મોટી ક્રિકેટ ઇવેન્ટમાં જીત મેળવ્યા બાદ કોઈ ઍન્થમ સૉન્ગ સાથે સલિબ્રેશન મોટા ભાગે અત્યાર સુધી ઑસ્ટ્રેલિયન ટીમ કરતી હોય એવું જોવા મળ્યું છે. ભારતીય ટીમની કોઈ મોટી ઉપલબ્ધિ વખતે સ્ટેડિયમમાં મોટા ભાગે ‘ચક દે ઇન્ડિયા’, ‘સુનો ગૌર સે દુનિયાવાલોં’ અથવા ‘લહેરા દો સર જમીં પર પરચમ’ જેવાં ગીતો જ સંભળાતાં હોય છે, પણ રવિવારે વર્લ્ડ ચૅમ્પિયન બન્યા બાદ ટીમની રૉકસ્ટાર જેમિમા રૉડ્રિગ્સની આગેવાની હેઠળ પિચની આસપાસ ‘રહેગા સબ સે ઉપર હમારા તિરંગા, હમ હૈં ટીમ ઇન્ડિયા, હમ હૈં ટીમ ઇન્ડિયા’ સૉન્ગ સાથે સેલિબ્રેશન કરતાં આખા મેદાનમાં અનોખો માહોલ રચાયો હતો. દૂરથી કોચ અમોલ મજુમદારનો અવાજ સ્પષ્ટ સંભળાતો હતો. આ વિક્ટરી ઍન્થમ સૉન્ગની બીજી લાઇન હતી ‘સાથ મેં ચલેંગે, સાથ મેં ઉઠેંગે, હમ હૈં ટીમ ઇન્ડિયા, સાથ મેં જીતેંગે...’ આ ઍન્થમ ગાતાં પહેલાં જેમિમા રૉડ્રિગ્સે સીક્રેટ જણાવતાં કહ્યું હતું કે, અમે ચાર વર્ષ પહેલાં નક્કી કર્યું હતું કે અમારું આ ટીમ-સૉન્ગ વર્લ્ડ કપ જીત્યા પછી જ દુનિયા સામે ગાઈશું અને આજે એ ક્ષણ આવી ગઈ છે.
(તસવીરો : અતુલ કાંબળે)
04 November, 2025 10:15 IST | Mumbai | Gujarati Mid-day Online Correspondent
