ટ્રાવેલ ફોટોઝ

૯ દુર્ગાનાં ૯ સ્વરૂપ : મા શૈલપુત્રી, મા બ્રહ્મચારિણી, મા ચંદ્રઘંટા, મા કુષ્માંડા, મા સ્કંદમાતા, મા કાત્યાયની, મા કાલરાત્રિ, મા મહાગૌરી અને મા સિદ્ધિદાત્રી

રંગે રમે આનંદે રમે, આજ નવદુર્ગા રંગે રમે

શારદીય નવરાત્રિ અધર્મ પર ધર્મની ફતેહનો ઉત્સવ છે. મા દુર્ગાએ મહિષાસુર સાથે ૯ દિવસ અને ૯ રાત યુદ્ધ કરીને દસમીના દિવસે વિજય મેળવ્યો એના માનમાં ઊજવાતું આ પર્વ ભારતનો લૉન્ગેસ્ટ ફેસ્ટિવલ છે. આજથી જ આ શુભ-મંગલ જશનનું મંગલાચરણ થઈ રહ્યું છે ત્યારે એક નહીં, શ્રી શક્તિનાં નવેનવ રૂપોનું પ્રતિનિધિત્વ કરતાં મંદિરોની માનસયાત્રા કરીએ નોરતાંનું મહાપર્વ કેવળ ધાર્મિક અનુષ્ઠાન નથી. આ કાળખંડ સાથે શારીરિક, આત્મિક અને બ્રહ્માંડીય શુદ્ધીકરણનો દૃષ્ટિકોણ જોડાયેલો છે. શારીરિક શુદ્ધીકરણના વૈજ્ઞાનિક અભિગમ વિશે સૌને ખ્યાલ છે જ કે બે ઋતુના સંધિકાળમાં થતી ફિઝિકલ ઊથલપાથલથી મુક્ત થવા સાત્ત્વિક આહાર, ફળાહાર, રાત્રિચર્યા તથા શારીરિક હલનચલન કરવાથી શરીરનું ડીટૉક્સિફિકેશન થાય છે. એ જ રીતે આ દિવસોમાં કરવામાં આવતી શક્તિસ્વરૂપની સાધના મન-આત્મામાં છુપાયેલા મોહ, લોભ, અહંકાર, કામ-વાસના જેવા આંતરિક અસુરોને ખદેડી નાખીને અંતરમન શુદ્ધ કરે છે. બ્રહ્માંડીય ઊર્જાને ચેતનવંતી કરવાની વાત કરીએ તો આ સમયમાં સૂર્યદેવ દક્ષિણાયનમાં હોવાથી બ્રહ્માંડની ચેતના ક્ષીણ થવા લાગે છે. ત્યારે માતૃશક્તિની આરાધના સમસ્ત અંતરીક્ષના ચૈતન્યને જાગૃત કરીને સૃષ્ટિને ફરી જીવંત બનાવે છે. વળી વેદિક ધર્મે તો વધુ ઊંડાણમાં જઈ આ પર્વના ૯ દિવસને ૩ ગુણમાં વિભાજિત કર્યા છે અને ઋષિમુનિઓએ મનુષ્યજાતના કલ્યાણાર્થે તેનામાં રહેલા એ દોષોનો નાશ કરવા નવેનવ દિવસ દેવીમાતાનાં ભિન્ન-ભિન્ન સ્વરૂપોની પૂજા-સાધના કરવાનું સૂચન કર્યું છે. આપણા દેશમાં એ દૈવી રૂપોને સમર્પિત અનેક મંદિરો પણ છે. આજે આ શૃંખલાનાં પૌરાણિક-પ્રાચીન મંદિરો વિશે જાણીએ.

