અંદરથી તેમણે ખૂબ બૂમો પાડી પણ બહાર કોઈ ન હોવાથી ક્યાંયથી મદદ ન મળી
આખી રાત તેમણે ટૉઇલેટમાં જ ગાળી
બેલ્જિયમના પાર્લમેન્ટ હાઉસમાં સેશન ચાલી રહ્યું હતું ત્યારે એક સંસદસભ્યને ટૉઇલેટના ખરાબ લૉકને કારણે આખી રાત વૉશરૂમમાં જ ગાળવાની નોબત આવી હતી. મંગળવારે સાંજે સંસદનું સેશન પૂરું થયા પછી ફ્રેડરિક ઍરેન્સ નામના સંસદસભ્ય વૉશરૂમમાં ગયા હતા. જોકે કામ પતાવીને તેઓ બહાર નીકળી જ ન શક્યા, કેમ કે દરવાજાનું લૉક ખરાબ થઈ ગયું હતું. અંદરથી તેમણે ખૂબ બૂમો પાડી પણ બહાર કોઈ ન હોવાથી ક્યાંયથી મદદ ન મળી. આખી રાત તેમણે ટૉઇલેટમાં જ ગાળી. બુધવારે સવારે જ્યારે સ્ટાફ આવ્યો ત્યારે સંસદસભ્ય અંદર ફસાઈ ગયાની ખબર પડી હતી. તરત લૉક તોડીને ઇજર્મન્સી સર્વિસે તેમને રેસ્ક્યુ કર્યા હતા.
