લગ્નના દોઢ વર્ષમાં ટીવી-ઍક્ટ્રેસ સુરભિ જ્યોતિ બનવાની છે મમ્મી

સુરભિ જ્યોતિએ ૨૦૨૪ની ૨૭ ઑક્ટોબરે લગ્ન કર્યાં હતાં

તસવીર સૌજન્યઃ સોશ્યલ મીડિયા

ટીવીની જાણીતી ઍક્ટ્રેસ સુરભિ જ્યોતિએ સોશ્યલ મીડિયાના માધ્યમથી સમાચાર આપ્યા છે કે તે હવે મમ્મી બનવાની છે. સુરભિએ સોશ્યલ મીડિયા પર એક તસવીર શૅર કરી છે જેમાં સુરભિ અને તેના પતિ સુમિત સુરીના પગ દેખાઈ રહ્યા છે અને વચ્ચે નાના બાળકનાં શૂઝ રાખેલાં છે.

સુરભિએ પોતાની આ સોશ્યલ મીડિયા પોસ્ટમાં લખ્યું છે, ‘ૐ! અમારી જિંદગીની સૌથી સુંદર સફર હવે શરૂ થવા જઈ રહી છે. અમારો નાનકડો પ્રેમ આ જૂનમાં આવવાનો છે.’

ADVERTISEMENT

સુરભિ જ્યોતિએ ૨૦૨૪ની ૨૭ ઑક્ટોબરે પોતાના બૉયફ્રેન્ડ અને ઍક્ટર સુમિત સૂરિ સાથે પાંચ વર્ષના ડેટિંગ પછી ઉત્તરાખંડના જિમ કૉર્બેટમાં ભવ્ય અને યાદગાર સમારંભમાં લગ્ન કર્યાં હતાં. હવે આ કપલ જૂનમાં પોતાના બાળકનું સ્વાગત કરવા તૈયાર છે.