11 October, 2026 04:35 IST | Mumbai | Alpa Nirmal

વિશાળ કાચબાઓ સાથેની મુલાકાત: કુદરતના ધીમા પણ શાહી મહેમાનો

સેશેલ્સની ધરતી પર વિશાળ કાચબાઓનો સાથ અને પારદર્શક દરિયાઈ જગતનો અનોખો અનુભવ

સેશેલ્સની મુલાકાત દરમિયાન કુદરતને આટલી નજીકથી જોવાનો અને સમુદ્રની સુંદરતાને એક અલગ જ દૃષ્ટિકોણથી અનુભવવાનો મોકો મળ્યો. વિશાળ કાચબાઓ સાથેની મુલાકાતથી લઈને ક્રિસ્ટલ કાયકમાં બેસીને દરિયાની અંદરની દુનિયા નિહાળવા સુધીની આ સફર મારા માટે યાદગાર બની રહી. સેશેલ્સનું નામ સાંભળતાં જ આંખો સામે સફેદ રેતીવાળા દરિયાકિનારા, આસમાની રંગનું પાણી, નાળિયેરીનાં ઝાડ અને કુદરતના ખોળામાં વસેલા સુંદર ટાપુઓની તસવીર ઊભી થઈ જાય. જ્યારે હું સેશેલ્સ પહોંચી ત્યારે આ કલ્પનાથી પણ વધુ સુંદર દુનિયા મારી રાહ જોઈ રહી હતી. અહીંની સૌથી ખાસ વાત એ છે કે કુદરત માત્ર જોવાની વસ્તુ નથી, પરંતુ દરેક ક્ષણે તેને અનુભવી શકાય છે. ક્યારેક દરિયાની લહેરો સાથે, તો ક્યારેક હરિયાળી વચ્ચે નિરાંતે ફરતાં વિશાળ કાચબાઓ સાથે.

04 October, 2026 12:29 IST | Seychelles | Shilpa Bhanushali

લેક તાહોની મુલાકાત સાથે આ આઇકોનિક લોકેશન્સ જોવા જરૂરી

લેક તાહોમાં સેટ-જેટિંગ: હોલીવુડનાં 7 આઇકોનિક શૂટિંગ લોકેશન

હોલીવુડની અનેક ફિલ્મોએ સિલ્વર સ્ક્રીન પર લેક તાહોની કુદરતી સુંદરતાને યાદગાર દૃશ્યોમાં કેદ કરી છે. લેક તાહોનાં આવાં જ કેટલાંક આઇકોનિક શૂટિંગ લોકેશનની મુલાકાત લઈને તમારા મનપસંદ પાત્રોની વાર્તાઓ અને દૃશ્યોને એ જ સ્થળે ફરીથી માણી શકાય છે, જ્યાં તેઓ પડદા પર જીવંત થયાં હતાં.

24 September, 2026 04:44 IST | Tahoe | Gujarati Mid-day Online Correspondent

શહેરના પ્રખ્યાત ફૂડ કલ્ચરનો અનુભવ કરવા, નવી રેસ્ટોરાં શોધવા અને બેસ્ટ ટેબલ પર ઉત્તમ ફૂડ એન્જોય કરવા માટે `કૂલિનરી` શ્રેષ્ઠ વિકલ્પ છે.

ન્યૂ ઓર્લિયન્સમાં ફૂડથી લઈને મ્યુઝિક ફેસ્ટિવલ્સની ધમાલ, જાણો શું છે ખાસ

ન્યૂ ઓર્લિયન્સ અત્યારે ભરઉનાળાની મજા માણી રહ્યું છે અને સાથે જ પાનખરના ઉત્સવોની તૈયારીઓમાં જોતરાઈ ગયું છે. શહેરમાં હાલ `કૂલિનરી ન્યૂ ઓર્લિયન્સ` (COOLinary New Orleans), `મ્યુઝિયમ મન્થ`, `સધર્ન ડેકાડન્સ` અને `NOLAxNOLA` જેવાં અનોખાં આયોજનોનો ઉત્સાહ છવાયેલો છે. કૂલિનરી ન્યૂ ઓર્લિયન્સ (COOLinary New Orleans) ન્યૂ ઓર્લિયન્સના ઈતિહાસ, જીવનશૈલી અને સંસ્કૃતિમાં ત્યાંની અનોખી ખાનપાન શૈલી (Cuisine) ખૂબ મહત્વનો હિસ્સો ધરાવે છે. દર ઉનાળામાં શહેરભરની રેસ્ટોરાં `કૂલિનરી ન્યૂ ઓર્લિયન્સ` તરીકે ઓળખાતી વાર્ષિક ફૂડ પરંપરામાં ભાગ લે છે. શહેરની કેટલીક ટોચની રેસ્ટોરાં ખાસ તૈયાર કરેલા `પ્રિક્સ-ફિક્સ` (Prix-fixe) મેનૂ એકદમ આકર્ષક અને વ્યાજબી ભાવે પીરસે છે. સ્વાદિષ્ટ વાનગીઓની આ સફરનું વર્ષ 2026માં 22મું વર્ષ ઉજવાઈ રહ્યું છે. આ વર્ષે 140થી વધુ રેસ્ટોરાં આ ફેસ્ટિવલમાં જોડાઈ છે, જેમાં 37 રેસ્ટોરાં પહેલીવાર ભાગ લઈ રહી છે. ઓગસ્ટ મહિના દરમિયાન $28 કે તેથી ઓછા ભાવમાં 2-કોર્સ લંચ અને $58 કે તેથી ઓછા ભાવમાં 3-કોર્સ બ્રંચ તથા ડિનર મેનૂની મજા માણી શકાય છે. સ્થાનિકો અને પ્રવાસીઓ બંને માટે શહેરની સર્વશ્રેષ્ઠ રેસ્ટોરાંનો સ્વાદ અતિ આકર્ષક ભાવે માણવાની આ એક સુવર્ણ તક છે.

