ફેશન ટિપ્સ ફોટોઝ

અજરખનાં ચણિયાચોળી, નેક પૅચ કમ ટૉપ અને ગરબાના તાલે કેડિયાનો રંગીન ફ્યુઝન લુક

આ વખતે નવરાત્રિ માટે તમે ખરીદી કરી-કરીને થાકી જશો, પરંતુ તમારું મન નહીં ભરાય

આવતી કાલથી નવરાત્રિ શરૂ થઈ રહી છે ત્યારે ગરબા માટેના તમારા આઉટફિટમાં કંઈક નવું કલેક્શન ઉમેરવાનું રહી ગયું હોય તો મિડ-ડે લઈ આવ્યું છે મુંબઈની બોરીવલી, કાંદિવલી, મલાડ, મુલુંડ અને ભુલેશ્વરની મુખ્ય માર્કેટ્સમાંથી શું-શું લેવા જેવું છે એનું સિલેક્ટિવ કલેક્શન. અજરખના ચણિયા, કુમકુમ પગલાંના ઘાઘરા, સ્પૅગેટી સ્ટાઇલનાં બ્લાઉઝ, ઇન્ડો-વેસ્ટર્ન કેડિયાં, ઘાઘરા અને ઓઢણીનું ફ્યુઝન અને બીજું શું-શું નવું આવી રહ્યું છે એની સ્ટાઇલ-ગાઇડ જોઈ લો ભુલેશ્વરમાં મળશે ફ્યુઝનની બોલબાલા સાઉથ મુંબઈના ભુલેશ્વરમાં આ વખતે ટ્રેડિશનલ નવરાત્રિ માટેના માર્કેટમાં ફ્યુઝનનો તડકો જોવા મળી રહ્યો છે. વાઇટ, ક્રીમ, પેસ્ટલ કલરથી લઈને ડાર્ક બ્રાઉન, મરૂન રંગના મિનિમલ ડિઝાઇનવાળા ઘેરદાર ઘાઘરાના એટલાબધા ઑપ્શન્સ છે કે ન પૂછો વાત. આ માર્કેટમાં પ્લેન ઘેરદાર ચણિયાની ઉપર હેવી ચોલીનું ફ્યુઝન કરી શકાય એવા મલબક ઑપ્શન્સ છે. કચ્છી ભરત અને મિરરવર્કવાળી રંગબેરંગી કોટી કે બ્લાઉઝ કોઈ પણ ધોતીસ્ટાઇલ પૅન્ટ સાથે પહેરી શકાય એવાં છે. માર્કેટમાં ભારે ભીડની વચ્ચે ગ્રાહકોની ડિમાન્ડ પરથી સમજી શકાતું હતું કે નવી જનરેશન નવરાત્રિના રંગબેરંગી ચટકમટક વર્કને બદલે પ્લેન ઘાઘરા અને હળવી ચોલીની સાથે ભરાવદાર વર્કવાળી ઓઢણીઓને પસંદ કરી રહી છે. મુલુંડ માર્કેટમાં નવરાત્રિનો ધમધમાટ આ વર્ષે ગરબાના ગ્રાઉન્ડમાં નવેનવ દિવસ ફ્રેશ અને અલગ લુક જોઈએ તો મુલુંડની માર્કેટમાં મળશે એના અનેક વિકલ્પો મુલુંડ સ્ટેશનની લગોલગ આવેલા રામ રતન ત્રિવેદી (RRT) રોડ પર ભરાતી માર્કેટ ખેલૈયાઓ માટે નવું શૉપિંગ ડેસ્ટિનેશન બની ગયું છે. પહેલાં નવરાત્રિનું શૉપિંગ કરવા માટે સેન્ટ્રલ સબર્બ્સના લોકોએ સાઉથ મુંબઈ જવું પડતું હતું, પણ છેલ્લાં બે-ત્રણ વર્ષથી મુલુંડમાં નવરાત્રિ માટેનું એક્સક્લુઝિવ કલેક્શન જોવા મળી રહ્યું છે. જો તમે પણ આ નવરાત્રિમાં ટ્રેન્ડી અને યુનિક દેખાવા માગતા હો તો મુલુંડ માર્કેટમાં મળતી આ ખાસ વસ્તુઓ પર નજર કરવા જેવી છે. બ્લાઉઝનું ફ્યુઝન મલ્ટિકલર થ્રેડવાળું બ્લાઉઝ પ્લેન કે વર્કવાળા ઘાઘરા સાથે બહુ આકર્ષક લાગે છે. એમાં રહેલી ગરબા મોટિફ એમ્બ્રૉઇડરી અને મિરરવર્ક આઉટફિટને વધુ યુનિક અને રિચ લુક આપે છે. આ ઉપરાંત અત્યારે ઘુંઘરૂ ટ્રેન્ડનો દબદબો નવરાત્રિ કલેક્શનમાં પણ જોવા મળી રહ્યો છે. બ્લાઉઝમાં અલગ-અલગ રીતે કરવામાં આવેલું ઘુંઘરૂવર્ક ગરબા રમતી વખતે અવાજ અને લુક બન્નેને એન્હૅન્સ કરવાનું કામ કરે છે. માર્કેટમાં ફ્રિન્જવાળાં બ્લાઉઝ, બોહો ચિક મિરર અને મલ્ટિકલર થીમ કોર્સિટ બ્લાઉઝ અત્યારે ફૅશનમાં ઇનથિંગ હોવાથી તમારા વૉર્ડરોબ કલેક્શનમાં સામેલ કરી શકો છો. ચણિયાચોળીમાં અઢળક ઑપ્શન્સ વધેલા ફૅબ્રિકને અપસાઇક્લિંગ કરીને બનાવેલા મલ્ટિકલર કળીદાર ઘાઘરા પણ બોહો અને ટ્રેડિશનલ લુક આપે છે અને આવા મલ્ટિકલર કળીવાળાં ચણિયાચોળી બહુ ટ્રેન્ડમાં છે. એમાં બાંધેજ, બ્લૉક પ્રિન્ટ અને ગોટાપટ્ટીની બૉર્ડર સાથે કરેલું પૅચવર્ક અસ્સલ નવરાત્રિ વાઇબ્સ આપે છે. આવા ઘાઘરા સાથે તમારા હિસાબે મિક્સ ઍન્ડ મૅચ કરી શકાય એવું બ્લાઉઝ અને દુપટ્ટો પેર કરીને ચણિયાચોળીનો સેટ બનાવી શકાય. રેડ ઍન્ડ બ્લૅક કૉમ્બિનેશનમાં અજરખ પ્રિન્ટ, મિરરવર્ક અને ગોટાપટ્ટી બૉર્ડરવાળાં ચણિયાચોળી માર્કેટમાં બહુ વેચાઈ રહ્યાં છે. આ ઉપરાંત પર્પલ અને મરૂન શેડમાં હાથી, મોર અને આભલાવર્કની બૉર્ડર હોય એવાં ચણિયાચોળીની પણ અત્યારે ભારે ડિમાન્ડ છે. જો તમે કંઈક હટકે અને રૉયલ લુક ઇચ્છતા હો તો વાઇટ ફૅબ્રિકવાળાં ફ્લેર્ડ ચણિયાચોળી શ્રેષ્ઠ છે. એમાં ચોલી પર કલશ ડિઝાઇન, આભલાં અને થ્રેડવર્કનું કૉમ્બિનેશન હોય છે અને સ્કર્ટ પર રંગબેરંગી ગોટાપટ્ટીના સ્તરો હોય છે. - દર્શિની વશી અને કાજલ રામપરિયા

