના ઍન્ટિ-કરપ્શન પ્રોટોકૉલ અનુસાર ખેલાડીઓ અને મૅચના અધિકારીઓના ક્ષેત્રમાં સેલફોન પર પ્રતિબંધ છે. રાજસ્થાન રૉયલ્સના મૅનેજર રવિન્દર સિંહ ભિંડરને ૧ લાખ રૂપિયાનો દંડ ફટકારવામાં આવ્યો છે. તેણે ભૂલ સ્વીકારી લીધી છે અને બિનશરતી માફી માગી લીધી છે. તેને ભવિષ્યમાં વધુ કાળજી રાખવા અને સ્થાપિત માર્ગદર્શિકાનું કડક પાલન કરવાની ચેતવણી આપવામાં આવી છે.’
