આ ફિલ્મની સ્ટોરી વિરાફ સરકારી, રિતેશ શાહ અને અનિરુદ્ધ રૉય ચૌધરી દ્વારા લખવામાં આવી છે
પંકજ ત્રિપાઠી અને સંજના સંઘીએ શૂટિંગ શરૂ કર્યું
પંકજ િત્રપાઠી, પાર્થવી તિરુવોતુ અને સંજના સંઘીએ મુંબઈમાં તેમની આગામી ફિલ્મનું શૂટિંગ શરૂ કરી દીધું છે. આ ફિલ્મનું હજી સુધી કોઈ નામ રાખવામાં નથી આવ્યું. આ એક ઇન્વેસ્ટિગેટિવ ડ્રામા છે. આ ડિસફંક્શનલ ફૅમિલી ફિલ્મનું શૂટિંગ મુંબઈમાં ચાલી રહ્યું છે અને ત્યાર બાદ એનું શૂટિંગ કલકત્તામાં કરવામાં આવશે. ‘પિન્ક’ના ડિરેક્ટર અનિરુદ્ધ રૉય ચૌધરી દ્વારા આ ફિલ્મને ડિરેક્ટ કરવામાં આવી રહી છે. આ વિશે વાત કરતાં પંકજ િત્રપાઠીએ કહ્યું કે ‘આ ફિલ્મ માટે મેં કેમ ના પાડી એનાં ઘણાં કારણ છે. મેં ઘણી સ્ક્રિપ્ટ વાંચી છે અને એમાંથી આ ખૂબ જ સારી હતી. મારે અનિરુદ્ધ રૉય ચૌધરી સાથે પણ કામ કરવું હતું, કારણ કે તે ખૂબ જ અદ્ભુત ડિરેક્ટર છે.’
આ ફિલ્મની સ્ટોરી વિરાફ સરકારી, રિતેશ શાહ અને અનિરુદ્ધ રૉય ચૌધરી દ્વારા લખવામાં આવી છે અને એ ૨૦૨૩માં રિલીઝ થશે. આ ફિલ્મ વિશે સંજનાએ કહ્યું કે ‘એક ઍક્ટર માટે ભાગ્યે જ એવું થતું હોય છે જ્યારે તે કોઈ સ્ટોરી સાથે તરત જ અને એકદમ ડીપલી કનેક્ટ થઈ જાય છે. એવી સ્ટોરી, જે તમને એહસાસ કરાવે કે તમે કેમ ઍક્ટર બન્યા છો. પંકજ સર સાથે પિતા-પુત્રી તરીકે કામ કરવું અને એને ટોનીદા દ્વારા ડિરેક્ટ કરવામાં આવે એ એક સન્માનની વાત છે. દર્શકો સામે આ કૉમ્પ્લેક્સ સ્ટોરી લઈને આવવા માટે આતુર છું.’
