બાબા સિદ્દીકી પર જેમણે પણ હુમલો કર્યો છે તે કોઈને પણ નહીં છોડીએ
એકનાથ શિંદે
મહારાષ્ટ્રના મુખ્ય પ્રધાન એકનાથ શિંદેએ પત્રકારો સાથેની વાતચીતમાં કહ્યું કે ‘બાબા સિદ્દીકી પર જેમણે પણ હુમલો કર્યો છે તે કોઈને પણ નહીં છોડીએ, દરેકને ફાંસીએ ચડાવીશું. આ કેસ સંદર્ભે અમે ફાસ્ટ ટ્રૅકમાં કેસ ચલાવીને કોર્ટમાં તેમને ફાંસી આપવામાં આવે એવી માગ કરીશું. બીજાં રાજ્યોમાંથી મુંબઈમાં આવીને દાદાગીરી કરશો તો એ નહીં ચલાવી લેવાય, તેમને જેવા સાથે તેવાની ભાષામાં જવાબ આપવામાં આવશે. હવે જો કોઈ કાયદો હાથમાં લેશે તો તેને જરા પણ નહીં બચાવાય, તેના પર કડક કાર્યવાહી કરવામાં આવશે. આરોપીઓને ફાંસીની સજા થાય એ માટે પૂરી કોશિશ કરીશું.’
