પીએમ મોદીની અપમાનજનક ટિપ્પણી વિરુદ્ધ BJP કરશે પૂતળા દહન, પાકિસ્તાનને લઈ આક્રોશ

ભાજપે પીએમ મોદી વિરુદ્ધ બિલાવલ ભુટ્ટોની ટિપ્પણીને અત્યંત અપમાનજનક અને કાયરતાથી ભરેલી ગણાવી છે.

પીએમ મોદી

ભારતીય જનતા પાર્ટી (BJP) આજે (17 ડિસેમ્બર) વડાપ્રધાન નરેન્દ્ર મોદી(Narendra Modi) વિરુદ્ધ પાકિસ્તાનના વિદેશ મંત્રી બિલાવલ ભુટ્ટો ઝરદારીએ કરેલી `અપમાનજનક` ટિપ્પણી સામે દેશવ્યાપી વિરોધ પ્રદર્શન કરશે. બીજેપીએ શુક્રવારે એક નિવેદનમાં કહ્યું, "દેશભરના તમામ રાજ્યોની રાજધાનીઓમાં વિરોધ પ્રદર્શન કરવામાં આવશે. ભાજપના કાર્યકરો પાકિસ્તાન અને પાકિસ્તાનના વિદેશ મંત્રીના પૂતળા દહન કરશે અને તેમના શરમજનક નિવેદનની સખત નિંદા કરશે."

ભાજપે પીએમ મોદી વિરુદ્ધ બિલાવલ ભુટ્ટોની ટિપ્પણીને અત્યંત અપમાનજનક અને કાયરતાથી ભરેલી ગણાવી છે. ભાજપે કહ્યું કે આ ટિપ્પણી પાકિસ્તાનની ઘટી રહેલી અર્થવ્યવસ્થા, પાકિસ્તાનમાં અરાજકતાથી વૈશ્વિક ધ્યાન હટાવવા માટે આપવામાં આવી છે.

ADVERTISEMENT

આ પણ વાંચો:PM મોદી પર વિવાદાસ્પદ ટિપ્પણી: પાકિસ્તાની એમ્બેસીની બહાર બીજેપીનો વિરોધ

પાકિસ્તાન હાઈ કમિશનની બહાર પ્રદર્શન

આ પહેલા શુક્રવારે પણ ભાજપના કાર્યકર્તાઓએ પાકિસ્તાનના વિદેશ મંત્રીના નિવેદન સામે દિલ્હીમાં પાકિસ્તાની હાઈ કમિશનની બહાર વિરોધ પ્રદર્શન કર્યું હતું. વિરોધ પ્રદર્શન દરમિયાન ભાજપે આક્ષેપ કર્યો હતો કે નિવેદનનો હેતુ વિશ્વને ગેરમાર્ગે દોરવાનો, પાકિસ્તાનની કથળતી અર્થવ્યવસ્થા, પાકિસ્તાનમાં અરાજકતા, પાકિસ્તાન અને સેના વચ્ચે વધતા મતભેદો, તેના બગડતા વૈશ્વિક સંબંધોથી વિશ્વનું ધ્યાન હટાવવાનો છે. ભાજપે કહ્યું કે ભારતની વિદેશ નીતિની વૈશ્વિક સ્તરે પ્રશંસા થઈ રહી છે, જ્યારે પાકિસ્તાનને નાના દેશો તરફથી પણ પ્રતિક્રિયાનો સામનો કરવો પડી રહ્યો છે.