10 October, 2026 08:24 IST | Mumbai | Gujarati Mid-day Correspondent

તાજી પાલકના ક્રિસ્પી પકોડા, દેશી પીળી કઢી, ચટણી, મસાલા અને પાવના આ સંગમને અમદાવાદીઓ ખૂબ ઉત્સાહથી આવકારી રહ્યા છે.

જ્યાફતઃ અમદાવાદમાં છવાયો ગૌરવ ખત્રીના અસલ પાલનપુરી પાલક કઢી પકોડાનો ચટાકો...

ગુજરાત અને રાજસ્થાનની સરહદે વસેલું બનાસકાંઠાનું પાલનપુર શહેર જેટલું તેના સમૃદ્ધ વારસા, ઝળહળતા હીરાના વેપાર, દૂધ ઉત્પાદન અને જૈન સંસ્કૃતિ માટે જાણીતું છે, એટલું જ તે પોતાની સાદગીપૂર્ણ અને સોડમદાર ખાણી-પીણી માટે પણ મશહૂર છે. અહીંની વૈવિધ્યસભર ફૂડ લાઈફમાં પાલક કઢી પકોડા પાલનપુરના સ્ટ્રીટ ફૂડની ખાસ ઓળખ અને સવારનો પ્રિય નાસ્તો બની ચૂક્યા છે. જેમકે ધનિયા ચોકડીથી ગઠામણ સુધી છેલ્લાં ચાર-પાંચ દાયકાથી ગુંજતો આ અસલ સ્વાદ હવે અમદાવાદ પહોંચ્યો છે, જ્યાં 14 વર્ષની કોર્પોરેટ કારકિર્દી છોડી ગૌરવ ખત્રીએ સોલા બ્રિજ પાસે ગુલાબ ટાવર કોમ્પ્લેક્સમાં ‘Palak Pakoda House’ શરૂ કર્યું છે. તાજી પાલકના ક્રિસ્પી પકોડા, દેશી પીળી કઢી, ચટણી, મસાલા અને પાવના આ સંગમને અમદાવાદીઓ ખૂબ ઉત્સાહથી આવકારી રહ્યા છે. ગુજરાતમાં રેસ્ટોરન્ટ્સ અને સ્ટ્રીટ ફુડ વિશે લખનારાઓમાં પૂજા સાંગાણીનું નામ જાણીતું છે. મિડ-ડે અખબારમાં લગલગાટ બે વર્ષ સુધી ખાઇ પીને મોજ નામની કૉલમથી તેઓએ ગુજરાતી ફુડને સ્વાદ રસિયાઓ સમક્ષ રજૂ કર્યું ત્યારે હવે તેઓ ડિજિટલી સ્વાદની "જ્યાફત" આપણી સાથે શૅર કરશે. ફૂડી પૂજા ગાંધીનગરમાં જન્મ્યાં અને વડોદરામાં ઉછર્યાં. અંગ્રેજી સાહિત્યમાં માર્સ્ટર્સ કરનારા પૂજા ગુજરાતી અને અંગ્રેજી બંન્ને ભાષામાં કોન્ટેન્ટ રાઇટિંગ કરતાં આવ્યા છે. તે ફૂડ રાઇટર જ નહીં પણ ફૂડ બ્લોગર પણ છે અને સોશ્યલ મીડિયા સ્ટ્રેટેજિસ્ટ તરીકે પણ કામ કરે છે. ફૂડ બ્લોગર, ફૂડ લેખિકા અને સોશિયલ મીડિયા સ્ટ્રેટેજિસ્ટ તરીકે પોતાના અનુભવનો લોકોને લાભ આપે છે. તેઓ સોશ્યલ મીડિયા પર પણ પોતાના લખાણો મુકે છે તથા તેમના કામને પગલે બે એવોર્ડ પણ તેઓ મેળવી ચૂક્યાં છે. નવા રેસ્ટરન્ટ્સ ખૂલે કે કોઇ નવો ફૂડ ટ્રેન્ડ હોય તે અચૂક ત્યાં પહોંચે અને સ્વાદ રસિકોને માર્ગદર્શન પણ આપતા રહે છે. ચાલો માણીએ જ્યાફત. (તસવીરો : પૂજા સાંગાણી)

09 October, 2026 08:01 IST | Mumbai | Gujarati Mid-day Online Correspondent

આજકાલ વેસ્ટર્ન ડેનિમ આઉટફિટ્સ પર માત્ર આભલાં કે કોડી જ નહીં, અનેકવિધ ક્રીએટિવ અને કલ્ચરલ ડિઝાઇન્સ જોવા મળી રહી છે.

આ નવરાત્રિમાં ન્યુ નૉર્મલ બનશે ગામઠી ડેનિમ

ગરબાના ગ્રાઉન્ડમાં દર વર્ષે ફૅશનના નવા પ્રયોગો જોવા મળે છે, પણ છેલ્લા કેટલાક સમયથી ડેનિમ પર ગામઠી કલાનું ફ્યુઝન વાઇરલ ટ્રેન્ડ બની ચૂક્યો છે. હેવી ચણિયાચોળી દરરોજ પહેરવાં કે કૅરી કરવાં કેટલીક વાર મુશ્કેલ બને છે ત્યારે આ ગામઠી ડેનિમ એક યુનિક, કમ્ફર્ટેબલ અને સ્ટાઇલિશ વિકલ્પ પૂરો પાડે છે. ડેનિમની મજબૂતી અને એની સાથે ગુજરાતની લોકકલા, પૅચવર્ક, કોડીઓ, આભલાં અને રંગબેરંગી દોરાનું એમ્બ્રૉઇડરી ભેગું થઈને એક અનોખો ફ્યુઝન લુક આપે છે.

