એન્કાઉન્ટરમાં ૩૦ નક્સલીઓ માર્યા ગયા, સાઈટ પરના ચોંકાવનારા દ્રશ્યો આવ્યા સામે

છત્તીસગઢના બીજાપુરમાંથી ચોંકાવનારા દ્રશ્યો સામે આવ્યા છે જ્યાં નક્સલીઓ એક એન્કાઉન્ટરમાં માર્યા ગયા હતા. આ એન્કાઉન્ટરમાં 30 નક્સલીઓ માર્યા ગયા હતા. અહેવાલ મુજબ, નક્સલીઓ એક રણનૈતિક બેઠકમાં વ્યસ્ત હતા ત્યારે સુરક્ષા દળોએ જંગલોમાં હુમલો કર્યો હતો. આ એન્કાઉન્ટરમાં એક જવાન પણ માર્યો ગયો હતો. નોંધનીય છે કે ગૃહમંત્રી અમિત શાહે રાજ્યસભામાં તાજેતરના ભાષણમાં માર્ચ 2026 સુધીમાં નક્સલવાદને નાબૂદ કરવાની પ્રતિજ્ઞા લીધી હતી.