પ્રવાસીને આપવામાં આવેલા બ્રેકફાસ્ટના ઍલ્યુમિનિયમના કન્ટેનરમાં ઈયળો ફરી રહી હોવાનો વિડીયો વાયરલ
વાયરલ વીડિયોમાંથી સ્ક્રીન શૉટ
દેશની સૌથી આધુનિક અને હાઈ-સ્પીડ ટ્રેન વંદે ભારત એક્સપ્રેસના બ્રેકફાસ્ટમાં ઈયળો મળી આવતાં પ્રવાસીઓમાં ભારે સંતાપની લાગણી જોવા મળી હતી અને તેમણે વિરોધ નોંધાવ્યો હતો. આ ઘટના સોશ્યલ મીડિયામાં પણ વાઇરલ બની હતી.
પટના-હાવડા વંદે ભારત એક્સપ્રેસ ટ્રેનના બ્રેકફાસ્ટમાં એક પ્રવાસીને ઈયળો જોવા મળી હતી. તેણે તરત IRCTC (ઇન્ડિયન રેલવે કેટરિંગ ઍન્ડ ટૂરિઝમ કૉર્પોરેશન)ને ફરિયાદ કરી હતી.
આ ઘટનામાં એક વિડિયો પણ સામે આવ્યો છે જેમાં સ્પષ્ટપણે દેખાય છે કે પ્રવાસીને આપવામાં આવેલા બ્રેકફાસ્ટના ઍલ્યુમિનિયમના કન્ટેનરમાં ઈયળો ફરી રહી છે અને પ્રવાસી એનું રેકૉર્ડિંગ કરી રહ્યો છે.