08 October, 2026 05:57 IST | Mumbai | Gujarati Mid-day Online Correspondent

મૅન્ટાસ્ટિકના આજના એપિસોડમાં આપણે મળીશું સંદીપ દેસાઈને (તસવીર ડિઝાઇન: કિશોર સોસા)

Mantastic: સેન્સેઈ સંદીપ દેસાઈ કેવી રીતે બન્યા ભારતના પહેલા ‘તાઈ ચી’ માસ્ટર

એક ખૂબ જ જાણીતી હિન્દી ફિલ્મનો જાણીતો સંવાદ છે “મર્દ કો કભી દર્દ નહીં હોતા”, પુરુષોનું આવું જ ચિત્રણ કવિ નર્મદ પોતાની કવિતામાં કરતાં લખે છે “મર્દ તેહનું નામ, સમો આવ્યો કે ચાલે; કનક કામિની તજી, સજી રણમાં મ્હાલે.” પુરુષોની આ કઠણ અને કડક વલણ ધરાવતી છબી કાયમ રાખવામાં સમાજે દિલથી મહેનત કરી છે. લોકો એ વાતને તો સ્વીકારે છે કે પુરુષો નારિયેળ જેવા છે, પણ તેનાથી પણ ઓછા લોકો સમજી શકે છે કે આ નારિયેળની અંદર લાગણીઓની ભીનાશ યથાવત્ છે. આ જ્ઞાન ઠોકીને પુરુષોને મહાન ચિતરવાનો પ્રયાસ અમે કરતાં નથી, પણ તમામ મર્દ જે ‘દર્દ’ વેઠીને પણ સમાજમાં પરિવર્તન લાવવા માટે મથી રહ્યાં છે તેમની વાર્તા તમારા સુધી પહોંચાડવાના નમ્ર પ્રયાસરૂપે ગુજરાતી મિડ-ડે ડૉટ કૉમ લઈને આવ્યું છે એક વિશેષ સિરીઝ ‘મૅન્ટાસ્ટિક’. આ સિરીઝમાં આપણે દર પખવાડિયે મળીશું એવા પુરુષોને જેમણે તનતોડ મહેનત કરી કંઈક નવું ઉકાળ્યું હોય. તો આજે આપણે મળીશું સેન્સેઈને જેઓ ચીનની પ્રખ્યાત કળા‘તાઈ ચી’ને ભારતમાં લઈ આવ્યા.

29 July, 2026 05:06 IST | Mumbai | Viren Chhaya

મૅન્ટાસ્ટિકના આજના એપિસોડમાં આપણે મળીશું આદમ ખત્રીને (તસવીર ડિઝાઇન: કિશોર સોસા)

Mantastic: અજરખની પરંપરાને પઝલમાં ગૂંથનાર આદમ ખત્રીએ બાળકો માટે બનાવી ગેમ

એક ખૂબ જ જાણીતી હિન્દી ફિલ્મનો જાણીતો સંવાદ છે “મર્દ કો કભી દર્દ નહીં હોતા”, પુરુષોનું આવું જ ચિત્રણ કવિ નર્મદ પોતાની કવિતામાં કરતાં લખે છે “મર્દ તેહનું નામ, સમો આવ્યો કે ચાલે; કનક કામિની તજી, સજી રણમાં મ્હાલે.” પુરુષોની આ કઠણ અને કડક વલણ ધરાવતી છબી કાયમ રાખવામાં સમાજે દિલથી મહેનત કરી છે. લોકો એ વાતને તો સ્વીકારે છે કે પુરુષો નારિયેળ જેવા છે, પણ તેનાથી પણ ઓછા લોકો સમજી શકે છે કે આ નારિયેળની અંદર લાગણીઓની ભીનાશ યથાવત્ છે. આ જ્ઞાન ઠોકીને પુરુષોને મહાન ચિતરવાનો પ્રયાસ અમે કરતાં નથી, પણ તમામ મર્દ જે ‘દર્દ’ વેઠીને પણ સમાજમાં પરિવર્તન લાવવા માટે મથી રહ્યાં છે તેમની વાર્તા તમારા સુધી પહોંચાડવાના નમ્ર પ્રયાસરૂપે ગુજરાતી મિડ-ડે ડૉટ કૉમ લઈને આવ્યું છે એક વિશેષ સિરીઝ ‘મૅન્ટાસ્ટિક’. આ સિરીઝમાં આપણે દર પખવાડિયે મળીશું એવા પુરુષોને જેમણે તનતોડ મહેનત કરી કંઈક નવું ઉકાળ્યું હોય. તો આજે આપણે મળીશું કચ્છના આદમ ખત્રીને. જેઓ પોતે પૌરાણિક અજરખ પ્રિન્ટર્સની ધરોહરને આગળ ધપાવનારી દસમી પેઢી તો છે જ પણ સાથે પોતાની આગામી પેઢીને પણ આ કલામાં રસ પડે તે માટે અજરખના બેઝ સાથે બાળકો રમી શકે તે માટે જીગ્સો પઝલ પણ બનાવી છે તો જાણો તેમના વિશે વધુ...