21 August, 2026 05:16 IST | Louisiana | Gujarati Mid-day Online Correspondent

સાઉથ અમેરિકાનો મિજાજ જાણવા માટે અલાબામાની રોડ ટ્રિપ જરૂરી

અમેરિકાના દક્ષિણમાં આવેલું અલાબામા એ એવું રાજ્ય છે જ્યાં પ્રવાસ માત્ર એક સ્થળેથી બીજા સ્થળે પહોંચવાનો નથી, પરંતુ રસ્તામાં મળતા ઇતિહાસ, કુદરતી સૌંદર્ય, સ્થાનિક સંસ્કૃતિ અને લોકોની આત્મીયતા સાથે ધીમે-ધીમે ગાઢ બનતો અનુભવ છે. ફોર્ટ પેઇનથી મોબાઇલ સુધીનો લગભગ ચાર દિવસનો આ રોડ ટ્રિપ ધોધ, પહાડો, અંતરિક્ષ વિજ્ઞાન, સિવિલ રાઇટ્સનો ઇતિહાસ, વિશ્વસ્તરીય ભોજન અને મેક્સિકોના અખાતના મનોહર દરિયાકિનારાને એક જ પ્રવાસમાં સમાવી લે છે. કોઈ આ સફર બાઇક પર એકલા કરે છે, તો કોઈ પરિવાર કે મિત્રોની સાથે કારમાં. પરંતુ મુસાફરી પૂરી થયા પછી દરેક પ્રવાસી સાથે લઈ જાય છે નવી શોધની ખુશી અને જીવનભર યાદ રહે એવી ક્ષણો. ફોર્ટ પેઇનઃ જ્યાંથી કુદરતના અજાયબીઓની શરૂઆત થાય છે અલાબામાના ઉત્તર-પૂર્વમાં આવેલું ફોર્ટ પેઇન એટલાન્ટાથી લગભગ 100 કિલોમીટર દૂર છે. ધોધો, ઊંડી ખીણો અને એપાલેચિયન પર્વતોની સંસ્કૃતિ માટે જાણીતો આ વિસ્તાર કુદરતપ્રેમીઓ માટે સ્વર્ગ સમાન છે. અહીં આવેલું લિટલ રિવર કેન્યન નેશનલ પ્રિઝર્વ લુકઆઉટ માઉન્ટનને ચીરીને પસાર થતી અદભુત ખીણ માટે પ્રસિદ્ધ છે. અહીંના ટ્રેલ્સ પરથી વહેતા ઝરણાં અને ખળખળતા રેપિડ્સના નજારા મન મોહી લે છે. સાહસિક પ્રવાસીઓ માટે નજીકનું ડિસોટો સ્ટેટ પાર્ક લગભગ 70 કિલોમીટર લાંબા હાઇકિંગ અને માઉન્ટેન બાઇકિંગ ટ્રેલ્સ, ઝિપલાઇન અને ઇન્ડિયન ફોલ્સ જેવા સુંદર ધોધો માટે જાણીતું છે. સાંજ પડે ત્યારે બક્સ પોકેટ સ્ટેટ પાર્કનું જિમ લિન ઓવરલુક સૂર્યાસ્ત નિહાળવા માટે શ્રેષ્ઠ સ્થળ છે. જ્યારે દિવસનો અંત ડેકાલ્બ કાઉન્ટી પબ્લિક ફિશિંગ લેક ખાતે માછીમારી કરીને કરી શકાય. રાત્રિ રોકાણ માટે ડિસોટો સ્ટેટ પાર્કની પહાડી કેબિન અથવા શેલેટ્સ પ્રવાસને વધુ યાદગાર બનાવે છે. ફોર્ટ પેઇન અને આગામી શહેર હન્ટ્સવિલ વચ્ચે આવેલું સ્કોટ્સબોરોનું Unclaimed Baggage પણ એક અનોખું આકર્ષણ છે. ખોવાઈ ગયેલા સામાનની ખરીદી-વેચાણ માટે જાણીતું આ સ્ટોર પ્રવાસીઓને અચાનક મળતી રસપ્રદ વસ્તુઓથી આશ્ચર્યચકિત કરી દે છે.

