જબલપુરનો આ વિડિયો સોશ્યલ મીડિયા પર વહેતો થયો છે એમાં મોમોઝ બનાવવા માટેનો લોટ એક યુવક પગથી ગૂંદી રહ્યો છે
મોમોઝ બહુ ભાવે છે? એક વાર આ ફોટો જોઈ લો
મોમોઝની રેંકડીઓ હવે ઠેકઠેકાણે જોવા મળે છે અને મોમોઝ ખાવા માટે લોકો તૂટી પડતા હોય છે, પરંતુ સોશ્યલ મીડિયામાં વાઇરલ થયેલો એક વિડિયો જોયા પછી મોમોઝ ખાવાનું તો ઠીક, જોવાનું પણ મન નહીં થાય. જબલપુરનો આ વિડિયો સોશ્યલ મીડિયા પર વહેતો થયો છે એમાં મોમોઝ બનાવવા માટેનો લોટ એક યુવક પગથી ગૂંદી રહ્યો છે. બાવીસ સેકન્ડના આ વિડિયોએ વહીવટી તંત્ર અને પોલીસ બન્નેને દોડતાં કરી દીધાં છે, કારણ કે લોકોમાં ભારે રોષ ફેલાયો છે એટલે મોમોઝ બનાવવા માટે સ્વચ્છતા કે સફાઈનું કોઈ જ ધ્યાન રખાતું નથી. લોકોએ પોલીસને ફરિયાદ કરી હતી. પોલીસે ગુનો દાખલ કરીને વિડિયોના આધારે યુવકની ઓળખ કરી લીધી છે. પોલીસે પગથી લોટ ગૂંદતા રાજકુમાર ગોસ્વામી અને સચિન ગોસ્વામીને અટકાયતમાં લીધા છે. જોધપુરના બન્ને યુવક પોલીસ-સ્ટેશન પાસે જ મોમોઝ વેચતા હતા.
