વુમન ઇન ફિલ્મ ઇન્ડિયાની ભારતીય મહિલા પ્રોડ્યુસર્સ માટે `કાન સ્કોલરશીપ`ની જાહેરાત

પસંદ થયેલી બે મહિલા પ્રોડ્યુસર્સ હાઇબ્રિડ પ્રોગ્રામમાં ભાગ લેશે, જેમાં એપ્રિલ અને મે 2026માં ઓનલાઇન વર્કશોપ અને ત્યારબાદ 13 થી 18 મે દરમિયાન કાનમાં ઓન-સાઇટ સેશન્સનો સમાવેશ થાય છે. આ માટે આખા દેશમાંથી અરજીઓ મંગાવવામાં આવી છે.

ગુનીત મોંગા - ફાઈલ તસવીર

ભારતની મહિલા પ્રોડ્યુસર્સ માટે નવા અનુભવની તક ખડી કરાઈ છે. આ પ્રોગ્રામમાં ભાગ લઈ શકાય તે માટે સમગ્ર દેશમાંથી અરજીઓ મંગાવવામાં આવી છે; ગુનીત મોગાની પહેલ WIF ઇન્ડિયા બે ઉભરતી પ્રોડ્યુસર્સની પસંદગી કરશે જેઓ કાન માર્ચે ડુ ફિલ્મ ખાતે `impACT Lab` અને `Producers Network`માં ભાગ લેશે. આંતરરાષ્ટ્રીય મહિલા દિવસ નિમિત્તે મહિલા ફિલ્મ નિર્માતાઓ માટે તકોના વિસ્તારની પ્રતિબદ્ધતા સાથે, વુમન ઇન ફિલ્મ ઇન્ડિયા (WIF India) એ `માર્ચે ડુ ફિલ્મ` (Marché du Film) ખાતેના impACT Lab ના સહયોગથી એક મહત્વપૂર્ણ જાહેરાત કરી છે. આ પહેલ હેઠળ કાન ફિલ્મ ફેસ્ટિવલના ફિલ્મ માર્કેટમાં સહભાગી થવા માટે ભારતમાંથી બે ઉભરતી મહિલા પ્રોડ્યુસર્સની પસંદગી કરવા માટે રાષ્ટ્રવ્યાપી અરજીઓ મંગાવવામાં આવી છે.

આ પહેલ WIF ઇન્ડિયાની ૨૦૨૫માં કાન ખાતેની શરૂઆત પર આધારિત છે, જ્યારે સંસ્થાએ `કાન્સ પ્રોડ્યુસર્સ ફેલોશિપ` શરૂ કરી હતી અને ભારતીય મહિલા પ્રોડ્યુસર્સના પ્રથમ પ્રતિનિધિમંડળને `પ્રોડ્યુસર્સ નેટવર્ક` સાથે પરિચય કરાવ્યો હતો.

ADVERTISEMENT

impACT Lab સ્કોલરશીપ સાથે, WIF ઇન્ડિયાનો ઉદ્દેશ્ય ભારતમાં મહિલા પ્રોડ્યુસર્સ માટે સામાજિક રીતે પ્રેરિત વાર્તાઓ વિકસાવવા અને આંતરરાષ્ટ્રીય કો-પ્રોડક્શન ઇકોસિસ્ટમ સાથે જોડાવા માટે નવા માર્ગો બનાવવાનો છે.

પ્રોગ્રામની વિગતો

પસંદ થયેલી બે મહિલા પ્રોડ્યુસર્સ હાઇબ્રિડ પ્રોગ્રામમાં ભાગ લેશે, જેમાં એપ્રિલ અને મે 2026માં ઓનલાઇન વર્કશોપ અને ત્યારબાદ 13 થી 18 મે દરમિયાન કાનમાં ઓન-સાઇટ સેશન્સનો સમાવેશ થાય છે. આ પ્રોગ્રામનું સમાપન `પ્રોડ્યુસર્સ નેટવર્ક`માં ભાગીદારી સાથે થશે, જે ઉદ્યોગના નિષ્ણાતો સાથે નેટવર્કિંગ અને ગ્લોબલ ડિસિઝન-મેકર્સ સાથે વર્કશોપની તક પૂરી પાડશે.

