પતિએ પત્નીના જૂતામાં લોકેશન-ટ્રૅકર લગાવીને તેની બેવફાઈ રંગેહાથ પકડી

પત્નીના પ્રેમીનું ઘર હતું. જ્યારે તેના બૉયફ્રેન્ડે ઘરનો દરવાજો ખોલ્યો ત્યારે બન્નેના હોશ ઊડી ગયા.

પ્રતીકાત્મક તસવીર

બિહારની રાજધાની પટનામાં એક પતિને શંકા હતી કે તેની પત્ની તેને વફાદાર નથી, તે બીજા કોઈકના પ્રેમમાં છે અને ચોરીછૂપીથી મળતી હોય એવું લાગે છે. આ વાતનો પાક્કો પુરાવો એકઠો કરવા માટે તેણે પોતાની પત્નીના ચંપલમાં ગ્લોબલ પોઝિશનિંગ સિસ્ટમ (GPS) ટ્રૅકર લગાવી દીધું. ગયા અઠવાડિયે શનિવારે સાંજે પતિએ એકદમ ફિલ્મી અંદાજમાં GPSની મદદથી પત્નીને ટ્રૅક કરી. પત્ની ઘરની બહાર નીકળી એટલે તેણે ટ્રૅકરની મદદથી પત્નીનું પગેરું ફૉલો કર્યું. જ્યારે પત્નીનું લોકેશન સ્થિર થઈ ગયું એટલે પતિ થોડી વારમાં જ ત્યાં પહોંચી ગયો. એ પત્નીના પ્રેમીનું ઘર હતું. જ્યારે તેના બૉયફ્રેન્ડે ઘરનો દરવાજો ખોલ્યો ત્યારે બન્નેના હોશ ઊડી ગયા.