બિહારના ગોપાલગંજ જિલ્લાના એક ગામમાં રેલવેના ભૂતપૂર્વ કર્મચારી ડી. કે. શ્રીવાસ્તવે અનોખું ઘર બનાવ્યું છે. મોહનપુર ગામમાં આવેલું આ ઘર માત્ર અને માત્ર વાંસમાંથી બનેલું છે
માત્ર વાંસમાંથી બનાવ્યું બે માળનું મકાન
બિહારના ગોપાલગંજ જિલ્લાના એક ગામમાં રેલવેના ભૂતપૂર્વ કર્મચારી ડી. કે. શ્રીવાસ્તવે અનોખું ઘર બનાવ્યું છે. મોહનપુર ગામમાં આવેલું આ ઘર માત્ર અને માત્ર વાંસમાંથી બનેલું છે. માત્ર બારી કે બારણાં જ નહીં, દીવાલો અને છત પણ વાંસમાંથી બની છે. વિશાળ ખુલ્લા ખેતર જેવી જગ્યામાં એક સરસમજાનું નાનકડું વાંસનું ઘર બનાવવામાં આવ્યું છે જેમાં વાંસની આડી અને ઊભી લાઇનો બનાવીને એક-બે નહીં, ત્રણ-ત્રણ માળ ચણી લેવાયા છે. વાંસની બારીકી સમજતા ડઝન કારીગરોની ૭ મહિનાની મહેનતથી આ ઘર બન્યું છે. આ ઘર બનાવવા માટે મજૂરીનો ખર્ચ વધુ થયો, બાકી રૉ મટીરિયલ તરીકે વાંસ તો ખૂબ સસ્તામાં મળી ગયું હતું. ઇન ફૅક્ટ, જ્યારે આ ઘર બની રહ્યું હતું ત્યારે ગામના કેટલાક લોકોએ તેમને વાંસ ફ્રી આપ્યા હતા. આમ તો એક જ વિસ્તારમાં ચાર અલગ-અલગ વાંસનાં ઘર બનેલાં છે. એમાંથી એક ઘરમાં બે મોટી રૂમ છે જેમાં એક મોટો હૉલ છે. આ બધામાં ઍર-કન્ડિશનર સેટ કરેલાં છે. લોકો બેસી શકે એ માટે મસ્ત સોફા પણ છે. જોકે આ ચારેય વાંસના ઘરમાંથી બે માળનું વાંસનું ટાવર લોકોના આકર્ષણનું કેન્દ્ર બન્યું છે.