16 July, 2026 03:44 IST | Alabama | Gujarati Mid-day Online Correspondent

કેન્યામાં તમે ક્યાં રોકાઓ છો, એ માત્ર પ્રવાસનો એક ભાગ નથી રહેતો, પરંતુ આખી સફરની સૌથી યાદગાર બાબત બની જાય છે

ટ્રીહાઉસથી બીચ વિલા સુધી: કેન્યાના સૌથી અનોખા રહેવાના અનુભવો

કેન્યાનું નામ સાંભળતાં જ સૌથી પહેલાં સફારી યાદ આવે. સિંહનું અચાનક દર્શન, ધીમી મસ્તીમાં રસ્તો ઓળંગતો હાથીઓનો ઝુંડ કે પછી પોતાની આંખે જોતા પણ સ્વપ્ન જેવું લાગતું `ગ્રેટ માઇગ્રેશન`. પરંતુ જે લોકો ખરેખર કેન્યાની સફર કરીને આવ્યા છે, તેમને પૂછો કે સૌથી લાંબા સમય સુધી તેમની યાદમાં શું રહ્યું? તો જવાબ ઘણી વાર સફારી નહીં, પરંતુ ત્યાં વિતાવેલી ક્ષણો હશે.સવારની કૉફી પીતા-પીતા સામે નિર્ભયતાથી પસાર થતું જિરાફ, કેનવાસ ટેન્ટની અંદર સૂતી વખતે દૂરથી સંભળાતો હાયનાનો અવાજ, શહેરના હોર્નને બદલે પક્ષીઓના કલરવ વચ્ચે વૃક્ષ પરના ઘરમાં ખુલતી સવાર અથવા પછી સફારી જીપને બદલે સ્વાહિલી કિનારે પરંપરાગત ધાઉ (Dhow) નૌકામાં પસાર કરેલી સાંજ. આ રહી એવી સાત અનોખી જગ્યાઓ, જે સાબિત કરે છે કે કેન્યાની પરોણાગત માત્ર સફારી લૉજ સુધી સીમિત નથી.

