દિલ્હી કૅપિટલ્સના કૅપ્ટન અક્ષર પટેલે સ્પષ્ટ શબ્દોમાં કહી દીધું... મને IPLનો ઇમ્પૅક્ટ-પ્લેયરનો નિયમ પસંદ નથી, એનાથી ઑલરાઉન્ડરોનું યોગદાન મર્યાદિત થઈ જાય છે
અક્ષર પટેલ
દિલ્હી કૅપિટલ્સના કૅપ્ટન અક્ષર પટેલે IPL 2026 પહેલાં મહત્ત્વપૂર્ણ નિવેદન આપ્યું છે. તેણે કહ્યું હતું કે ‘સાચું કહું તો મને આ ઇમ્પૅક્ટ-પ્લેયરનો નિયમ પસંદ નથી, કારણ કે હું એક ઑલરાઉન્ડર છું.
આ નિયમને કારણે ટીમ-મૅનેજમેન્ટ કોઈ ચોક્કસ બૅટ્સમૅન અથવા બોલરને પસંદ કરે છે. એનાથી ઑલરાઉન્ડરોનું યોગદાન મર્યાદિત થઈ જાય છે.’
અક્ષર પટેલે એ પણ સ્પષ્ટતા કરી કે અનુભવી બૅટર કે. એલ. રાહુલ મિડલ ઑર્ડરને બદલે આ વખતે ઓપનિંગ કરવા ઊતરશે. અનુભવી ફાસ્ટ બોલર મિચલ સ્ટાર્કની IPL 2026માં ભાગીદારી ક્રિકેટ ઑસ્ટ્રેલિયા દ્વારા તેના વર્કલોડ મૅનેજમેન્ટને ધ્યાનમાં રાખીને આપવામાં આવતા નો-ઑબ્જેક્શન સર્ટિફિકેટ પર નિર્ભર કરે છે.
