તે હવે ડિઝની + હૉટસ્ટાર પર આવનારી ‘અપૂર્વા’માં જોવા મળશે. આ ફિલ્મમાં તે નેગેટિવ રોલમાં જોવા મળશે. કૉમેડીમાં તે બાદશાહ છે અને હવે તે નેગેટિવ રોલમાં જોવા મળશે.
રાજપાલ યાદવ
રાજપાલ યાદવનું કહેવું છે કે રોલ પર્ફેક્ટ હોય તો ઍક્ટરને ફિલ્મનો પ્રકાર કયો છે એનાથી કોઈ દિવસ કોઈ ફરક નથી પડતો. તે હવે ડિઝની + હૉટસ્ટાર પર આવનારી ‘અપૂર્વા’માં જોવા મળશે. આ ફિલ્મમાં તે નેગેટિવ રોલમાં જોવા મળશે. કૉમેડીમાં તે બાદશાહ છે અને હવે તે નેગેટિવ રોલમાં જોવા મળશે. આ વિશે પૂછતાં રાજપાલ યાદવે કહ્યું કે ‘નિખિલ સરે મને જ્યારે ફોન કર્યો ત્યારે મને લાગ્યું હતું કે મને ફરી એક કૉમિક રોલની ઑફર થઈ છે. જોકે મને રોલ વિશે જાણ થતાં મેં ફરી ડિરેક્ટરને પૂછ્યું હતું કે મારી પાસે નેગેટિવ રોલ કરાવવા માટે તમે ચોક્કસ છો? તેમણે મને કહ્યું કે હા અને મને બસ, સ્માઇલ કરવા માટે ના પાડવામાં આવી હતી. રોલ પર્ફેક્ટ હોય તો પછી ફિલ્મનો પ્રકાર કયો છે એનાથી કોઈ ફરક નથી પડતો. હું જે કામ કરી રહ્યો હોઉં એમાં મને ખુશી ન મળતી હોય તો નવા એક્સપરિમેન્ટ્સ કરવા માટે મને બૉલીવુડે હંમેશાં તક આપી છે. મને લાગે છે કે ઍક્ટર તરીકે મારી જવાબદારી છે કે મારે નવી વસ્તુઓ કરતા રહેવી જોઈએ.’