15 July, 2026 05:58 IST | Kenya | Gujarati Mid-day Online Correspondent

સેશેલ્સમાં ઘણા દરિયા કિનારાઓ છે જ્યાંથી સૂર્યાસ્ત એક કાયમી યાદગીરી બની શકે છે

ગોલ્ડન અવરના જાદુને માણવા વિશ્વનાં આ અદ્ભુત સ્થળો

આજના સમયમાં પ્રવાસ માત્ર એક જગ્યાએ જઈ આવવાનું નામ નથી રહ્યું. સોશિયલ મીડિયાના યુગમાં ટ્રિપનું આયોજન શરૂ થાય ત્યારથી જ મનમાં ફોટોગ્રાફ્સ, રીલ્સ અને યાદગાર પળોની આખી સ્ક્રિપ્ટ તૈયાર થવા લાગે છે. કયો સૂર્યોદય કેમેરામાં કેદ કરવો, કયા કેફેમાં બેસવું અને કયો સૂર્યાસ્ત સોશિયલ મીડિયા પર શેર કરવો, આ બધું મુસાફરી પહેલાં જ નક્કી થઈ જાય છે. આ બધી દોડધામ વચ્ચે એક એવી ક્ષણ આવે છે, જેના માટે થોડું થોભી જવું જરૂરી બને છે. સૂર્યોદય પછીની અને સૂર્યાસ્ત પહેલાંની થોડી મિનિટો, એટલે કે ગોલ્ડન અવર. આ સમયે પ્રકાશ નરમ હોય છે, આકાશ રંગ બદલતું રહે છે અને કુદરત જાણે પોતાની સૌથી સુંદર છબી રજૂ કરતી હોય એવો અહેસાસ થાય છે. જો તમે પણ એવા પ્રવાસના શોખીન હો, જેમને માત્ર સ્થળ નહીં પરંતુ તેની સૌથી સુંદર ક્ષણને પણ માણવી ગમતી હોય, તો વિશ્વનાં આ સ્થળોને તમારી આગામી ટ્રાવેલ લિસ્ટમાં ચોક્કસ સ્થાન આપજો. સેશેલ્સ: જ્યાં દરેક બીચ સૂર્યાસ્તની અલગ વાર્તા કહે છે સેશેલ્સમાં ગોલ્ડન અવર માણવા માટે કોઈ ખાસ આયોજન કરવાની જરૂર નથી. બસ દરિયાકિનારે નીકળી પડો. લા દિગ્વે (La Digue) પર આવેલો એન્સ સોર્સ ડી આર્જેન્ટ (Anse Source d`Argent) બીચ દુનિયાના સૌથી વધુ ફોટોગ્રાફ થતા સૂર્યાસ્ત માટે જાણીતો છે. સાંજના સોનેરી પ્રકાશમાં વિશાળ ગ્રેનાઇટના ખડકો ચમકી ઊઠે છે અને તેમની વચ્ચેનું છીછરું ફિરોઝી પાણી આકાશના બદલાતા રંગોને એટલી સુંદર રીતે પ્રતિબિંબિત કરે છે કે દરેક દૃશ્ય પોસ્ટકાર્ડ જેવું લાગે. જો સેશેલ્સને થોડા અલગ અંદાજમાં માણવું હોય તો માહે (Mahé)ના બ્યુ વેલોન બીચ (Beau Vallon Beach) પર પહોંચો. સૂર્ય જેમ જેમ ક્ષિતિજ તરફ આગળ વધે છે તેમ તેમ આખો દરિયાકિનારો જીવંત બની જાય છે. સ્થાનિક લોકો હોય કે પ્રવાસીઓ, કોઈ વૉટર સ્પોર્ટ્સની મજા માણતું હોય તો કોઈ શાંતિથી દરિયાકિનારે બેસીને આકાશને સોનેરી, પીચ અને જાંબલી રંગોમાં રંગાતું જોતું હોય છે. શાંતિ અને એકાંત પસંદ હોય તો પ્રાસલિન (Praslin)નો એન્સ લાઝિયો (Anse Lazio) બીચ પણ એટલો જ અદ્ભુત અનુભવ કરાવે છે. હરિયાળી ટેકરીઓ, નરમ સફેદ રેતી અને સ્ફટિક જેવા પારદર્શક પાણી વચ્ચે અહીંનો સૂર્યાસ્ત એક અલગ જ શાંતિનો અહેસાસ કરાવે છે. સેશેલ્સની ખાસિયત એ જ છે કે અહીં દરેક બીચનો પોતાનો અલગ મિજાજ અને પોતાની અલગ સૂર્યાસ્તની વાર્તા છે. તમારે ફક્ત તમારી મનપસંદ જગ્યા શોધવાની છે.

