મંગળવારે રાયબરેલીની મુલાકાત દરમિયાન રાહુલ ગાંધીએ કેન્દ્ર સરકાર પર અનેક ગંભીર આરોપો લગાવ્યા, જેમાં મોંઘવારી, બેરોજગારી અને બંધારણના રક્ષણનો મુદ્દો ઉઠાવ્યો અને વડા પ્રધાન નરેન્દ્ર મોદી પર આકરા પ્રહારો કર્યા.
રાહુલ ગાંધી (ફાઈલ તસવીર)
મંગળવારે રાયબરેલીની મુલાકાત દરમિયાન રાહુલ ગાંધીએ કેન્દ્ર સરકાર પર અનેક ગંભીર આરોપો લગાવ્યા, જેમાં મોંઘવારી, બેરોજગારી અને બંધારણના રક્ષણનો મુદ્દો ઉઠાવ્યો અને વડા પ્રધાન નરેન્દ્ર મોદી પર આકરા પ્રહારો કર્યા. કૉંગ્રેસના સાંસદ અને લોકસભામાં વિરોધ પક્ષના નેતા રાહુલ ગાંધીએ મંગળવારે રાયબરેલીની મુલાકાત દરમિયાન કેન્દ્ર સરકાર પર અનેક ગંભીર આરોપો લગાવ્યા, જેમાં મોંઘવારી, બેરોજગારી અને બંધારણના રક્ષણનો મુદ્દો ઉઠાવ્યો અને વડા પ્રધાન નરેન્દ્ર મોદી અને કેન્દ્રીય ગૃહ પ્રધાન અમિત શાહ પર આકરા પ્રહારો કર્યા.
મોંઘવારી મામલે સરકાર પર આક્ષેપો
ADVERTISEMENT
સાંસદ ભંડોળથી બનેલા લગ્ન મંડપનું ઉદ્ઘાટન કરવા માટે બછરાવન વિધાનસભા મતવિસ્તારના ઠાકુરૈન ખેડા ગામની મુલાકાત લેનારા રાહુલ ગાંધીએ કહ્યું કે પેટ્રોલ અને ડીઝલ સહિત દૈનિક આવશ્યક ચીજવસ્તુઓના ભાવ સતત વધી રહ્યા છે, જેના કારણે સામાન્ય લોકો પર ભારે બોજ પડી રહ્યો છે. તેમણે કહ્યું, "દેશનો સામાન્ય નાગરિક આર્થિક દબાણનો સામનો કરી રહ્યો છે, પરંતુ સરકાર જનતાની સમસ્યાઓને ગંભીરતાથી લઈ રહી નથી."
"દેશ આર્થિક સંકટ તરફ આગળ વધી રહ્યો છે" - રાહુલ ગાંધી
રાહુલ ગાંધીએ દાવો કર્યો કે દેશ એક મોટા આર્થિક સંકટ તરફ આગળ વધી રહ્યો છે. તેમણે કહ્યું, "દેશમાં એક મોટું આર્થિક તોફાન આવ્યું છે. આગામી ત્રણથી ચાર મહિનામાં, તમે પહેલા ક્યારેય ન જોઈ હોય તેવી મોંઘવારી જોશો. ભવિષ્યમાં ગૅસ, ચોખા અને તેલના ભાવ ક્યાં પહોંચશે તે તમારે જાતે જોવું જોઈએ."
"બંધારણ બચાવવાની જરૂર"
રાહુલ ગાંધીએ કહ્યું કે ફક્ત ખાલી સૂત્રોચ્ચારથી કંઈ પ્રાપ્ત થશે નહીં; આજે સૌથી વધુ જરૂરિયાત આ દેશના બંધારણનું રક્ષણ કરવાની છે. તેમણે આરોપ લગાવ્યો, "તમારા વડા પ્રધાન, ગૃહ પ્રધાન અમિત શાહ અને તેમનું આખું સંગઠન દેશદ્રોહી છે. આ લોકોએ દેશનું બંધારણ વેચી દીધું છે. મોદી, અમિત શાહ અને આરએસએસએ મળીને બંધારણના તમામ નિયમો અને કાયદાઓ નાબૂદ કરી દીધા છે." કૉંગ્રેસ નેતાએ કહ્યું કે ભારતની આખી આર્થિક વ્યવસ્થા વેચાઈ ગઈ છે. તેમણે કહ્યું, "મોદીએ દેશનું આર્થિક માળખું અને વ્યવસ્થા ઉદ્યોગપતિઓ અને અમેરિકાને સોંપી દીધી છે. હવે વડા પ્રધાન કહે છે કે વિદેશ ન જાઓ અને સોનું ન ખરીદો."
ઉલ્લેખનીય છે કે, પ્રધાનમંત્રી નરેન્દ્ર મોદીએ ઇટાલીના પ્રધાનમંત્રી જ્યોર્જિયા મેલોનીને મેલડી ટોફી ભેટમાં આપી હતી, જેનો એક વીડિયો મેલોનીએ ઇન્સ્ટાગ્રામ પર શેર કર્યો હતો. આ વીડિયો ઝડપથી વાયરલ થયો. કોંગ્રેસના નેતા અને લોકસભામાં વિરોધ પક્ષના નેતા રાહુલ ગાંધીએ હવે પ્રતિક્રિયા આપી છે. તેમણે કહ્યું કે આર્થિક સંકટ આવી રહ્યું છે, છતાં આપણા પ્રધાનમંત્રી ઇટાલીમાં ટોફીનું વિતરણ કરી રહ્યા છે. રાહુલ ગાંધીએ ઇન્સ્ટાગ્રામ પર પોસ્ટ કરીને લખ્યું, "ખેડૂતો, યુવાનો, મહિલાઓ, મજૂરો અને નાના વ્યવસાયો બધા રડી રહ્યા છે - પીએમ હસી રહ્યા છે અને રીલ બનાવી રહ્યા છે, જ્યારે ભાજપ તાળીઓ પાડી રહ્યું છે." કોંગ્રેસના નેતાએ કહ્યું કે આ નેતૃત્વ નથી, પરંતુ એક યુક્તિ છે.
