માર્વલ સિનેમૅટિક યુનિવર્સમાં રૉબર્ટ ડાઉની જુનિયરની ફરી એન્ટ્રી
રૉબર્ટ ડાઉની જુનિયર
સુપરહીરો ફિલ્મની સિરીઝ બનાવવા માટે માર્વલ સિનેમૅટિક યુનિવર્સ જાણીતું છે. આ સિરીઝમાં હવે ફરી રૉબર્ટ ડાઉની જુનિયરની એન્ટ્રી થઈ રહી છે. માર્વલ સિનેમૅટિક યુનિવર્સની શરૂઆત આયર્નમૅનથી થઈ હતી જે પાત્ર રૉબર્ટ ડાઉની જુનિયરે ભજવ્યું હતું. દુનિયાભરના સુપરહીરોમાં આયર્નમૅન ખૂબ જ ફેવરિટ છે. જોકે ‘અવેન્જર્સ એન્ડગેમ’માં દુનિયાને બચાવવા માટે આયર્નમૅન પોતાનું બલિદાન આપે છે. એ ફિલ્મથી આયર્નમૅન અને રૉબર્ટ ડાઉની જુનિયરની આ ફિલ્મોની સિરીઝમાંથી એક્ઝિટ થઈ હતી. જોકે હવે તે ફરી આવી રહ્યો છે. સૅન ડીએગોમાં યોજાયેલી કૉમિક-કોન ઇવેન્ટમાં આ ફિલ્મની જાહેરાત કરવામાં આવી છે. તેમ જ રૉબર્ટ ડાઉની જુનિયરને વિલન વિક્ટર વોન ડૂમ એટલે કે ડૉક્ટર ડૂમના લુકમાં જોઈને લોકો પાગલ થઈ ગયા હતા. તે નવા રૂપમાં જોવા મળશે પરંતુ દુનિયાને બચાવવાનો ટાસ્ક કરતો જોવા મળશે. આ ફિલ્મને ડિરેક્ટર જોડી જો રુસો અને ઍન્થની રુસો ડિરેક્ટ કરશે. આ ફિલ્મની સાથે તેઓ ‘સીક્રેટવૉર્સ’ને પણ ડિરેક્ટ કરશે. ‘અવેન્જર્સ એન્ડગેમ’ કરતાં પણ ‘સીક્રેટવૉર્સ’ ખૂબ જ ગ્રૅન્ડ હશે એવી તેમણે ખાતરી આપી છે. રૉબર્ટ ડાઉની જુનિયરે તેના ફોટો ઇન્સ્ટાગ્રામ પર શૅર કરીને કૅપ્શન આપી હતી કે નવો માસ્ક, સેમ ટાસ્ક.
