રણબીર કપૂરે પત્ની આલિયાના ઍડ્વાન્સ બર્થ-ડે સેલિબ્રેશનમાં બધાનાં દિલ જીતી લીધાં
મીડિયા સાથે રણબીર-આલિયા
આલિયા ભટ્ટની આજે બત્રીસમી વર્ષગાંઠ છે ત્યારે તેણે અને પતિ રણબીરે ઍડ્વાન્સમાં મીડિયા સાથે ક્યુટ બર્થ-ડે સેલિબ્રેશન કર્યું હતું. આ સેલિબ્રેશનમાં કેક-કટિંગ વખતે આલિયાએ નો મેક-અપ લુકમાં પીચ ફ્લોરલ કુરતો પહેરીને કેક કટ કરી હતી.
ADVERTISEMENT
આ કેક-કટિંગ વખતે રણબીરે વાઇફના નાક પર થોડી કેક લગાવીને તેને સરપ્રાઇઝ કરી દીધી હતી અને પછી તેના માથા પર કિસ કરીને પોતાની લાગણી અભિવ્યક્ત કરી હતી. રણબીરની આ મસ્તીભરી સ્ટાઇલે લોકોનાં દિલ જીતી લીધાં હતાં.
આ સેલિબ્રેશન પછી તેમણે મીડિયા સાથે બહુ મસ્તી કરીને પિક્ચર્સ ક્લિક કરાવ્યાં હતાં અને જન્મદિવસ ઊજવ્યો હતો. રણબીર-આલિયાના મિત્ર અને તેમની ફિલ્મ ‘બ્રહ્માસ્ત્ર’ના ડિરેક્ટર અયાન મુખરજીના પિતા દેબ મુખરજીના અવસાનના પગલે હવે આલિયા આજે બર્થ-ડે નહીં ઊજવે.
