એ પછીની દરેક એક્સ્ટ્રા આઇટમ પર અલગથી ચાર્જ લાગશે. આ રકમ કંપની પર્યાવરણના સંવર્ધનનું કામ કરતી સંસ્થાઓને દાનમાં આપશે.
પ્રતીકાત્મક ફાઇલ તસવીર
ચીનમાં ઑનલાઇન શૉપિંગ કર્યા પછી એને રિટર્ન કરવાની સમસ્યા ખૂબ વધી ગઈ છે. ન ગમે તો ૭ દિવસમાં કપડાં પાછાં મોકલાવી શકો છો એવી પૉલિસીને કારણે કપડાંનું શૉપિંગ ખૂબ વધ્યું છે. જોકે એની સાથે જ ફીટિંગ, કલર અને સ્ટાઇલ સૂટ ન થતી હોવાનાં કારણોસર લોકો એને રિટર્ન પણ બહુ કરવા લાગ્યા છે. ચીનનાં ઑનલાઇન શૉપિંગ પ્લૅટફૉર્મ્સના સર્વેમાં નોંધાયું છે કે મહિલાઓનાં કપડાંમાં ૫૦થી ૬૦ ટકા ઑર્ડર પાછા આવે છે. વેચાણ થવું, સામાન પૅક કરીને મોકલવો અને પાછો મગાવવો આ ત્રણેય પ્રક્રિયામાં ભારે કાર્બન એમિશન થાય છે. એનાથી પર્યાવરણ પર અસર પડે છે એટલે ચીને સ્ત્રીઓનાં કપડાંના ઑનલાઇન શૉપિંગ પર અર્થ ટૅક્સ લગાવવાનું નક્કી કર્યું છે. ઑર્ડર કરવાની સાથે જ આ ટૅક્સ લેવામાં આવશે. જો ગ્રાહક એ સામાન પોતાની પાસે રાખી લે તો તેને ટૅક્સના પૈસા પાછા મળી જશે, પણ જો સામાન પાછો આપે તો ટૅક્સ કપાઈ જાય એવી વ્યવસ્થા તૈયાર કરવામાં આવી છે. પહેલી એક આઇટમ પર લગભગ ૧૭૫ રૂપિયાનો ચાર્જ લાગશે. એ પછીની દરેક એક્સ્ટ્રા આઇટમ પર અલગથી ચાર્જ લાગશે. આ રકમ કંપની પર્યાવરણના સંવર્ધનનું કામ કરતી સંસ્થાઓને દાનમાં આપશે.
