જે વાહનના ડેટામાં એ કૉલમ હોય અને PUC ન કરાવ્યું હોય તો સિસ્ટમ મુજબ દંડ તો બને જ છેને?
નાગોરમાં ટ્રાફિક-પોલીસે એક ઇલેક્ટ્રિક કારને રોકી હતી
ઇલેક્ટ્રિક વાહનોમાં ન તો એન્જિન હોય છે, ન સાઇલેન્સર અને ન તો એ ધુમાડાવાળો ગૅસ છોડે છે. એમ છતાં રાજસ્થાનમાં ટ્રાફિક-પોલીસે એક ઇલેક્ટ્રિક કાર પાસે પૉલ્યુશન અન્ડર કન્ટ્રોલ (PUC) સર્ટિફિકેટ ન હોવા બદલ ચલાન કાપ્યું હતું. નાગોરમાં ટ્રાફિક-પોલીસે એક ઇલેક્ટ્રિક કારને રોકી હતી. એના રજિસ્ટ્રેશન-નંબર પરના ડેટામાં PUCની કૉલમ સામે ખાલી જગ્યા દેખાતી હતી. મતલબ કે એનું PUC કદી થયું જ નથી. આ જોઈને પોલીસે કારચાલકને ચલાન કાપી આપ્યું હતું. ટ્રાફિક-પોલીસનું કહેવું છે કે ઇલેક્ટ્રિક વાહનોના રજિસ્ટ્રેશન ડેટામાં PUCની કૉલમ જ નથી હોતી. જે વાહનના ડેટામાં એ કૉલમ હોય અને PUC ન કરાવ્યું હોય તો સિસ્ટમ મુજબ દંડ તો બને જ છેને? આને સિસ્ટમની સમસ્યા ગણવી કે ટ્રાફિક-પોલીસના અજ્ઞાનની?
