આ ફિલ્મસિટીમાં સ્ટુડિયો સાથે હોટેલ, મૉલ્સ, કમર્શિયલ કૉમ્પ્લેક્સ અને કલાકારો માટે રહેવાસી સંકુલ બાંધવામાં આવશે.
નોએડા ફિલ્મસિટી
ઉત્તર પ્રદેશના નોએડામાં યમુના એક્સપ્રેસવે પાસે સેક્ટર ૨૧માં નોએડા ફિલ્મસિટી તૈયાર કરવામાં આવશે અને એમાં એક એવો ૐ બનાવવામાં આવશે જે આકાશમાંથી પણ સ્પષ્ટ નજરે પડશે. નોએડામાં ઇન્ટરનૅશનલ ઍરપોર્ટ તૈયાર થાય એ પહેલાં જ ૨૩૦ એકર જમીનમાં નોએડા ફિલ્મસિટીનું કામકાજ શરૂ થઈ જશે. ફિલ્મનિર્માતા બોની કપૂર અને ભુટાની ગ્રુપની બેવ્યુ ભુટાની ઇન્ટરનૅશનલ ફિલ્મસિટી પ્રાઇવેટ લિમિટેડ નામની કંપની સાથે મળીને આ પ્રોજેક્ટ પર કામ કરશે. આગામી ત્રણ વર્ષમાં આ ફિલ્મસિટીમાં ફિલ્મો બનવાનું શરૂ થઈ જશે. આઠ વર્ષમાં આખી ફિલ્મસિટી તૈયાર થઈ જશે.
ફિલ્મસિટીમાં ૐ આકાર આકર્ષણનું કેન્દ્ર બનશે જે દેશના આધ્યાત્મિક વારસાના જતન સાથે શાંતિ અને મેડિટેશનને પ્રોત્સાહન આપશે. આ ફિલ્મસિટીને દુનિયાની સૌથી સારી ફિલ્મસિટી બનાવવા માટે મલેશિયાની જેમ અંદર સિગ્નેચર ટાવર તૈયાર કરવામાં આવશે.
ADVERTISEMENT
આ ફિલ્મસિટીમાં સ્ટુડિયો સાથે હોટેલ, મૉલ્સ, કમર્શિયલ કૉમ્પ્લેક્સ અને કલાકારો માટે રહેવાસી સંકુલ બાંધવામાં આવશે.
