એક ખાસ ઇન્ટરવ્યૂમાં આગામી સર્વાઇવલ ડ્રામા `મિશન રાણીગંજ`ની સ્ટાર કાસ્ટ રવિ કિશન, પવન મલ્હોત્રા અને જમીલ ખાને તેમની ભૂમિકાઓ અને ફિલ્મના શૂટિંગના અનુભવ વિશે ખુલાસો કર્યો હતો. અભિનેતા રવિ કિશન, જેઓ ભોલા નામના ખાણિયોનું પાત્ર ભજવી રહ્યા છે, શૂટિંગ દરમિયાન પોતાનો અનુભવ શૅર કરતાં કહ્યું કે, “મેં અનુભવ્યું અને સમજાયું કે ખાણિયો મૃત્યુને કેવી રીતે નજીકથી જુએ છે. આ વાર્તા તે ખાણિયાઓની છે, જેઓ 1989માં ફસાયા હતા અને તેમની આસપાસના લોકોને લાગતું હતું કે તેઓ બચી શકશે નહીં. હું ખાણિયો ભોલાનું પાત્ર ભજવી રહ્યો છું. મેં મારી કારકિર્દીમાં આવો રોલ ક્યારેય કર્યો નથી. અક્ષય કુમાર અને પરિણીતી ચોપરા મુખ્ય ભૂમિકામાં છે, આ ફિલ્મ 6 ઑક્ટોબરે સિનેમાઘરોમાં રિલીઝ થવાની તૈયારીમાં છે. આ ફિલ્મ સ્વર્ગસ્થ જસવંત સિંહ ગિલના જીવનની સાચી ઘટના પર આધારિત છે, જેમણે ભારતના પ્રથમ સફળ કોલસા ખાણ બચાવ મિશનનું નેતૃત્વ કર્યું હતું."
