સલાર ભાગ ૧: મુંબઇમાં મુકાયું સુપરસ્ટાર પ્રભાસનું ૧૨૦ ફીટનું કટઆઉટ

અગ્રણી પ્રોડક્શન હાઉસ તેમના આગામી સૌથી મોટા સાહસ સાલાર પાર્ટ 1: સીઝફાયર (Salaar Part 1), પ્રભાસ અભિનીત અને પ્રશાંત નીલ દ્વારા નિર્દેશિતની ભવ્ય રજૂઆત માટે તૈયારી કરી રહ્યું છે

સલાર ભાગ ૧

હોમ્બલે ફિલ્મ્સ એ ભારતીય ફિલ્મ ઉદ્યોગમાં સૌથી પ્રતિષ્ઠિત નિર્માતાઓમાંની એક છે. અગ્રણી પ્રોડક્શન હાઉસ તેમના આગામી સૌથી મોટા સાહસ સાલાર પાર્ટ 1: સીઝફાયર (Salaar Part 1), પ્રભાસ અભિનીત અને પ્રશાંત નીલ દ્વારા નિર્દેશિતની ભવ્ય રજૂઆત માટે તૈયારી કરી રહ્યું છે. ફિલ્મ માટેના તાજેતરના ઉત્તેજક અપડેટમાં મુંબઈ શહેરના હાર્ટલેન્ડમાં પ્રભાસ (Prabhas)નું 120 ફૂટનું કટઆઉટ કરવામાં મૂકવામાં આવ્યું છે.

આ પહેલીવાર છે, જ્યારે ભારતીય ફિલ્મનું સૌથી મોટું કટઆઉટ ઇન્સ્ટોલ કરવામાં આવ્યું છે. સાલાર પાર્ટ વન સીઝફાયર (Salaar Part 1) પહેલાં હોમ્બલે ફિલ્મ્સ કેજીએફ ચેપ્ટર-2 શહેરમાં 100 ફૂટનું કટ-આઉટ મૂકવામાં આવ્યું હતું. એક્શનરનો સમયગાળો 2 કલાક અને 55 મિનિટ છે અને તેને સેન્સર બોર્ડ દ્વારા `A` પ્રમાણપત્ર આપવામાં આવ્યું હતું. મૂવીમાં ઘણા લોહિયાળ લડાઇના દ્રશ્યો, હિંસા અને યુદ્ધના દ્રશ્યો છે. `A` સર્ટિફિકેટ ફિલ્મના સ્કેલનો પુરાવો છે.

ADVERTISEMENT

પ્રભાસે (Prabhas) તાજેતરમાં જ ફિલ્મ માટે તેના ટ્રાન્સફોર્મેશન વિશે ખુલાસો કર્યો હતો. અભિનેતાને એક ઈન્ટરવ્યુમાં પૂછવામાં આવ્યું હતું કે સાલારમાં તેના પાત્રના શૂટિંગમાં કેટલો સમય પસાર થયો હતો. તેના જવાબમાં પ્રભાસે કહ્યું હતું કે, “પ્રશાંત એક હીરો-ડિરેક્ટર છે. એકવાર કલાકારો સેટ પર આવી જાય, જેમ કે હું, શ્રુતિ કે પૃથ્વી પછી કોઈ સમય બગાડતું નથી. તેઓએ ફક્ત અમારા શોટ્સ પર ધ્યાન કેન્દ્રિત કર્યું. આ રીતે, મારે ક્યારેય સેટ પર રાહ જોવી પડી નથી, તેમ છતાં અમે તેમને કહેતા હતા કે પ્રશાંત, અમે રાહ જોઈશું. જ્યારે હું ફર્સ્ટ શેડ્યૂલ પર પહોંચ્યો ત્યારે મને યાદ નથી કે કયો સમય હતો, પરંતુ તેમણે બધુ અટકાવી દીધું અને કહ્યું કે હીરોની એન્ટ્રી શરૂ થઈ ગઈ છે અને હવે અમે માત્ર હીરોના શોટ્સ લઈશું, પછી મેં તેને કહ્યું, કોઈ વાંધો નહીં, મેં મારી અડધી ફિલ્મોમાં રાહ જોઈ છે.”

હોમ્બલે ફિલ્મ્સ સાલાર: ભાગ 1 – સીઝફાયર (Salaar Part 1)માં પ્રભાસની સાથે પૃથ્વીરાજ સુકુમારન, શ્રુતિ હાસન અને જગપતિ બાબુ જોવા મળશે. પ્રશાંત નીલના નિર્દેશનમાં બનેલી આ ફિલ્મનું નિર્માણ વિજય કિરાગંદુર દ્વારા કરવામાં આવ્યું છે. આ ફિલ્મ 22 ડિસેમ્બર, 2023ના રોજ સિનેમાઘરોમાં રિલીઝ થશે.

ફિલ્મની જાહેરાત થઈ ત્યારથી આ ફિલ્મ ટૉક ઑફ ધ ટાઉન બની રહી છે અને ચાહકો અને પ્રેક્ષકો બાહુબલી સ્ટાર પ્રભાસ અને KGF ડિરેક્ટર પ્રશાંત નીલના વિસ્ફોટક સંયોજનને જોવા માટે ઉત્સાહિત હતા. જનતાની ઉત્તેજના અગ્રણી પોર્ટલ ‘બુક માય શો’ પર જોવા મળી, જ્યાં ફિલ્મને લોકો તરફથી 10 લાખ લાઈક્સ મળી છે અને તે આ વર્ષની એકમાત્ર સૌથી વધુ પસંદ કરવામાં આવેલી ફિલ્મ બની છે. આજ સુધી અન્ય કોઈ ફિલ્મ બુક માય શૉ પર એક મિલિયન લાઈક હાંસલ કરી નથી.

દરેક ટિકિટ બુકિંગ પ્લેટફોર્મ પર ફિલ્મનું એડવાન્સ બુકિંગ શરૂ આવ્યું છે અને એડવાન્સ બુકિંગ ખૂબ જ સારી ઝડપે શરૂ થઈ રહ્યું છે. 22મી ડિસેમ્બર, 2023ના રિલીઝના દિવસે ફિલ્મની ઉત્કૃષ્ટ શરૂઆત થવાની અપેક્ષા છે.