બોલિવૂડ ક્વીન કંગના રનૌત (Kangana Ranaut)આ દિવસોમાં તેની બહુપ્રતિક્ષિત ફિલ્મ `ઇમરજન્સી`ને કારણે ચર્ચામાં છે. અભિનેત્રીની આ ફિલ્મ દેશની સૌથી મોટી રાજકીય ઘટના `ઇમરજન્સી` પર આધારિત છે, જેના કારણે ફિલ્મ એક યા બીજા કારણોસર ચર્ચામાં રહે છે.
મિલિંદ સોમણ
બોલિવૂડ ક્વીન કંગના રનૌત (Kangana Ranaut)આ દિવસોમાં તેની બહુપ્રતિક્ષિત ફિલ્મ `ઇમરજન્સી`ને કારણે ચર્ચામાં છે. અભિનેત્રીની આ ફિલ્મ દેશની સૌથી મોટી રાજકીય ઘટના `ઇમરજન્સી` પર આધારિત છે, જેના કારણે ફિલ્મ એક યા બીજા કારણોસર ચર્ચામાં રહે છે. `ઇમરજન્સી` રિલીઝ પહેલા જ ધમાલ મચાવી રહી છે. આ ફિલ્મમાં કંગના તત્કાલીન વડાપ્રધાન ઈન્દિરા ગાંધીના રોલમાં જોવા મળશે. આ સાથે જ આ ફિલ્મમાં બોલિવૂડના અન્ય ઘણા દિગ્ગજ કલાકારો પણ મહત્વના રોલમાં જોવા મળવાના છે. આ ફિલ્મમાં મહિમા ચૌધરીનો લૂક ભૂતકાળમાં સામે આવ્યો હતો, હવે એક્ટર મિલિંદ સોમણનો લૂક અને રોલ પણ સામે આવ્યો છે.
થોડા સમય પહેલા અભિનેત્રી કંગના રનૌતે તેના ઓફિશિયલ ઈન્સ્ટાગ્રામ હેન્ડલ પર મિલિંદ સોમણનો ફર્સ્ટ લૂક શેર કર્યો હતો. ફિટનેસ ફ્રીક અભિનેતા મિલિંદ સોમણ `ઇમરજન્સી`માં ફિલ્ડ માર્શલ સેમ માણેકશોની ભૂમિકા ભજવતો જોવા મળશે. 3 એપ્રિલ, 1914ના રોજ પંજાબના અમૃતસરમાં જન્મેલા સેમ ભારતીય સેનાનો મહત્વનો ભાગ હતા અને તેમની ખ્યાતિ ભારત ઉપરાંત પડોશી દેશ પાકિસ્તાનમાં પણ ફેલાઈ હતી. મિલિંદના લૂકની વાત કરીએ તો તે ફીલ્ડ માર્શલ સેમ તરીકે સારો દેખાઈ રહ્યો છે. શરીર પર ભારતીય સેનાનો યુનિફોર્મ, માથા પર ટોપી અને મોટી મૂછો સાથે મિલિંદ પહેલા ક્યારેય ન જોયેલી સ્ટાઇલમાં જોવા મળે છે. ફિલ્મમાં તેનું પાત્ર ખૂબ જ મજબૂત જોવા મળશે.
ADVERTISEMENT
View this post on Instagram
કંગનાએ શેર કર્યુ પોસ્ટર
મિલિંદ સોમણનું પહેલું પોસ્ટર શેર કરતાં કંગના રનૌતે લખ્યું કે, `હું તમારી સમક્ષ મિલિંદ સોમણને સેમ માણેકશૉ તરીકે રજૂ કરું છું. સેમ, જેમની સેવા તેમની પ્રામાણિકતા તરીકે આદરણીય હતી, તેણે ભારત-પાકિસ્તાન યુદ્ધ દરમિયાન ભારતની સરહદો બચાવવામાં મહત્વની ભૂમિકા ભજવી હતી. મોહક યુદ્ધ નાયક અને કટોકટીમાં એક સ્વપ્નદ્રષ્ટા નેતા.`
મિલિંદ સોમણથી લઈને, કંગનાએ ફિલ્મમાંથી અભિનેત્રી મહિમા ચૌધરી, અભિનેતા શ્રેયસ તલપડે અને અનુપમ ખેરના દેખાવને જાહેર કર્યા હતા. નોંધનીય છે કે મહિમા ચૌધરી `ઇમરજન્સી`માં ગાંધી-નેહરુ પરિવારના નજીકના ભારતીય સાંસ્કૃતિક કાર્યકર્તા અને લેખક પુપુલ જયકરની ભૂમિકામાં જોવા મળશે. આ સાથે શ્રેયસ તલપડે ભારત રત્ન અટલ બિહારી વાજપેયી અને અનુપમ ખેર જય પ્રકાશ નારાયણની મજબૂત ભૂમિકા ભજવતો જોવા મળશે. કંગનાની આ ફિલ્મનું શૂટિંગ પૂરજોશમાં ચાલી રહ્યું છે અને આ ફિલ્મ આવતા વર્ષે 25 જૂન 2023ના રોજ રિલીઝ થશે.