15 July, 2026 04:49 IST | Mumbai | Gujarati Mid-day Online Correspondent

પુરીના જગન્નાથ મંદિરની પ્રતિકૃતિ જેવાં જ મંદિરો છે ભારતનાં અન્ય શહેરોમાં

અસલ તો અસલ જ હોય, એની કોઈ જોડ ન હોય. ઓડિશાના તટીય ટાઉન પુરીમાં આવેલું જગન્નાથ મંદિર બેજોડ છે, બેનમૂન છે, બેમિસાલ છે. એની મહત્તા, પવિત્રતા કે ચેતના સાથે કોઈ પણ મંદિર બરાબરી ન જ કરી શકે. એનાં અસ્તિત્વ અને આસ્થાને સર આંખોં પર રાખીને આપણે માનસીયાત્રા કરીએ દેશનાં અન્ય શહેરોમાં આવેલાં શ્રી જગન્નાથ મંદિરની જે ઓરિજિનલ મંદિરની ફર્સ્ટ કૉપી, સેકન્ડ કૉપી કે થર્ડ કૉપી સમાન બનાવવામાં આવ્યાં છે પૉઇન્ટ્સ ટુ બી નોટેડ મુંબઈગરાઓને ચેન્નઈ, બૅન્ગલોર, દિલ્હી કે હૈદરાબાદ કેવી રીતે જવું, શું જમવું એ કહેવું જ ન પડે. જો દિઘા જવું હોય તો કલકત્તાથી વન-ડે ટૂર કરી શકાય. હાવડાથી ટ્રેનો અને બસો દ્વારા દિઘા પહોંચી શકાય છે. બાકી દિઘામાં રહેવું હોય તો મીડિયમ કક્ષાની પણ બેટર કહી શકાય એવી હોટેલો છે. હા, સી-ફેસિંગ હોટેલ તમારી રજાને વધુ મજાની બનાવી દેશે. બાકી વેજિટેરિયન ફૂડ માટે હોટેલની રેસ્ટોરાં ઇઝ ઓન્લી ઑપ્શન. ચાંદીપુર બીચ માટે પ્રસિદ્ધ ઓડિશાના બાલાસોર જવા મુંબઈના લોકમાન્ય તિલક ટર્મિનલથી ડાયરેક્ટ ટ્રેન મળે છે. કલકત્તા અને ભુવનેશ્વરની મધ્યમાં આવેલા આ ટાઉનમાં પણ રહેવાનાં તથા ફરવાનાં સ્થળો અને ઘણાં મંદિરો છે. બાલાસોરથી ઇમામી જગન્નાથ મંદિરનું અંતર ફક્ત ૧૧ કિલોમીટર છે. બલેશ્વર તરીકે ઓળખાતા આ ટાઉનમાં જ આપણી બૅલેસ્ટિક મિસાઇલની પરીક્ષણ-રેન્જ છે. અહીંથી ૧૦૦ કિલોમીટર દૂર ભોગરાઈમાં બાબા ભુસન્દેશ્વર મંદિર છે જે ૧૨ ફુટ લાંબું અને ૧૪ ફુટ પહોળું છે. કહેવાય છે કે આ તો શિવલિંગનો અડધો હિસ્સો માત્ર છે. બાકીનો અડધો ભાગ વર્ષોથી જમીનમાં દટાયેલો છે. નીલાંચલવાલાનો મહિમા અપરંપાર છે. આગળ કહ્યું એમ જગન્નાથજીને ઓડિયા સમુદાય ઉપરાંત અન્ય રાજ્યોના રહેવાસીઓ પણ ખૂબ ભક્તિથી પૂજે છે. આથી તેમનાં નાનાં-મોટાં મંદિરો દરેક રાજ્યનાં અનેક શહેરોમાં છે. એમાંય ઘણાં મેટ્રોમાં તો પુરીના મંદિરની પ્રતિકૃતિ જેવાં જ મંદિરો બન્યાં છે. એ સૂચિમાં રાંચી સ્ટેશનથી ૧૧ કિલોમીટરના અંતરે આવેલા ધુર્વામાં ૧૦૦ ફુટ ઊંચી પહાડી પર બનેલું જગન્નાથ મંદિર પણ અગ્ર ક્રમાંકે આવે છે. વળી અહીં તો છેક ૧૬૯૧થી જગન્નાથજી બિરાજે છે. જોકે સમયે-સમયે મંદિરની સંરચનામાં ફેરફાર આવ્યા છે પણ હાલનું મંદિર, ખાસ કરીને શિખર અદલોઅદ્દલ ઉત્કલ પુરીના જગન્નાથ મંદિરની ઝેરોક્સ જેવું જ ડિટ્ટો બનાવાયું છે. જોકે ૮૫-૯૦ મીટરની ઊંચાઈ ધરાવતું શિખર રંગે શુભ્ર છે, પરંતુ વાસ્તુકલા કૉપી ટુ કૉપી. જગન્નાથ મંદિરની રેપ્લિકાની જ વાત ચાલતી હોય તો ભારતની સિલિકૉન વૅલી બૅન્ગલોરના અગરા વિસ્તારના મંદિરને ન ભુલાય. પથ્થરમાંથી બનેલા આ મંદિરમાં સ્થાપત્ય કારીગરી પ્રમાણમાં ઓછી છે, પરંતુ શિખરનો શેપ અદલોઅદ્દલ પુરીના મંદિર જેવો છે. અહીં પણ રથયાત્રા ઉત્સવમાં ૧૫,૦૦૦થી વધુ ભક્તો જોડાય છે. ઓડિશાના અંગુલ જિલ્લાસ્થિત શૈલામાં આવેલું શ્રી ક્ષેત્ર મંદિર જગન્નાથ, બલભદ્ર, સુભદ્રાને સમર્પિત મંદિર પણ મેઇન મંદિરની થર્ડ કૉપી જેવું છે. વળી અહીંની સ્નાનયાત્રા અને રથયાત્રા તો રાજ્યભરમાં પ્રસિદ્ધ છે. એ જ રીતે દિલ્હીના હૌજ ખાસ અને ઉત્તર પ્રદેશના નોઓડામાં આવેલા જગન્નાથ મંદિરની વાસ્તુકલા પણ પુરીના મંદિરની નકલ સમાન કહી શકાય.

12 July, 2026 04:27 IST | Mumbai | Darshini Vashi