15 July, 2026 05:00 IST | Mumbai | Shilpa Bhanushali

દિયા મહેતા જાટિયાના અટાયરમાં લક્ઝરી અને હેરિટેજ બંને સ્ટેમેન્ટ અને પૂર્વ દક્ષિણના આર્ટની ફિલસૂફી હતી - તસવીરો ઈન્સ્ટાગ્રામ

MET GALA 2026: શ્લોકા અંબાણીની બહેન દિયા મહેતાનો લુક લક્ઝરી અને પરંપરાનો મેળ

મેટ ગાલાની ચર્ચા આ વર્ષે પણ ખૂબ ચાલી. આલિયા ભટ્ટ, કરણ જોહર અને મનીષ મલ્હોત્રા જેવા ફિલ્મ ઈન્ડસ્ટ્રી સાથે સંકળાયેલા ચહેરાઓ તો ત્યાં હતા જ પણ ઈશા અંબાણી અને તેના આઉટફિટની ચર્ચા લાંબી ચાલી. હજી એક ગુજરાતી મૂળની છોકરીએ મેટ ગાલામાં હાજરી આપી હતી અને તેની ચર્ચા થાય એ પણ એટલું જ અગત્યનું છે. દિયા મહેતા જાટિયા એ મૂળ મુંબઈનાં ગુજરાતી છે અને જાટિયા પરિવારની પુત્રવધુ છે. ડાયમંડ ઈન્ડસ્ટ્રીના મોખરાનાં ચહેરા એવાં રસેલ મહેતા રોઝી બ્લુ ઇન્ડિયાના મેનેજિંગ ડાયરેક્ટર છે. દિયા મહેતા એ રસેલ મહેતાનાં દીકરી છે અને શ્લોકા અંબાણીનાં બહેન છે. (તમામ તસવીરો QWEEN ઇન્સ્ટાગ્રામ પેજ)

20 May, 2026 08:15 IST | New York | Chirantana Bhatt

મુંબઈમાં શ્રી અખિલ ભારતીય કચ્છ વાગડ લેવા પાટીદાર સમાજ મહિલા ઉત્કર્ષ સમિતિ દ્વારા સૌથી મોટાં નેઇલ આર્ટ ટ્રેનિંગ વર્કશોપ દરમિયાનની તસવીરો

સૌથી મોટા નેઇલ આર્ટ ટ્રેનિંગ વર્કશોપનું સફળ આયોજન, 504 વિદ્યાર્થીઓએ મેળવી તાલીમ

મુંબઈમાં શ્રી અખિલ ભારતીય કચ્છ વાગડ લેવા પાટીદાર સમાજ મહિલા ઉત્કર્ષ સમિતિ (Shree Akhil Bhartiya Kutch Vagad Leuva Patidar Samaj Mahila Uttkarsh Samiti) દ્વારા ત્રણ દિવસનું મોટું નેઇલ આર્ટ ટ્રેનિંગ વર્કશોપ સફળતાપૂર્વક યોજાયું હતું. આ વર્કશોપમાં કુલ 504 વિદ્યાર્થીઓએ ભાગ લીધો અને નેઇલ આર્ટની વિવિધ ટેક્નિક્સમાં પ્રેક્ટિકલ ટ્રેનિંગ મેળવી. આ વિશે જાણો વધુ...

08 April, 2026 07:36 IST | Mumbai | Shilpa Bhanushali

ઈશા અંબાણીનો રેટ્રો-સ્ટાઇલ ગાઉન, તેના પિન્ક અને વાઇટ ડાયમંડના દાગીના સાથે, ચર્ચાનો મુખ્ય વિષય બન્યો. (તસવીર: સોશિયલ મીડિયા)

ઑસ્કાર 2026: ઈશા અંબાણીના સ્ટાઈલની ચર્ચા, પતિ આનંદ પિરામલ સાથે આપી હાજરી

ઉદ્યોગપતિ મુકેશ અંબાણીની દીકરી 15 માર્ચે ઈશા અંબાણીએ લૉસ ઍન્જલસના ડૉલ્બી થિયેટરમાં આયોજિત 98મા ઍકેડેમી ઍવોર્ડ સમારોહમાં હાજરી આપી હતી, જેમાં તેમના પતિ આનંદ પિરામલ પણ હાજર રહ્યા હતા. રેડ કાર્પેટ પર તેમની હાજરી અને પોશાકએ નોંધપાત્ર ધ્યાન ખેંચ્યું હતું. (તસવીર: સોશિયલ મીડિયા)

16 March, 2026 07:31 IST | Mumbai | Gujarati Mid-day Online Correspondent