અરજી માટેની પાત્રતા

આ તક ભારત સ્થિત એવી મહિલા પ્રોડ્યુસર્સ માટે ખુલ્લી છે જેમણે ઓછામાં ઓછી બે શોર્ટ ફિલ્મો બનાવી હોય અને હાલમાં તેમની પ્રથમ ફીચર ફિલ્મ વિકસાવી રહી હોય. અરજદારોએ ડાયરેક્ટર નોટ, પ્રોડ્યુસર નોટ, સિનોપ્સિસ, ટ્રીટમેન્ટ, બજેટ અને અગાઉના કામની લિંક્સ સહિતની એક સંકલિત પિચ ડેક સબમિટ કરવાની રહેશે.

નિષ્ણાતોના મંતવ્યો

માર્ચે ડુ ફિલ્મના ઇન્ડસ્ટ્રી પ્રોગ્રામ્સના વડા એલેક્ઝાન્ડ્રા ઝાખારોન્કોએ જણાવ્યું હતું કે, "impACT Lab ખાતે WIF ઇન્ડિયા સાથેનો પ્રથમ સહયોગ અમારા પ્રોગ્રામમાં ભારતીય મહિલા પ્રોડ્યુસર્સની હાજરી સુનિશ્ચિત કરવા તરફનું એક મહત્વપૂર્ણ ડગલું છે. અમને આશા છે કે આનાથી તેઓ વૈશ્વિક સ્તરે નેટવર્ક મજબૂત કરશે અને તેમની કારકિર્દીને આંતરરાષ્ટ્રીય સ્તરે વેગ મળશે." WIF ઇન્ડિયાના સ્થાપક ગુનીત મોંગા કપૂરએ જણાવ્યું હતું કે, "વુમન ઇન ફિલ્મ ઇન્ડિયામાં દરેક દિવસ મહિલા દિવસ છે. ગત વર્ષે કાન્સમાં અમે જે વચન આપ્યું હતું તેને પૂરું કરવા માટેની આ અમારી પ્રતિબદ્ધતા છે, જેથી ભારતની મહિલા પ્રોડ્યુસર્સને વૈશ્વિક પ્લેટફોર્મ પર વાસ્તવિક એક્સેસ મળે. આ સ્કોલરશીપ વધુ મહિલાઓને તેમની વાર્તાઓ અને પ્રોજેક્ટ્સને વિશ્વ સમક્ષ લાવવાની તક આપવા વિશે છે." WIF ઇન્ડિયાના પ્રોગ્રામિંગ અને ડેવલપમેન્ટ હેડ રાબિયા ચોપરાએ ઉમેર્યું કે, "માર્ચે ડુ ફિલ્મ ખાતેનું impACT Lab મેન્ટરશિપ અને ગ્લોબલ ઇન્ડસ્ટ્રી એક્સપોઝરનું અનોખું સંગમ છે. અમે કાન્સની માર્ચે ડુ ફિલ્મ ટીમનો આ તક આપવા બદલ આભાર માનીએ છીએ." અરજી કરવાની છેલ્લી તારીખ 17 માર્ચ 2026 છે.

વુમન ઇન ફિલ્મ ઇન્ડિયા વિશે:
WIF ઇન્ડિયા એ એક રાષ્ટ્રીય બિન-લાભકારી સંસ્થા છે જે ભારતના ફિલ્મ, ટેલિવિઝન અને ડિજિટલ મીડિયા ઉદ્યોગોમાં જેન્ડર ઈક્વાલિટીને પ્રોત્સાહન આપવા માટે સમર્પિત છે. તે મહિલા વ્યાવસાયિકો માટે મેન્ટરશિપ, કૌશલ્ય વિકાસ અને વૈશ્વિક એક્સપોઝરના માર્ગો મજબૂત કરવાનું કામ કરે છે.