૧૫ ફુટ ઊંચેથી કાર નીચે પટકાતાં એની ઍરબૅગ્સ ખૂલી ગઈ હતી. એમ છતાં મહિલા અને પેલા કર્મચારી બન્નેને થોડુંક વાગ્યું હતું અને પ્રાથમિક ઉપચાર બાદ હૉસ્પિટલમાંથી છુટ્ટી મળી ગઈ હતી.
નવીનક્કોર કાર શોરૂમ તોડીને પહેલા માળેથી ૧૫ ફુટ નીચે રોડ પર પટકાઈ
દિલ્હીમાં એક મહિલા ૨૭ લાખ રૂપિયાની સ્પોર્ટ્સ યુટિલિટી વેહિકલ થાર લેવા ગઈ હતી. ડિલિવરી લેતી વખતે તે એટલી ઉત્સાહમાં હતી કે તેણે શોરૂમમાં જ કારની પૂજા કરી. ટીલાંટપકાં થઈ ગયાં એ પછી તે કારના જમણી બાજુના ટાયર નીચે લીંબુ ક્રશ કરવાની વિધિ કરવા પણ ગઈ હતી. જોકે ડ્રાઇવિંગ-સીટ પર બેઠા પછી તે અતિ ઉત્સાહમાં આવી જતાં ઍક્સેલરેટર પર પગ વધુ દબાઈ જતાં કાર શોરૂમની કાચની વિન્ડો તોડીને છેક નીચે રોડ પર પટકાઈ હતી. આ ઘટના વખતે કારનો એક કર્મચારી પણ કારમાં બેઠો હતો. ૧૫ ફુટ ઊંચેથી કાર નીચે પટકાતાં એની ઍરબૅગ્સ ખૂલી ગઈ હતી. એમ છતાં મહિલા અને પેલા કર્મચારી બન્નેને થોડુંક વાગ્યું હતું અને પ્રાથમિક ઉપચાર બાદ હૉસ્પિટલમાંથી છુટ્ટી મળી ગઈ હતી.
