ઇવેન્ટમાં પ્રોડ્યુસર નિધિ દત્તા બ્લૅક આઉટફિટમાં જોવા મળી હતી, જ્યારે સની ઑલિવ શર્ટ અને ડેનિમમાં આકર્ષણનું કેન્દ્ર બન્યો હતો. આ પાર્ટીમાં વરુણ ધવન ઑલ બ્લૅક લુકમાં આવ્યો હતો, જ્યારે સોનમ બાજવા ટ્યુબ ડ્રેસમાં ગ્લૅમરસ લુકમાં જોવા મળી હતી.
બૉર્ડર 2ની ટીમ
ફિલ્મ ‘બૉર્ડર 2’ બૉક્સ-ઑફિસ પર સારો દેખાવ કરી રહી છે ત્યારે આખી ટીમ માટે એક ખાસ ગેટ-ટુગેધર પાર્ટીનું આયોજન કરવામાં આવ્યું હતું. આ ફંક્શનમાં ફિલ્મની સમગ્ર ટીમ હાજર રહી હતી. ઇવેન્ટમાં પ્રોડ્યુસર નિધિ દત્તા બ્લૅક આઉટફિટમાં જોવા મળી હતી, જ્યારે સની ઑલિવ શર્ટ અને ડેનિમમાં આકર્ષણનું કેન્દ્ર બન્યો હતો. આ પાર્ટીમાં વરુણ ધવન ઑલ બ્લૅક લુકમાં આવ્યો હતો, જ્યારે સોનમ બાજવા ટ્યુબ ડ્રેસમાં ગ્લૅમરસ લુકમાં જોવા મળી હતી.
બૉર્ડર 2ના દરિયાનો વૉર-સીન સ્વિમિંગ પૂલમાં શૂટ થયો હોવાનાં ફુટેજ લીક
ADVERTISEMENT
વૉર ફિલ્મ ‘બૉર્ડર 2’ બૉક્સ-ઑફિસ પર સારો દેખાવ કરી રહી છે. સની દેઓલ, દિલજિત દોસાંઝ, વરુણ ધવન અને અહાન શેટ્ટી જેવા સ્ટાર્સની ઍક્ટિંગ દર્શકોને બહુ પસંદ પડી રહી છે. ફિલ્મના કેટલાક ઇમોશનલ વૉર-સીન દર્શકોને રડાવી રહ્યા છે. હવે ફિલ્મના શૂટિંગનાં કેટલાંક ફુટેજ લીક થયાં છે. આમાંથી એક ફુટેજમાં અહાન શેટ્ટી ડૂબતી પનડૂબી પર નજર આવે છે, જ્યારે હકીકતમાં આ સીનનું શૂટિંગ એક સ્વિમિંગ પૂલમાં કરવામાં આવ્યું હતું. આ ક્લિપમાં અહાનના ચહેરા પર ઈજાગ્રસ્ત દેખાવ માટે મેકઅપ કરવામાં આવી રહ્યો છે. ફિલ્મમાં જે સ્થળને સમુદ્ર તરીકે દર્શાવવામાં આવ્યું છે એ વાસ્તવમાં એક જર્જરિત ઇમારત નજીકનું સ્થાન હોવાનું સામે આવ્યું છે. આ ક્લિપ સામે આવ્યા પછી આ વૉર-સીન જોઈને ભારે ઇમોશનલ થઈ ગયેલા ઘણા ફૅન્સને ભારે આંચકો લાગ્યો છે.
દિલને સ્પર્શી ગઈ: હૃતિક રોશને બૉર્ડર 2 માટે પોસ્ટ કર્યો આ રિવ્યુ
સની દેઓલ, વરુણ ધવન, દિલજિત દોસાંઝ અને અહાન શેટ્ટીની ફિલ્મ ‘બૉર્ડર 2’ બૉક્સ-ઑફિસ પર સારો દેખાવ કરી રહી છે. આ વૉર-ડ્રામા જોઈને હૃતિક રોશને પણ પોતાનો રિવ્યુ શૅર કર્યો છે. હૃતિકે સોશ્યલ મીડિયા પર ફિલ્મનાં વખાણ કરતાં એક પોસ્ટ કરી છે.
હૃતિકે સોશ્યલ મીડિયામાં લખ્યું છે કે ‘‘બૉર્ડર 2’ બહુ જ પસંદ આવી! દિલને સ્પર્શી ગઈ! સંપૂર્ણ ટીમને અભિનંદન.’
હૃતિકની આ પોસ્ટ જોઈને તેના ફૅન્સ પણ ‘બૉર્ડર 2’ જોવા માટે ઉત્સાહિત છે.
