ઓડિશાનાં બાલનગીર અને તાલચેર ૪૪ ડિગ્રી સેલ્સિયસ સાથે ટોચના ક્રમે હતાં. બિહાર, ઉત્તર પ્રદેશ, પશ્ચિમ બંગાળ, છત્તીસગઢ અને ઓડિશાનાં ઘણાં શહેરો ટોચનાં ૫૦ શહેરોમાં હતાં
પ્રતીકાત્મક તસવીર
લાઇવ વેધર રૅન્કિંગના રિયલટાઇમ ડેટા અનુસાર ગઈ કાલે વિશ્વનાં ૫૦ સૌથી ગરમ શહેરોમાંથી ૪૯ ભારતનાં હતાં. ઓડિશાનાં બાલનગીર અને તાલચેર ૪૪ ડિગ્રી સેલ્સિયસ સાથે ટોચના ક્રમે હતાં. બિહાર, ઉત્તર પ્રદેશ, પશ્ચિમ બંગાળ, છત્તીસગઢ અને ઓડિશાનાં ઘણાં શહેરો ટોચનાં ૫૦ શહેરોમાં હતાં. થાઇલૅન્ડનું ટાક ટોચનાં ૫૦માં એકમાત્ર બિનભારતીય શહેર છે જે ૨૭મા ક્રમે હતું.
ભારત વિશ્વની નિર્વિવાદ ગરમીની રાજધાની બની ગયું છે જે આ મહિને સબ-કૉન્ટિનેન્ટમાં ગરમીના સંકટના અસાધારણ સ્કેલને ઉજાગર કરે છે. એમાં બિહાર, ઓડિશા, પશ્ચિમ બંગાળ અને ઉત્તર પ્રદેશનાં શહેરો વૈશ્વિક રૅન્કિંગમાં આગળ છે. આ યાદીમાં બિહારનું ભાગલપુર, ઓડિશાનું તાલચર અને પશ્ચિમ બંગાળનું આસનસોલ મોખરે હતાં જ્યાં દરેકમાં ૪૪ ડિગ્રી સેલ્સિયસ તાપમાન નોંધાયું હતું. બિહારનાં બીજાં શહેરો બેગુસરાય, મુંગેર, મોતીહારી, ભોજપુર અને સિવાન તેમ જ પશ્ચિમ બંગાળ અને પૂર્વી ઉત્તર પ્રદેશનાં અનેક સ્થળોમાં ૪૩ ડિગ્રી સેલ્સિયસની આસપાસ તાપમાન હતું.
