દિલ્હી હાઈ કોર્ટની પાસે ફુટપાથનો અભાવ, સરકારને આપી પચીસ નવેમ્બરની ડેડલાઇન, નહીંતર ન્યાયાધીશો વિરોધ-પ્રદર્શન કરશે
દિલ્હી હાઇકોર્ટ
સુપ્રીમ કોર્ટે ચેતવણી આપી છે કે જો પચીસ નવેમ્બર પહેલાં મથુરા રોડ પર રાહદારીઓની સલામતી સુનિશ્ચિત કરવા માટે નક્કર પગલાં લેવામાં નહીં આવે તો એના ન્યાયાધીશો દિલ્હી હાઈ કોર્ટના મુખ્ય દરવાજા પર ધરણાં કરી શકે છે. ન્યાયાધીશ જે.બી. પારડીવાલા અને કે.વી. વિશ્વનાથને દિલ્હી હાઈ કોર્ટ જંક્શન અને નૅશનલ ઝૂઓલૉજિકલ પાર્ક નજીક ખતરનાક ક્રૉસિંગને ઠીક કરવામાં વિલંબ વિશે ચિંતા વ્યક્ત કરી હતી જેનો ઉપયોગ વકીલો, અરજદારો અને બાળકો દ્વારા દરરોજ કરવામાં આવે છે.
સુપ્રીમ કોર્ટે સખત ચેતવણીભર્યા શબ્દોમાં કહ્યું હતું કે આગામી સુનાવણી પહેલાં આ કામ નહીં થાય તો અમે ત્યાં ધરણાં કરવા બેસી જઈશું અને ઍડિશનલ સૉલિસિટર જનરલ વિક્રમજિત બૅનરજીને ઘરે જવા નહીં દઈએ.
