આંતરરાષ્ટ્રીય મહિલા દિવસ સાવ પાસે છે ત્યારે બોરીવલીના શ્રી સાઈલીલા વેલ્ફેર ટ્રસ્ટના 'ઝરૂખો ' દ્વારા ' ગુજરાતી સાહિત્યમાં સ્ત્રી ચેતના ' એ વિષય પર શનિવાર ૨ માર્ચ સાંજે ૭.૨૦ વાગ્યે કાર્યક્રમ યોજાયો છે. જાણીતાં કવયિત્રી તથા વાર્તાકાર ડૉ.સેજલ શાહ ' ગુજરાતી કાવ્યોમાં સ્ત્રી ચેતના ' વિષય પર વાત કરશે. એસ એન ડી ટી મહિલા વિદ્યાપીઠનાં ગુજરાતી વિભાગનાં અધ્યક્ષ ડૉ.દર્શના ઓઝા 'ગુજરાતી ટૂંકી વાર્તામાં સ્ત્રી ચેતના ' એ વિષય પર વાત કરશે. અમેરિકાસ્થિત કવયિત્રી નંદિતા ઠાકોર જે ગાયિકા અને સ્વરકાર પણ છે તેઓ મૂળ વિષયને અનુરૂપ કેટલાંક ગીતોનું ગાન કરશે. અલ્પા વખારિયા પણ એક ગીત રજૂ કરશે. આ સમગ્ર કાર્યક્રમનું સંચાલન કવયિત્રી પ્રતિમા પંડ્યા કરશે. 'ઝરૂખો 'નો આ કાર્યક્રમ બીજે માળે, સાઈબાબા મંદિર, સાઈબાબા નગર, બોરીવલી પશ્ચિમના સરનામે યોજાયો છે અને ટ્રસ્ટીગણ સર્વને જાહેર નિમંત્રણ પાઠવે છે.