પરિણીતાએ સોશ્યલ મીડિયામાં પતિ સાથેનો પોતાનો વિડિયો મૂકીને આ ગરબડ છતી કરી છે
તસવીર સૌજન્ય : સોશ્યલ મીડિયા
લગ્નોત્સુક યુવાનો માટે યોગ્ય પાત્ર શોધી આપતી ભારત મૅટ્રિમોની ઍપ્લિકેશનમાં એક ગંભીર છબરડો થયો છે. ઍપ્લિકેશનમાં એક પરિણીત મહિલાના ફોટો સાથે નકલી પ્રોફાઇલ મુકાઈ ગયો છે. એમાં એ મહિલાને કુંવારી દર્શાવી છે અને તેનું નામ પણ બદલાયેલું છે. પરિણીતાએ સોશ્યલ મીડિયામાં પતિ સાથેનો પોતાનો વિડિયો મૂકીને આ ગરબડ છતી કરી છે. એ મહિલા સ્વાતિ મુકુંદ છે. સ્વાતિએ ઍપ્લિકેશનનો સ્ક્રીન-શૉટ પણ બતાવ્યો છે. એ પ્રમાણે નિથ્યા રાજા સેકર નામની કોઈ મહિલાના પ્રોફાઇલમાં સ્વાતિનો ફોટો દર્શાવ્યો છે. નિથ્યાની પ્રોફાઇલ પ્રમાણે તે બીટેક થયેલી ૩૫ વર્ષની પાંચ ફુટ ૯ ઇંચ હાઇટની બ્રાહ્મણ યુવતી છે. ચેન્નઈના એક ફિટનેસ વ્યવસાયી તરીકે તેની ઓળખ અપાઈ છે. સ્વાતિ મુકુંદે પતિ સાથે વિડિયો બનાવ્યો છે અને આ માહિતી આપી છે. તેણે ઍપનો ઉપયોગ કરનાર લોકોને ચેતવ્યા છે.
